San Lucas 24:46 - Mixteco Metlatónoc

⁴⁶ Ra saa ndikaꞌan ka Jesús xiꞌin ndia, kachi ra saa: ―Tuꞌun Ndioxi ña ndikaꞌyu xinaꞌa ra suꞌva ke kachi ña: ra kuu Cristo, ra xiniñuꞌu kuvi va ra, ndi su kii ña uni ra ndatiaku tuku va ra;

San Lucas 24:46 Referans Kwoze

San Lucas 24:44

Ra saa ndikaꞌan ra xiꞌin ndia, kachi ra saa: ―Xaꞌa takundiꞌi ña kuu yoꞌo ke ndikaꞌan yu xiꞌin ndo te ndixiyo yu xiꞌin ndo ta yachi: ña xiniñuꞌu xinu nuu ndiayu Ndioxi ña ndakoo ra Moisés, ra saa tu ña ndikaꞌan na ndikaꞌan tuꞌun yuꞌu Ndioxi xinaꞌa va, ra saa ke ^kachi tu ña tiaa na nuu tutu Salmo va ―kachi Jesús xiꞌin ndia.

San Lucas 24:7

ta kachi ra suꞌva: “Yuꞌu, ra xaa yoꞌo vichin, ra xiniñuꞌu tiin na yuꞌu, ra ndataxi na yuꞌu ndaꞌa yuvi kuachi, ra katakaa na yuꞌu ndaꞌa cruz, ña kaꞌni na yuꞌu, ndi su kii uni, ra ndiatiaku va yu”, kachi ra xiꞌin ndo ―kachi ndia xiꞌin na.

Hechos 17:3

Ra mii tutu nuu vaxi tuꞌun Ndioxi ke xiniñuꞌu ra ña ndakani ra nuu na xaꞌa Cristo, ña xiniñuꞌu ndoꞌo ni ra, ra kaꞌni na ra, ra na yaꞌa uni kii ra ndatiaku ra, kachi ra. Ra saa ndikaꞌan ka ra xiꞌin na, kachi ra saa: ―Mii Jesús ra kaꞌan yu xaꞌa xiꞌin ndo yoꞌo, kuvi ra kuu Cristo ra tiꞌvi Ndioxi kixi sakaku yoo va ―kachi ra.

1 San Pedro 1:3

Ra na ndasakaꞌnu yo Tata yo Ndioxi ra kuu iva Tata yo Jesucristo, saa chi kuꞌvi ni ini ra xini ra yoo, ra sandakaku xaa ra yoo, xaꞌa ña sandatiaku ra Tata yo Jesucristo tiañu na ndii. Ra ña xa Tata yo Ndioxi suꞌva ke ndinuni ni va ndiatu yo ña ndakiꞌin yo iin ña vaꞌa.

Hechos 4:12

Ra ra yoꞌo kuvi ra kuu mii ndiee ña sakaku ra yoo va, saa chi mii va Ndioxi tiꞌvi ñaꞌa, ña kan ke nuu ña yuuvi yoꞌo, ra ndia nii ka yuvi köo ndiee ña kuchuun na ña sakaku ña yoo ―kachi ra Pedro xiꞌin na.

San Mateo 26:24

Ra saa ndikaꞌan ka ra kachi ra saa: ―Ña ndixa ke yuꞌu ra xaa yoꞌo, ra xa saa xiniñuꞌu ndoꞌo ni va yu, ta kuꞌva kachi mii tuꞌun Ndioxi ña tiaa na ndikaꞌan ndoso tuꞌun yuꞌu Ndioxi xinaꞌa va. Ndi su, ¡ndaꞌvi ni tiaa ra ndataxi yuꞌu!, ra vaꞌa ka va kee ra ndaꞌvi tu kuëe ndikaku ra ―kachi Jesús xiꞌin ndia.

San Juan 20:9

Ra ta kumani ka kuꞌun ndia nuu iin yavi kan, ra täan kundaa kaxi vi ini ndia xiꞌin tuꞌun Ndioxi, ña kaꞌan xaꞌa Jesús, ña xiniñuꞌu ndatiaku ra.