San Lucas 24:39 - Mixteco Metlatónoc

³⁹ Kotoꞌni ndo ndaꞌa yu xiꞌin xaꞌa yu, chi yuꞌu kuvi va ra, ra na kuyachin ndo ña tandiaa ndaꞌa ndo yuꞌu, ra kundaa ini ndo ña suvi kuvi va yu. Chi iin nima ra köo kuñu ña ra nii leke ña köo. Ndi su yuꞌu, ra iyoo va kuñu yu xiꞌin leke yu ―kachi ra.

San Lucas 24:39 Referans Kwoze

San Juan 20:27

Ra saa ndikaꞌan ra xiꞌin ra Tomás, kachi ra saa: ―Kuyachin, ra tuvi kun nduku ndaꞌa kun, yavi nu xindoꞌni clavo ndaꞌa yu, ra kuni kun, ra na tuvi tu kun, ndaꞌa kun kindika yu nuu kaan va na; ra na küu kun tiaa ra xïin kandixa, chi vaꞌa ka va na kuu kun iin tiaa ra kandixa ―*kachi ra.

1 San Juan 1:1

Ñani yo, yoꞌo kuvi ña ^tiaa ndi tutu yoꞌo kuxaa ña nuu ndo, ña ndatuꞌun ndi xiꞌin ndo ña vaꞌa na kundaa ini ndo xaꞌa iin tiaa ra xa iyoo te kumani ka kukava xaꞌa ña yuuvi yoꞌo. Ra tiaa yoꞌo, ra mii va ndi kuvi ndia xini soꞌo tuꞌun ña ndikaꞌan ra, ra xini nuu va tu ndi ra; ra ña ndixa va kuvi ña xini ndi ra, ra nitandiaa ndaꞌa va tu ndi ra. Ra tiaa, ra kaꞌan ndi xiꞌin ndo xaꞌa yoꞌo kuvi ra kuu tuꞌun ña taxi ña kutiaku va yo.

San Juan 20:20

Ra te ndiꞌi ndikaꞌan ra tuꞌun yoꞌo xiꞌin ndia xitaꞌan xiꞌin ra, ra saa ndiñaꞌa ra ndaꞌa ra xiꞌin kindika ra nuu ndia. Ra kusii ka vi ini ndia, te xini ndia ra.

1 Tesalonicenses 5:23

Ra suvi mii Tata yo Ndioxi ra ^taxi ña vaꞌa ña iyoo xiꞌin yo kuvi ra ná ndasayii ndoꞌo, ra na kondiaa ra nima ndo, xiꞌin iki kuñu ndo, xiꞌin ña tiaku ndo ña vaꞌa na köo kuachi ndo nuu Tata yo Ndioxi, ta xa na nandiko tuku Tata yo Jesucristo kixi ra.

Hebreos 12:9

Ra te ndixiyo vali yo, ra ndasa ikun tu iva yo yoo va, ra xa toꞌo va yo ra. ¿Ra nichuun ke kuïin tu yo ña ndasa ikun Tata yo Ndioxi ra iyoo ndivi yoo, ra niꞌi yo ña kutiaku yu ndia ndikaa ndikuꞌun xiꞌin ra?

San Juan 20:25

Ra saa ndikaꞌan ndia sava, ndia xitaꞌan xiꞌin Jesús xiꞌin ra, kachi ndia saa: ―*Xini va ndi, tata yo Jesús ―*kachi ndia. Ra saa ndakuiin ra kachi ra saa, xiꞌin ndia: ―Tu na küni yu, ndaꞌa ra nuu ñaꞌa ndiñani clavo, ra tüvi yu, nduku ndaꞌa yu yavi nuu xindoꞌni ña, ra tüvi tu yu ndaꞌa yu, kindika ra nuu kaan na yavi, saa ra kandïxa vi yu ―*kachi ra.

Hechos 1:3

Ra suvi nuu mii ndia kan ke ndita ra kuaꞌa ni ichi, ña vaꞌa na kundaa ini ndia ña ndixa ke ndatiaku va ra. Ra uvi xiko ka kii ke ndixika ra ndakani ka ra nuu ndia xaꞌa ichi nuu ^xaꞌndia Ndioxi chiñu.

San Lucas 23:46

Ra saa ndiee ka vi nindaꞌyu Jesús, kachi ra saa: ―¡Tata, ndaꞌa mii kun ndataxi yu nima yu! ―kachi ra xiꞌin Ndioxi. Ra ndia tuꞌun yoꞌo ndikaꞌan ra, saa ra ndixiꞌi va ra.

San Lucas 24:38

Ra saa ndikaꞌan Jesús xiꞌin ndia, kachi ra saa: ―¿Nichuun iyuꞌvi ni ndo? ¿Ra nichuun ndakani ini ndo ña ñaa?

San Lucas 24:40

Ra ta ndiꞌi ndikaꞌan ra tuꞌun yoꞌo, ra saa ndiñaꞌa ra yavi ndaꞌa ra xiꞌin xaꞌa ra nuu ndiñani clavo nuu ndia.