San Lucas 23:41 - Mixteco Metlatónoc

⁴¹ Ra vaꞌa va yoo chi xaꞌa kuachi va yo ke ndoꞌo yo ña yoꞌo, ndi su ra yoꞌo, ra ndia nii kuachi köo ndixa ra ―kachi ra.

San Lucas 23:41 Referans Kwoze

1 San Pedro 1:19

chi nii Tata yo Jesucristo va kuvi ña chaꞌvi ra xaꞌa ndo, ra ta kuꞌva iyoo iin ndikachi loꞌo ri köo ña yakua kuu mii va kuvi ña ndixiyo Tata yo Jesucristo nuu Tata yo Ndioxi, saa chi ndia nii kuachi ra ndixïyo.

San Mateo 27:24

Ra te xini ra Pilato ña kundiëe ka tuꞌun ra xiꞌin yuvi kan, saa chi na ndiee ka xaꞌa xa va kuvi na, saa ra xaꞌndia ra chiñu ña taxi na tiakuii ndaꞌa ra, ra saa ndakatia ra ndaꞌa ra nuu takundiꞌi na ñuu, ra ndikaꞌan ra xiꞌin na kachi ra saa: ―Ndïso ka yu xaꞌa nii tiaa yoꞌo, ña kutia ña, saa chi ra vaꞌa va kuvi ra, ra ndia ñaa ke kotoꞌni mii ka va ndo ―kachi ra xiꞌin na.

San Mateo 27:4

ra ndikaꞌan ra xiꞌin ndia kachi ra saa: ―Chee ni kuachi xa yu, saa chi ndataxi yu iin tiaa ra köo kuachi ndaꞌa ndo, ña kaꞌni ndo ra ―kachi ra xiꞌin ndia. Ra saa ndakuiin ndia kachi ndia saa xiꞌin ra: ―¿Ra ni ke ndoꞌo vi tu nduꞌu ndiꞌi ini ndi xaꞌa ña xa yoꞌo? ¡Mii kun xini va! ―kachi ndia xiꞌin ra.

Santiago 4:7

Ra xaꞌa ña kan ke ndinuni ni na ndataxi ndo mii ndo ndaꞌa Tata yo Ndioxi, ra ndaku ni na koo ini ndo ña vaꞌa na köyo ndo ndaꞌa kuachi, saa ra kunu mii timiaꞌa kuꞌun va ri nuu ndo.

San Mateo 27:54

Ra ra soldado ra kuchee kan xiꞌin ndia itaꞌan xiꞌin ra, ña ndiaa ndia Jesús, ra te xini ndia ña ndiee ni nditaan, ra xini tu ndia takundiꞌi ña kuu kan va, saa ra tiaa ni ndiyuꞌvi ndia, ra ndikaꞌan ndia kachi ndia saa: ―Ña ndixa ke seꞌe Ndioxi kuvi ndixa va ra yoꞌo ―kachi ndia.

San Mateo 27:19

Ra sakan saa kuu ra Pilato nduꞌu ra tiayu nuu xandaku ra kuachi, ra saa tiꞌvi ña yasiꞌi ra chiñu ndixaa ña nuu ra, ra kachi ña saa: ―Ndia nii ña na sä kun xiꞌin tiaa ñaa, chi ra vaꞌa va kuvi ra, saa chi iin ni ñuu ndaa, ra iyo ni ndixani yu xaꞌa ra ―kachi ña xiꞌin chuun kan.

San Lucas 23:40

Saa ndukueꞌe ra iyoo kuachi taꞌan ra xiꞌin ra, kachi ra saa: ―¿Nichuun kuayüꞌvi kun Ndioxi? Ra xa kundaa kaxi ini kun chi yo kuvi ku uni saa va yo vichin.

San Lucas 23:42

Ra saa ndikaꞌan ra xiꞌin Jesús, kachi ra saa: ―Tata, ta xa na ndakiꞌin kun ña kaꞌndia kun chiñu, ra na ndakaꞌan kun xaꞌa yu ―kachi ra.

1 Tesalonicenses 2:10

Ra ^ndakuiin tu mii va ndo xaꞌa ndi ñani yo, ra saa tu Ndioxi va, ña xa ndi chiñu vaꞌa, xiꞌin chiñu ndaku ta ndixiyo ndi xiꞌin ndo, ra saa va ke xa ndi ña vaꞌa na käꞌan ndia nii yuvi kuachi xaꞌa ndi, xaꞌa ndia ndia ka chiñu.

1 San Pedro 2:23

ra te ndikaꞌan ña̱ꞌà na xiꞌin ra, ra ndikäꞌan ña̱ꞌà ra xiꞌin na; ra te sandoꞌo na ra, ra ndichinäꞌa ra na ña sondoꞌo ra na, chi ña xa ra ke ndataxi ra ña tiaku ra ndaꞌa Tata yo Ndioxi va, ra ndaku ni xayukun kuachi ña na kondiaa va ra ra.