San Lucas 23:34 - Mixteco Metlatónoc

³⁴ Ra saa ndikaꞌan Jesús xiꞌin Ndioxi, kachi ra saa: ―Tata, sakaꞌnu ini xaꞌa kuachi na, saa chi kundäa ini na ni ke xa vi na ―kachi ra. Ra saa keꞌe taꞌan ndia soldado kan, ña vaꞌa kundaa ini ndia yoo ku ndia ndakiꞌin tikoto Jesús.

San Lucas 23:34 Referans Kwoze

San Mateo 5:44

Ndi su yuꞌu tu kachi saa xiꞌin ndo vichin: Kuꞌvi ini ndo kuni ndo na sáa̱̱ ini xini ndoꞌo, ra na kaꞌan tu ndo xiꞌin Ndioxi xaꞌa na kanitaꞌan xiꞌin va ndo.

Hechos 7:60

Ra saa ndakusiti ra, ra ndiee ka vi ndikaꞌan kachi ra saa: ―Tata, na koo kaꞌnu ini kun xaꞌa kuachi ña xa na xiꞌin yu ―kachi ra xiꞌin Ndioxi. Ndia saa ra ndixiꞌi va ra.

1 San Pedro 3:9

Ra tu ndia na xa ña väꞌa xiꞌin ndo, ra na sä ndo ña väꞌa xiꞌin na; ra tu ndia tu na kaꞌan ña̱ꞌà xiꞌin ndo, ra na käꞌan ña̱ꞌà ndo xiꞌin na. Chi ña xiniñuꞌu sa ndo ke na kaꞌan ndo xiꞌin Tata yo Ndioxi ña na taxi ra ña vaꞌa kutaꞌvi va na, ra saa ke niꞌi tu ndoꞌo va ña vaꞌa nuu ra, saa chi xaꞌa ña kan ke kana ra ndoꞌo va.

Romanos 12:14

Ra na kaꞌan ndo xiꞌin Ndioxi xaꞌa yuvi na xa ndivaꞌa xiꞌin ndo. Ra ña vaꞌa va na nduku ndo nuu ra xaꞌa na, ra na satävi chiꞌña ndo na.

1 Corintios 2:8

Ra ndia nii yuvi na xaꞌndia chiñu iyoo nuu ña yuuvi yoꞌo ndikundäa ini xiꞌin ña ndichi yoꞌo, saa chi tu ndikundaa ini na xiꞌin ña, saa ra kätakaa vi na Tata yo Jesucristo ra kuu mii takundiꞌi ndiee ndaꞌa cruz.

1 Timoteo 1:13

Ra vaꞌa ni ra ndikaꞌan kiꞌvi xaꞌa Tata yo Jesucristo va xikuu yu, ra ta̱xí tu yu na ndikun ichi va ra, ra ndikañaꞌa tu yu xiꞌin va na. Ndi su xa va ra ña vaꞌa yoꞌo xiꞌin yu, saa chi kundaꞌvi va ini ra xini ra yuꞌu, saa chi täan kandixa vi yu Tata yo Jesucristo, ña kan ke ndikundäa ini yu ña xa yu saa.

Hechos 3:17

’Ra xa kundaa ini yu, na taꞌan yo, chi xaꞌa ña ndikundäa ini ndo ndia tiaa kuvi ra ña kan va ke ndakutaꞌan ndo xiꞌin na kunaꞌnu nuu ndo ra xaꞌni ndo ra.

1 Corintios 4:12

ra xachiñu tu ndi ndiakua kuñaa va ndi, ra kañaꞌa tu na xiꞌin va ndi, ndi su tuꞌun vaꞌa va ndakuiin ndi yuꞌu na. Ra ^taxi tu na nduꞌu va, ndi su ^xa kaꞌnu va ini ndi xiꞌin na.

San Mateo 11:25

Saa kuu iin kii ra ndikaꞌan Jesús xiꞌin Ndioxi kachi ra saa: ―Ndasakaꞌnu yu yoꞌo, Tata, chi yoꞌo kuvi ra xaꞌndia chiñu ndivi ra saa tu nuu ñuꞌu yoꞌo va, saa chi chikaa seꞌe va kun ña vaꞌa yoꞌo nuu na ndichi xiꞌin nuu na kundaa ni ini, ra ndañaꞌa kun ña nuu na ndaꞌvi, na kundäa ini, na iyoo ta kuꞌva iyoo na kuachi vali.

San Juan 19:11

Saa ndakuiin Jesús, kachi ra saa xiꞌin ra: ―Ndia nii chiñu küvi kaꞌndia kun xaꞌa yu, tu süvi Ndioxi nditaxi ndiayu ndaꞌa kun; ndi su tiaa ra ndataxi yuꞌu ndaꞌa kun, ra chee ni ka va kuachi ra kan ―*kachi ra.

San Marcos 15:24

Saa takaa ndia soldado Jesús ndaꞌa cruz, ra xaꞌa ndia ke̱ꞌetaꞌan ndia xaꞌa tikoto ra, yo ku ndia ndakiꞌin ña.

San Mateo 11:26

Ra saa xa kun, Tata, chi saa kuni mii kun koo va ―kachi Jesús xiꞌin Ndioxi.

San Lucas 22:42

kachi ra saa: ―Tata, tu kuni kun, ra na täxi kun ña ndoꞌo yu. Ndi su na köo ña kuni yuꞌu, chi na sa kun ña kuni mii va va kun ―^kachi ra.

San Juan 17:9

’Ra xaku ndaꞌvi yu nuu kun xaꞌa takua na itaꞌan xiꞌin va yu, ndi su xäku ndaꞌvi vi yu xaꞌa na yuuvi yoꞌo, saa chi takua na taxi kun ndaꞌa va yu kuvi na kaꞌan yu xaꞌa xiꞌin kun; saa chi kuenda yoꞌo va kuvi na.

Hechos 16:28

Ra saa nindaꞌyu ra Pablo, ra kachi ra saa xiꞌin ra: ―Xäꞌni kun mii kun chi ndee ndiꞌi va ndi ―kachi ra.