San Lucas 23:22 - Mixteco Metlatónoc

²² Ra saa ndikaꞌan tuku ra Pilato kan xiꞌin na ichi ña uni, kachi ra saa: ―¿Ndia ña kuu kuachi tiaa yoꞌo tuvi ndo? Chi ndia nii kuachi ra köo ndaniꞌi yu ña kuvi ra xaꞌa ña; ña kan ke takua na sandoꞌo va yu ra, ra saa saña ndika yu ra kuꞌun va ra ―kachi ra.

San Lucas 23:22 Referans Kwoze

San Lucas 23:14

Ra ndikaꞌan ra xiꞌin na, kachi ra saa: ―Ndoꞌo kuvi na ndiaka tiaa yoꞌo xaa ra xiꞌin ndo nuu yu, ña taxi ndo kuachi xaꞌa ra, ña xika ra sakanitaꞌan ra na ñuu, kachi ndo, ra nuu ndo saa sanaꞌma yu ra, ndi su ndia nii kuachi ña taxi ndo xaꞌa ra köo nindaniꞌi yu.

1 San Pedro 3:18

Saa chi ndoꞌo ni tu Tata yo Jesucristo va xaꞌa kuachi yo, ndi su indaa ichi saa ke ndoꞌo va ra, saa chi ndïko ka ra ña ndoꞌo tuku ra. Ra ra kan, ra ndia nii kuachi ra ndixïyo, ndi su xiin va ra ña ndixiꞌi ra xaꞌa yoo na yuuvi kuachi yoꞌo, ña vaꞌa sanduyachin ra yoo nuu Tata yo Ndioxi, ra ndikaku yo. Ra te ndixiꞌi Tata yo Jesucristo, ra takua iki kuñu va ra kuvi ña ndiꞌi xaꞌa, ndi su ndatiaku va tu ra xiꞌin inka iki kuñu xaa ña xa kuu mii ra ta yachi ña küvi kuni yo.

1 San Pedro 1:19

chi nii Tata yo Jesucristo va kuvi ña chaꞌvi ra xaꞌa ndo, ra ta kuꞌva iyoo iin ndikachi loꞌo ri köo ña yakua kuu mii va kuvi ña ndixiyo Tata yo Jesucristo nuu Tata yo Ndioxi, saa chi ndia nii kuachi ra ndixïyo.

San Lucas 23:20

Ra kuni va ra Pilato saña ndika ra Jesús, ña kan ke ndikaꞌan tuku ra xiꞌin yuvi kan.

San Lucas 23:16

Ña kan ke na taxi yu ndiayu, ña kani ndia soldado ra xiꞌin ñii ña kuu kuarta, ña sandoꞌo ndia ra. Ra te ndiꞌi, saa na saña ndika ra kuꞌun va ra ―kachi ra.

San Lucas 23:4

Ra saa ndikaꞌan ra Pilato xiꞌin ndia sutu kunaꞌnu nuu ndia sutu, xiꞌin takundiꞌi ka yuvi kan, kachi ra saa: ―Köo ndia nii kuachi tiaa yoꞌo ndaniꞌi yu ―kachi ra.

San Lucas 23:21

Ndi su na ndiee ka xaꞌa nindaꞌyu va kuvi na, ra iin tuku tuku kaꞌan na kachi na saa: ―¡Na kutakaa ra ndaꞌa cruz, na kutakaa ra ndaꞌa cruz! ―kachi na.

San Lucas 23:23

Ndi su yuvi kan, ra na ndiee ka ndikaꞌan va kuvi na, ña kuni na ña na kuꞌun Jesús kutakaa ra ndaꞌa cruz. Ra xaꞌa ña ndiee ni sandiꞌi yuvi kan, xiꞌin ña ndikaꞌan ni ndia kunaꞌnu nuu ndia sutu va ke ndixinu va ña kuni na sa na.