San Lucas 23:14 - Mixteco Metlatónoc

¹⁴ Ra ndikaꞌan ra xiꞌin na, kachi ra saa: ―Ndoꞌo kuvi na ndiaka tiaa yoꞌo xaa ra xiꞌin ndo nuu yu, ña taxi ndo kuachi xaꞌa ra, ña xika ra sakanitaꞌan ra na ñuu, kachi ndo, ra nuu ndo saa sanaꞌma yu ra, ndi su ndia nii kuachi ña taxi ndo xaꞌa ra köo nindaniꞌi yu.

San Lucas 23:14 Referans Kwoze

Hebreos 7:26

Ra Tata yo Jesús, ra ndixa kuu sutu, ra kuchee kuvi ra xiniñuꞌu nuu yo, saa chi ra kan kuvi ra yii, ra ndia nii tu kuachi ra köo va, ra ndia nii tu chiñu kiꞌvi kuëe xa va ra, ra nii kuëe itaꞌan tu ra xiꞌin yuvi na xa chiñu kiꞌvi va. Ra Tata yo Jesús ra kuu sutu, ra ndivi va kuvi ña ndakiꞌin Tata yo Ndioxi ra kuaꞌan ra iyoo ra vichin.

Hechos 13:28

Ra vaꞌa ni köo va kuachi ra ndindaniꞌi na, ndi su ndikaꞌan va na xiꞌin ra Pilato ña katakaa ra ra ndika cruz ndixiꞌi ra.

San Mateo 27:54

Ra ra soldado ra kuchee kan xiꞌin ndia itaꞌan xiꞌin ra, ña ndiaa ndia Jesús, ra te xini ndia ña ndiee ni nditaan, ra xini tu ndia takundiꞌi ña kuu kan va, saa ra tiaa ni ndiyuꞌvi ndia, ra ndikaꞌan ndia kachi ndia saa: ―Ña ndixa ke seꞌe Ndioxi kuvi ndixa va ra yoꞌo ―kachi ndia.

San Mateo 27:24

Ra te xini ra Pilato ña kundiëe ka tuꞌun ra xiꞌin yuvi kan, saa chi na ndiee ka xaꞌa xa va kuvi na, saa ra xaꞌndia ra chiñu ña taxi na tiakuii ndaꞌa ra, ra saa ndakatia ra ndaꞌa ra nuu takundiꞌi na ñuu, ra ndikaꞌan ra xiꞌin na kachi ra saa: ―Ndïso ka yu xaꞌa nii tiaa yoꞌo, ña kutia ña, saa chi ra vaꞌa va kuvi ra, ra ndia ñaa ke kotoꞌni mii ka va ndo ―kachi ra xiꞌin na.

San Mateo 27:19

Ra sakan saa kuu ra Pilato nduꞌu ra tiayu nuu xandaku ra kuachi, ra saa tiꞌvi ña yasiꞌi ra chiñu ndixaa ña nuu ra, ra kachi ña saa: ―Ndia nii ña na sä kun xiꞌin tiaa ñaa, chi ra vaꞌa va kuvi ra, saa chi iin ni ñuu ndaa, ra iyo ni ndixani yu xaꞌa ra ―kachi ña xiꞌin chuun kan.

San Mateo 27:4

ra ndikaꞌan ra xiꞌin ndia kachi ra saa: ―Chee ni kuachi xa yu, saa chi ndataxi yu iin tiaa ra köo kuachi ndaꞌa ndo, ña kaꞌni ndo ra ―kachi ra xiꞌin ndia. Ra saa ndakuiin ndia kachi ndia saa xiꞌin ra: ―¿Ra ni ke ndoꞌo vi tu nduꞌu ndiꞌi ini ndi xaꞌa ña xa yoꞌo? ¡Mii kun xini va! ―kachi ndia xiꞌin ra.

Hechos 17:11

Ra na judío na ndee Berea kan, ra toꞌo ni ka va na kan nuu na judío na ndee ñuu Tesalónica, saa chi xiin va na kandixa na Jesús xiꞌin ndinuni nima na, ra iin takundiꞌi kii nanduku na ña sañaꞌa ra Pablo na nuu tutu nuu vaxi tuꞌun Ndioxi, a ndixa saa kachi ña.