San Lucas 23:13 - Mixteco Metlatónoc

¹³ Saa sandakitaꞌan ra Pilato kan, ndia sutu kunaꞌnu nuu ndia sutu, xiꞌin ndia chiñu kunaꞌnu, xiꞌin takundiꞌi na ñuu.

San Lucas 23:13 Referans Kwoze

San Juan 18:38

Ra saa ndikaꞌan ra Pilato kachi ra saa, xiꞌin Jesús: ―¿Ndia ña kuvi ña ndaa? ―kachi ra. Ra te ndiꞌi ndikaꞌan ra tuꞌun yoꞌo, saa kanata ra chi keꞌe ra ndikaꞌan ra xiꞌin na judío, kachi ra saa: ―Ndia nii kuachi tiaa yoꞌo köo ndaniꞌi yu.

San Marcos 15:14

Saa ndikaꞌan ra Pilato xiꞌin na: ―¿Nichuun? ¿Ra ndia ña ku kuachi ra yoꞌo? ―kachi ra xiꞌin na. Ndi na kan, ra na ndiee ka kaꞌan va kuvi na kachi na saa: ―¡Takaa ra ndaꞌa cruz! ―kachi na.

San Juan 19:4

Ra saa kanata tuku ra Pilato, ra ndikaꞌan ra xiꞌin na kachi ra saa: ―Kotoꞌni ndo, chi xa yoꞌo, xaa tiaa yoꞌo nuu ndo, ra na kundaa ini ndo, chi ndia nii kuachi ra köo ndaniꞌi yu ―*kachi ra.

San Lucas 23:35

Ra xitoꞌni takundiꞌi yuvi na ndixaa kan ndita na, ra ndia ndia chiñu kan va ^xa siki Jesús, kachi ndia saa: ―Vaꞌa va sakaku ra inka yuvi, ra na sakaku tu ra mii ra vichin va tu ndixa ke kuu ra Cristo, ra ndikaxin Ndioxi ―*kachi na.

San Lucas 24:20

Ndi su ndia sutu kunaꞌnu, ra tiin ndia ra ra ndataxi ndia ra ndaꞌa ndia chiñu kunaꞌnu, ra ndia kan xaꞌndia chiñu nuu ndia soldado ña kani ndia ra, ra katakaa ndia ra ndika cruz ndixiꞌi ra.

San Juan 3:1

Ndixiyo iin ra fariseo ra xinani Nicodemo, ra ra xikuaꞌa xikuu ra nuu na judío.

San Juan 7:26

Ra yoꞌo va tu íin ra kaꞌan ndoso ra nuu takundiꞌi yuvi, ra köo mii na kaꞌan xiꞌin vi ra. ¿Ra a Cristo ku ndixa va ra tuvi na chiñu?

San Juan 7:48

¿A kandixa ndia kunaꞌnu nuu ndo ra, tuvi ndo? ¿A ndia kunaꞌnu nuu ndia fariseo tu kandixa ñaꞌa, tuvi ndo?

San Juan 12:42

Ra vaꞌa ni saa va, ndi su kuaꞌa ni va na judío na kunaꞌnu xaꞌndia chiñu ra kandixa va na ña ndikaꞌan Jesús, ndi su ndixïin na ndatuꞌun na xiꞌin yuvi saa chi ndiyuꞌvi va na, ña tava ndia fariseo na veꞌe ñuꞌu kan.

Hechos 3:17

’Ra xa kundaa ini yu, na taꞌan yo, chi xaꞌa ña ndikundäa ini ndo ndia tiaa kuvi ra ña kan va ke ndakutaꞌan ndo xiꞌin na kunaꞌnu nuu ndo ra xaꞌni ndo ra.

Hechos 4:5

Ra te ndituvi inka kii saa ndakaya takundiꞌi ndia chiñu naꞌnu nuu na Israel, xiꞌin ndia xikuaꞌa, xiꞌin ndia ^sañaꞌa ndiayu Ndioxi mii ñuu Jerusalén ña sandakú ndia kuachi xiꞌin ndia;

Hechos 4:8

Ra xa chitu va Tachi Yii Ndioxi nima ra Pedro, ra saa ndikaꞌan ra xiꞌin na kachi ra saa: ―Na tata chiñu xiꞌin ndoꞌo na tata xikuaꞌa ñuu yo Israel:

Hechos 13:27

Ndi su na ndee Jerusalén xiꞌin ndia chiñu xaꞌndia chiñu nuu na, ra ndindaküni vi na Jesús ña kuu ra ra kixi sakaku yoo, ra nii tuꞌun ña tiaa ndia ndikaꞌan tuꞌun yuꞌu Ndioxi xinaꞌa, ña kaꞌvi na veꞌe ñuꞌu ta iin ta iin kii ndakindiee na ke ndikundäa ini na xiꞌin vi; ña kan ke ta xaꞌni na Jesús ra ndixinu nuu tuꞌun kan.