San Lucas 22:8 - Mixteco Metlatónoc

⁸ ra saa ndikaꞌan Jesús xiꞌin ra Pedro, xiꞌin ra Juan, kachi ra saa: ―Kuaꞌan ndo, ra savii ndo ña kuxini yo viko pascua vichin ―kachi ra.

San Lucas 22:8 Referans Kwoze

Hechos 8:14

Ra te kundaa ini ndia xitaꞌan xiꞌin Jesús ndia nindoo ndee ñuu Jerusalén xaꞌa na ndee chi Samaria ña xa ndakiꞌin na tuꞌun Ndioxi, saa ra tiꞌvi va ndia ra Pedro xiꞌin ra Juan kuaꞌan ndia ñuu kan.

Hechos 4:19

Ra saa ndakuiin ra Pedro xiꞌin ra Juan kachi ndia saa xiꞌin na: ―Ni ke tuvi ndo, a vaꞌa ka na sa ndi ña kaꞌan ndoꞌo, nuu ña kandixa ndi Ndioxi,

Hechos 4:13

Ra te xini na chiñu kan ña nda̱ku̱ ni kaꞌan ra Pedro xiꞌin ra Juan, saa ra ndakanda ni ini na, saa chi xini va na ndia ña kuu ndia ndia ndaꞌvi ndia kuëe ndikäꞌvi ni, ra saa ndakuni na ndia ña xitaꞌan ndia xiꞌin Jesús.

Hechos 3:11

Ra tiaa ra ndu̱vaꞌa kan, ra iin tutuun va itaꞌan xiꞌin ra Pedro xiꞌin ra Juan xika ndia, ra iin ^ndakanda ini takundiꞌi yuvi kan, xinu na kuaꞌan na nuu ndita ndia, ra nuu ndíta ndia kan ke nani Yeꞌe to̱sò ña kuu kuenda ra Salomón.

Hechos 3:1

Saa kuu iin kii, ra kuꞌva kaa uni xikuaa ke ndakiꞌin ra Pedro xiꞌin ra Juan kua̱ꞌa̱n ndia veꞌe ñuꞌu kaꞌnu ña ka̱ꞌa̱n ndia xiꞌin Ndioxi, hora ña xa yunaꞌa na judío ña xaꞌan na veꞌe ñuꞌu ^kaꞌan na xiꞌin Ndioxi.

San Lucas 1:6

Ra toꞌo ni ndixiyo na nuu Ndioxi. Ra iin kandixa ndiꞌi va na ña xaꞌndia Ndioxi nuu na.

San Mateo 3:15

Ra saa ndakuiin Jesús kachi ra saa: ―Xiniñuꞌu na sakuchi va kun yuꞌu vichin, ra saa ke na saxinu yo nuu takundiꞌi chiñu ña xaꞌndia Ndioxi ―kachi Jesús xiꞌin ra. Ra saa vi ke sakuchi ra ra.

San Lucas 22:9

Saa ndindakatuꞌun ndia ra, kachi ndia saa: ―¿Ndia mii ke kuni kun kuꞌun ndi savii ndi ña kuxini yo Tata? ―kachi ndia.

Hechos 3:3

Ra te xini ra nduchiꞌña kan ña kuyachin ra Pedro xiꞌin ra Juan ña kuaꞌan kiꞌvi ndia yeꞌe nuu nduꞌu ra, ra saa xaꞌa ra ndakan ra xuꞌun nuu ndia.

Gálatas 2:9

Ra ra Jacobo, xiꞌin ra Pedro, xiꞌin ra Juan kuvi ndia kunaꞌnu, ra ndakuni mii va ndia ña vaꞌa ña taxi Tata yo Ndioxi ndaꞌa yu, ra saa ndatiin ndia ndaꞌa yu, ra saa tu ndaꞌa ra Bernabé va. Ra ña xa ndia saa, ra ndia ndakiꞌin mani va kuvi ndia nduꞌu, ra kuni kachi tu ña, ña iyoo yuꞌu ndia xiꞌin va ndi ña kuꞌun ndi ndia kaꞌan ndoso nuu yuvi na küu judío, ra mii tu ndia kindoo kuꞌun kaꞌan ndoso nuu na judío va.