San Lucas 22:70 - Mixteco Metlatónoc

⁷⁰ Ra saa ndindakatuꞌun takundiꞌi ndia ra, kachi ndia saa: ―¿A Seꞌe Ndioxi kuvi ndixa va kun? ―kachi ndia. Ra saa ndakuiin Jesús, kachi ra saa: ―Xa mii ndo ndikaꞌan va, ra suvi kuvi va yu ―kachi ra.

San Lucas 22:70 Referans Kwoze

San Lucas 23:3

Ra saa ndindakatuꞌun ra Pilato Jesús, kachi ra saa: ―¿A ndixa rey na judío kuvi yoꞌo? ―kachi ra. Saa ndakuiin Jesús, kachi ra saa xiꞌin ra: ―Ta iyoo ña ndikaꞌan kun, saa iyoo va ña ―kachi ra.

San Marcos 15:2

Ra saa ndindakatuꞌun ra Pilato Jesús kachi ra saa: ―¿A yoꞌo ku rey na judío? ―kachi ra. Saa ndakuiin Jesús kachi ra saa xiꞌin ra: ―Xa mii kun ku ra ndikaꞌan va ―kachi ra.

San Mateo 27:11

Ra saa ndiaka na Jesús ndixaa na xiꞌin ra nuu ra Pilato ra kuu gobernador, ra saa nindakatuꞌun ra Jesús kachi ra saa: ―¿A ndixa yoꞌo kuvi ra kuu rey na Judío? ―kachi ra. Saa ndakuiin Jesús kachi ra saa xiꞌin ra: ―Ta kachi kun ke iyoo va ña ―kachi Jesús xiꞌin ra.

San Mateo 26:64

Ra saa ndakuiin Jesús kachi ra saa xiꞌin ra: ―Xa mii kun ku ra ndikaꞌan va, ra suvi kuvi va yu. Ra na kundaa ini ndo vichin, chi kuni ndo yuꞌu ra xaa yoꞌo, ña ndakunduꞌu yu chi xitia kuaꞌa Ndioxi ra kaꞌnu, ndivi nuu xaꞌndia ra chiñu, ra ndiko yu kixi yu iin nuu viko yaa ―kachi Jesús xiꞌin ra.

San Juan 19:7

Ra saa ndakuiin ndia judío kunaꞌnu kan kachi ndia saa xiꞌin ra: ―Nduꞌu, ra kuu mii ndi iin ndiayu, ra ta kuꞌva kachi mii ndiayu ndi ke xiniñuꞌu kuvi va ra, saa chi kaꞌan ra, ña kuu ra seꞌe Ndioxi ―*kachi ndia.

San Juan 18:37

Ra saa ndikaꞌan ra Pilato xiꞌin Jesús, kachi ra saa: ―¿Saa ra, rey kuvi ndixa va kun? ―*kachi ra. Ra saa ndakuiin Jesús, kachi ra saa xiꞌin ra: ―Xa mii kun ndikaꞌan ña kuu yu rey va. Ra xaꞌa ña yoꞌo ke kaku va yu, ra xaꞌa ña yoꞌo ke, xaa tu yu ña yuuvi yoꞌo va, ña vaꞌa na kaꞌan yu xaꞌa ña ndaa xiꞌin na yuuvi. Ra takundiꞌi na kandixa ña ndaa, ra kandixa tu na tuꞌun ña ^kaꞌan yu xiꞌin va na ―*kachi ra.

San Juan 10:36

Ra Ndioxi va kuvi ra ndikaxin yuꞌu, ra tiꞌvi ra yuꞌu xaa yu ña yuuvi yoꞌo vichin, ra kaꞌan yu ña kuu yu seꞌe ra, ra ña kan ke kaꞌan ndo, ña ndaa yuꞌu yu ra.

San Juan 10:30

Ra Yuꞌu, xiꞌin Tata yu, ra indaa mituꞌun va kuvi ndi ―kachi Jesús xiꞌin ndia.

San Juan 1:49

Ra saa ndikaꞌan ra Natanael kachi ra saa xiꞌin Jesús: ―Maestro, yoꞌo kuvi ndixa va ra kuu Seꞌe Ndioxi, ra yoꞌo kuvi tu ra kuu Rey na ñuu Israel va ―kachi ra xiꞌin ra.

San Juan 1:34

Ra xa xini va yu ra, ña kan ke ^ndakuiin yu xaꞌa ra ña ndixa ke kúú va ra Seꞌe Ndioxi ―*kachi ra Juan.

San Lucas 4:41

Ra kuaꞌa ni tu na kuu mii tachi ndivaꞌa, va nduvaꞌa xa Jesús, ra iin ndaꞌyu koꞌo ña ndivaꞌa kan ta kee ña, ra kachi ña saa: ―¡Yoꞌo, kuvi Seꞌe Ndioxi! ―kachi ña xiꞌin ra. Ra nditäxi ra kaꞌan ña xiꞌin ra, saa chi xa kundaa va ini ña, ña kuu ra Cristo.

San Marcos 14:62

Saa ndakuiin Jesús, kachi ra saa xiꞌin ra: ―Suvi va yu. Ra kuni ndo yuꞌu, ra xaa yoꞌo vichin, kunduꞌu yu chi xitia kuaꞌa Ndioxi ra kaꞌnu, ra ndiko tuku yu iin nuu vi̱ko̱ kixi yu xiꞌin takundiꞌi ndie̱e̱ Ndioxi ―kachi Jesús xiꞌin ra.

San Mateo 27:54

Ra ra soldado ra kuchee kan xiꞌin ndia itaꞌan xiꞌin ra, ña ndiaa ndia Jesús, ra te xini ndia ña ndiee ni nditaan, ra xini tu ndia takundiꞌi ña kuu kan va, saa ra tiaa ni ndiyuꞌvi ndia, ra ndikaꞌan ndia kachi ndia saa: ―Ña ndixa ke seꞌe Ndioxi kuvi ndixa va ra yoꞌo ―kachi ndia.

San Mateo 27:43

Saa chi ndikaꞌan ra ña ndiaa ni ini ra Ndioxi, ra kuu tu ra seꞌe mii Ndioxi va kachi ra. Ra tu ndixa ke kuꞌvi ni ini Ndioxi xini ra ra, saa ra na sakaku ra ra vichin ―kachi ndia.

San Mateo 4:3

Saa ra kuyachin va timiaꞌa nuu ra ña ixtondoso ri ra, ra ndikaꞌan ri xiꞌin ra kachi ri saa: ―Tu ndixa seꞌe Ndioxi kuvi kun, ra kaꞌan xiꞌin yuu yoꞌo ra na nduu ña ixta kuxi kun ―kachi ri xiꞌin ra.

San Mateo 3:17

Ra tiaku ndikaꞌan Ndioxi ndia ndivi ninu, kachi ra saa: ―Ra yoꞌo kuvi seꞌe yu, ra kuꞌvi ni ini yu xini yu ra, ra kusii ni ini yu xiꞌin ra ―kachi Ndioxi xaꞌa Jesús.

San Mateo 26:25

Ra saa ndakuiin ra Judas, ra ^kuni ndataxi Jesús ndaꞌa na saa ini, kachi ra saa: ―¿A yuꞌu kuvi ra sa saa, Tata Maestro? ―kachi ra. Saa ndikaꞌan Jesús xiꞌin ra kachi ra saa: ―Xa mii kun ndikaꞌan va ―kachi ra xiꞌin ra.

San Lucas 22:71

Ra saa ndikaꞌan ndia, kachi ndia saa: ―Yoo ka ku na xiniñuꞌu yo kaꞌan tieꞌe nuu vi ra, ra xa mii yo kuvi yo xini soꞌo, ña ndikaꞌan mii ra ña ku ra seꞌe Ndioxi va ―kachi ndia.