San Lucas 22:61 - Mixteco Metlatónoc

⁶¹ Ra saa ndikokuiin Jesús ndakotoꞌni ra nuu ra Pedro, ra saa vi ke ndakaꞌan ra Pedro xaꞌa tuꞌun ña ndikaꞌan Jesús xiꞌin ra, ta kachi ra suꞌva: “Ñuu vichin ra xa uni va ichi tiseꞌe tuꞌun kun xaꞌa yu, ra saa kana chele”, kachi ra.

San Lucas 22:61 Referans Kwoze

San Lucas 22:34

Ra saa ndikaꞌan Jesús xiꞌin ra, kachi ra saa: ―Na kaꞌan yu xiꞌin kun ra kundaa ini kun, chi vichin ra xa uni va ichi tiseꞌe tuꞌun kun xaꞌa yu, ña xïni kun yuꞌu kachi kun, ra saa kana chele ―kachi ra.

Apocalipsis 2:5

Xaꞌa ña kan ke na ndakaꞌan kun ndixaa ndixiyo kun te yachi, ra na nandiko tuku ini kun nuu Ndioxi, ra ndakiꞌin tuku kun sa kun chiñu ña xa kun te yachi. Chi tu na nandïko ini kun, saa ra xaa yu niꞌi yu yoꞌo ra sakutiaꞌa yu kaa kun ña xixi ñùꞌù nuu, nuu ndichi ña.

Efesios 2:11

Ra xa kundaa va ini ndoꞌo na küu judío, chi ta yachi, ra “yuvi na köo tuni Ndioxi” va ke xinani ndo nuu na judío, na iyoo tuni Ndioxi; ra tuni kan, ra yuvi taꞌan va na kuvi na xakin ña na.

Hechos 5:31

Ra mii Ndioxi kuvi tu ra ndasachee Jesús va, ña kan ke vaꞌa nduu ra ra xaꞌndia ra chiñu nuu yo, ra sakaku ra yoo, ra ^taxi tu ra ndiayu ndaꞌa yoo na Israel, ña na nandiko ini yo xaꞌa kuachi yo ra koo kaꞌnu ini ra xaꞌa yo.

San Juan 13:38

Saa ndakuiin Jesús kachi ra saa xiꞌin ra: ―¿A ndixa iyoo nduvi kun ña kuvi kun xaꞌa yu? Na kundani kun chi mii ña ndaa, ra ñuu vichin, ra xa uni va ichi tiseꞌe tuꞌun kun xaꞌa yu, ra saa kana chele ―kachi Jesús xiꞌin ra.

San Lucas 10:41

Ra saa ndakuiin Jesús, kachi ra saa xiꞌin ña: ―Marta, Marta, ña ndixa ke ndiee ni ndiꞌi ini va kun, chi iyoo ni chiñu nuu kun ña sandiꞌi yoꞌo.

San Lucas 7:13

Ra ta xini Jesús ñaꞌa yoꞌo, ra kundaꞌvi ni ini ra xini ra ña, ra ndikaꞌan ra xiꞌin ña kachi ra saa: ―Nana, xäku kun ―kachi ra.

San Marcos 5:30

Ra saa kundaa ini Jesús ña ke̱e ndie̱e̱ ra, ra saa ndikokuiin ra ndakotoꞌni ra nuu na yuvi kan, ra ndindakatuꞌun ra na, kachi ra saa: ―¿Yoo ku na nditiandiaa ndaꞌa tikoto yu? ―kachi ra.

San Mateo 26:75

Ra saa ndakaꞌan ra xaꞌa tuꞌun ña ndikaꞌan Jesús xiꞌin ra, ta kachi ra saa: “Xiꞌna ka va uni ichi tiseꞌe tuꞌun kun xaꞌa yu, ra saa kana chele”, kachi ra xiꞌin ra. Ra saa kanata ra Pedro chi keꞌe, ra xaꞌa ra xaku ni ra.

San Mateo 26:34

Ra saa ndikaꞌan Jesús xiꞌin ra kachi ra saa: ―Ña ndixa kaꞌan yu xiꞌin kun, chi ñuu vichin ra xa uni va ichi tiseꞌe tuꞌun kun xaꞌa yu, ra saa kana chele ―kachi Jesús xiꞌin ra.

San Lucas 7:19

ra tiꞌvi ra ndia kuaꞌan ndia ndakatuꞌun ndia Jesús ña vaꞌa na kundaa ini ra: a ra kan kuvi ra xa iyoo tuꞌun xa kixi sakaku na yuuvi yoꞌo, a kundiatu ndia inka va ra, kachi ra Juan xiꞌin ndia.

San Lucas 22:60

Saa ndikaꞌan ra Pedro xiꞌin ra, kachi ra saa: ―Yoꞌo, ra kaꞌan ñaa, kundäa ini yu yoo xaꞌa ke kaꞌan kun ―kachi ra. Ra sakan saa kuu ra kaꞌan ra, saa ra kana va chele.

San Lucas 22:62

Ndia saa ra kanata ra Pedro chi keꞌe, ra xaꞌa ra xaku ni ra.