San Lucas 22:57 - Mixteco Metlatónoc

⁵⁷ Saa ndakuiin ra Pedro, kachi ra saa xiꞌin ña: ―Ndïxa, xïni yu ra kaꞌan kun xaꞌa ―kachi ra.

San Lucas 22:57 Referans Kwoze

1 San Juan 1:9

Ndi su tu naꞌma yo takundiꞌi va kuachi yo nuu Tata yo Ndioxi, saa ra koo kaꞌnu ini ra xaꞌa takundiꞌi va kuachi yo, ra sandiꞌi tu ra xaꞌa va ña, saa chi ra kan, ra saxinu va ra ña kaꞌan ra, ra niña ña ndaa va ^xa ra.

Hechos 3:19

Ra xaꞌa ña kan ke na nandiko ini ndo xaꞌa kuachi ndo, ra ndakundikun ndo Ndioxi, ra saa ke sandiꞌi ra xaꞌa kuachi ndo. Ra taxi ra ndakindiee ndo,

San Juan 18:27

Saa ra tiseꞌe tuꞌun tuku va ra Pedro xaꞌa Jesús, saa ra kana va chele.

San Juan 18:25

Ra nani saa kuu ra Pedro ndichi ra ndasaa ra xiꞌin ndia nuu xixi ñuꞌu kan, ra saa nindakatuꞌun na ra kachi na saa: ―¿A su ra itaꞌan xiꞌin tiaa yoꞌo, kuvi tu yoꞌo va? ―kachi na. Saa ra tiseꞌe tuꞌun tuku va ra xaꞌa Jesús, ra ndikaꞌan ra kachi ra saa: ―Üꞌun, süvi yu ―kachi ra.

San Lucas 12:9

Ndi su, na tiseꞌe tuꞌun xaꞌa yu nuu yuvi yoꞌo, ra saa sa tu yuꞌu va, chi tiseꞌe tuꞌun tu yuꞌu va xaꞌa na, nuu na tatun Ndioxi.

San Mateo 26:70

Ndi su ra Pedro, ra tiseꞌe tuꞌun va ra xaꞌa Jesús, nuu takundiꞌi na ndee kan, ra ndikaꞌan ra kachi ra saa: ―Xïni yu yoo ku ra kaꞌan kun xaꞌa ñaa ―kachi ra xiꞌin ña.

San Mateo 10:33

Ndi su na kukaꞌan nuu ndatuꞌun na xaꞌa yu ña ndikun na yuꞌu xiꞌin inka yuvi, saa ra saa sa tu yuꞌu va, chi sa xïni tu yuꞌu va na nuu Tata yu ra iyoo ndivi ―kachi Jesús.

San Lucas 22:56

Ra saa kuu ra Pedro nduꞌu ra ndasaa ra xiꞌin na. Ra xini va iin ñaꞌa ña xachiñu nuu ra sutu kan ra, ra saa ndikaꞌan ña, kachi ña saa: ―Ra itaꞌan xiꞌin Jesús kuvi tu ra yoꞌo va ―kachi ña.

San Lucas 22:58

Ra saa ndiyaꞌa iin kani loꞌo, ra tuku va tiaa ndakuni ra Pedro, ra ndikaꞌan ra xiꞌin ra, kachi ra saa: ―Ra itaꞌan xiꞌin Jesús kuvi tu yoꞌo va ―kachi ra. Ra saa ndakuiin ra Pedro, kachi ra saa: ―Yoꞌo, ra kaꞌan ñaa, ndïxa. Süvi yu ―kachi ra.