San Lucas 22:52 - Mixteco Metlatónoc

⁵² Ra te ndiꞌi, ra saa ndikaꞌan tu ra xiꞌin ndia kunaꞌnu nuu ndia sutu, xiꞌin ndia kunaꞌnu nuu ndia kumisio ndiaa veꞌe ñuꞌu kaꞌnu, xiꞌin ndia xikuaꞌa kunaꞌnu nuu na ñuu, na ndixaa tiin ñaꞌa, ña kuꞌun ra xiꞌin ndia, kachi ra saa: ―¿A ra kuiꞌna va kuvi yu tuvi ndo? ¿Nichuun xaa ndo xiꞌin ichi, xiꞌin itun ña tiin ndo yuꞌu?

San Lucas 22:52 Referans Kwoze

San Lucas 22:4

Saa ndakiꞌin ra Judas kan ndixaꞌan ra nuu ndia kunaꞌnu nuu ndia sutu, xiꞌin nuu ndia kunaꞌnu nuu ndia kumisio ndiaa veꞌe ñuꞌu kaꞌnu, ra ndikataꞌan ra xiꞌin ndia, ndia kuꞌva ke sa ra ña vaꞌa ndataxi ra Jesús ndaꞌa ndia.

Hechos 5:26

Ra saa kee ra kuchee ndiaa veꞌe ñuꞌu kaꞌnu kan, ndixaꞌan ra xiꞌin ndia kumisio ra ña ndakiꞌin tuku ndia ndia xitaꞌan xiꞌin Jesús, ra ndia iin mani mani va ndikaꞌan ndia kumisio kan xiꞌin ndia xitaꞌan xiꞌin Jesús ña vaxi ndia xiꞌin ndia, saa chi iyuꞌvi ni ndia kumisio kan ña kakin na ñuu yuu ndia.

San Juan 17:12

Ra te ndixiyo yu xiꞌin na taxi kun ndaꞌa yu nuu ña yuuvi yoꞌo, ra xiꞌin ndiee va kun ke xindiaa yu na; ra ndia nii na nindoñüꞌu sa yu, chi takua ra xa iyoo tuꞌun xaꞌa ndoñuꞌu va kuvi ra nindoñuꞌu, ra saa ke kuu va ña vaꞌa na xinu nuu tuꞌun kun ña kaꞌan xaꞌa ra.

San Mateo 26:55

Ra saa ndikaꞌan Jesús xiꞌin yuvi kan, kachi ra saa: ―¿Nichuun xaa ndo xiꞌin ichi, xiꞌin itun ña tiin ndo yuꞌu, a ra kuiꞌna kuvi yu tuvi ndo? ¿A su iin ndisaa kii va ndixiyo yu xiꞌin ndo ini veꞌe ñuꞌu, ña sañaꞌa yu ndoꞌo, ra nditïin ndo yuꞌu?

San Mateo 26:47

Ra sakan saa kuu Jesús kaꞌan ra xiꞌin ndia, saa ra xaa va ra Judas, ra itaꞌan xiꞌin ndia, ña kuu ndia uxi uvi ña itaꞌan ndia xiꞌin Jesús, ra iin tiaꞌndia chee yuvi ndiaka ra, ra niꞌi na ichi xiꞌin itun. Ra ndia xikuaꞌa, xiꞌin ndia sutu, xiꞌin ndia maestro sañaꞌa ndiayu Ndioxi kuvi ndia tiꞌvi na ña ndixaa na.

San Lucas 22:37

Ra kaꞌan yu ña yoꞌo xiꞌin ndo, chi vichin ke xiniñuꞌu xinu nuu tuꞌun Ndioxi ña tiaa na xaꞌa yu xinaꞌa ña ndakani kachi suꞌva: “Ra tiꞌvi Ndioxi xaa, ra xiꞌin yuvi na iyoo kuachi va ndachutaꞌan na ra”, kachi ña. Ra takundiꞌi tuꞌun ña ndakani xaꞌa yu, ra ña xaa yu vichin ke xinu nuu va ña ―kachi ra.

San Lucas 22:51

Ra saa ndikaꞌan Jesús xiꞌin ra, kachi ra saa: ―Xa vaꞌa, na koo na saa ―kachi ra. Ra saa nditiandiaa ndaꞌa Jesús soꞌo tiaa kan, ra sandaꞌa va ra ña.

San Lucas 22:53

A su iin takundiꞌi va kii ndixiyo yu xiꞌin ndo ini veꞌe ñuꞌu kaꞌnu, ra nditïin ndo yuꞌu. Ndi su vichin ke xa ndixaa hora ña sa ndo ña kuni va ndo, saa chi vichin ke kaꞌndia ña ndivaꞌa chiñu va ―kachi Jesús xiꞌin ndia.