San Lucas 22:43 - Mixteco Metlatónoc

⁴³ Ra saa xaa iin ra tatun Ndioxi ra kee ndivi, ña taxi ra ndiee ndaꞌa Jesús.

San Lucas 22:43 Referans Kwoze

San Mateo 4:11

Ndia saa ra ndakoo ri Jesús ra ndakiꞌin ri kuaꞌan va ri, ra saa xaa na tatun Ndioxi ña chindiee taꞌan na xiꞌin va ra.

Hebreos 1:14

Ra takundiꞌi na tatun Tata yo Ndioxi, ra takua nuu va ra ke xachiñu na, ra tiꞌvi tu ra na kuaꞌan na ña chindiee taꞌan na xiꞌin yuvi na xiniñuꞌu kaku va.

San Mateo 26:53

¿Ra a kundäa ini kun, ña kuvi va kaꞌan yu xiꞌin Tata yu, ra takaꞌan va tiꞌvi ra iin tiaꞌndia chee na tatun ra kixi na sata yu?

Hebreos 1:6

Ra te tiꞌvi Tata yo Ndioxi Tata yo Jesucristo, ra ndiniꞌi taꞌvi ndakiꞌin takundiꞌi ñaꞌa ña iyoo nuu ña yuuvi kixi ra, ra suꞌva va ke kachi Tata yo Ndioxi xaꞌa ra: Na ndasakaꞌnu takundiꞌi va na tatun yu, ra kuu seꞌe yu, káchi ra.

1 Timoteo 3:16

Ra na kundaa ini ndo, chi ña kaꞌnu ni va kuvi ña vaꞌa ña ndañaꞌa Tata yo Ndioxi nuu yo, ra suꞌva ke iyoo ña: Tata yo Jesucristo, ra nduu ra iin tiaa ra kixi ra nuu ña yuuvi yoꞌo; Ra Tachi Yii ke ndakuiin xaꞌa ra ña ^kuu ra ra ndaa, ra xini tu takundiꞌi na tatun Ndioxi va ra. Ra ndikaꞌan ndoso tu na ndikun sata ra xaꞌa ra nuu ini kuvi ña yuuvi va, ra kandixa va yuvi tuꞌun ña sañaꞌa na, ra ndakiꞌin Tata yo Ndioxi ra kuaꞌan ra nduꞌu ra xiꞌin ra ndivi.

San Lucas 22:32

Ndi su xa ndikaꞌan va yu xiꞌin Ndioxi xaꞌa kun, ña na kandixa ni ka kun yuꞌu, ra ta xa na nandiko tuku kun nuu yu, ra na chindiee taꞌan kun xiꞌin ndia ñani kun, ña ndinuni ni ka na kandixa ndia yuꞌu ―kachi ra xiꞌin ra.

San Mateo 4:6

Ra ndikaꞌan ri xiꞌin ra kachi ri saa: ―Tu ndixa seꞌe Ndioxi kuvi kun ra sandakava mii kun yoꞌo vichin, chi saa kachi tuꞌun Ndioxi: Chi tiꞌvi va ra na tatun ra kixi na ña kondiaa na yoꞌo, ra nuu ndaꞌa va ná ndakava kun, ra täxi na takueꞌe xaꞌa kun sa yuu ―kachi ri xiꞌin Jesús.

Hebreos 2:17

Ra xaꞌa ña kan ke ña xiniñuꞌu va kuvi ña kixi Tata yo Jesucristo ña nduu ra ta kuꞌva iyoo yoo na kuu ñani ra, ra nduu ra iin sutu ra kuchee vaꞌa, ra ndinuni ni ^xachiñu nuu Tata yo Ndioxi, ra ^kuꞌvi ni tu ini ra xini ra yoo va. Ra suꞌva va ke xa ra, ña vaꞌa sandiꞌi ra xaꞌa kuachi yoo na kuu ñuu Tata yo Ndioxi.

Hechos 18:23

Ra ikan kuachi ra loꞌo, ra ta ndiꞌi saa ndakiꞌin tuku ra ndixaꞌan ra ñuu ña ndoꞌni chi Galacia xiꞌin Frigia, ña ndikaꞌan ra tuꞌun ndiee ini xiꞌin na ndikun Jesús ndee kan.

Hechos 14:22

Ra ta ndixaa ndia ta iin iin ñuu kan, ra saa ndikaꞌan ndia xiꞌin na ndikun Jesús ña ndaku ni na koo ini na, ra ndikaꞌan ka tu ndia xiꞌin na, ña xiniñuꞌu ndoꞌo ni va na, ra saa ke kuchuun na kiꞌvi na nuu xaꞌndia Ndioxi chiñu.