San Lucas 22:42 - Mixteco Metlatónoc

⁴² kachi ra saa: ―Tata, tu kuni kun, ra na täxi kun ña ndoꞌo yu. Ndi su na köo ña kuni yuꞌu, chi na sa kun ña kuni mii va va kun ―^kachi ra.

San Lucas 22:42 Referans Kwoze

San Mateo 26:39

Ra saa kuxika ra loꞌo nuu ndee ndia, ra ikan xikusiti ra, ra iin ndiakua nditiandiaa tiaan ra ndia nuu ñuꞌu, ra xaꞌa ra kaꞌan ra xiꞌin Ndioxi kachi ra saa: ―Tata, tu ña kuvi ke, ra na yaꞌa va tundoꞌo, ña kuyachin vaxi nuu yu; ndi su na köo ña kuni yuꞌu, chi na koo ña kuni yoꞌo va ―^kachi ra xiꞌin Ndioxi.

San Mateo 26:42

Ra saa ndakiꞌin tuku Jesús kuaꞌan ra, kaꞌan ra xiꞌin Ndioxi ichi ña uvi, ra saa xaꞌa ra kaꞌan ra ^kachi ra saa: ―Tata, tu yuꞌu kuvi ra xiniñuꞌu ndoꞌo tundoꞌo yoꞌo, saa ra, na koo ta kuꞌva kuni mii va kun ―kachi ra.

San Marcos 14:36

Ra kachi ra saa kaꞌan ra xiꞌin Ndioxi: ―Abba Tata, köo ña uꞌvi nuu yóꞌo̱. Ra sayaꞌa yuꞌu ndaꞌa tundoꞌo ña vaxi yo̱ꞌo̱; ndi na köo ña kuni yuꞌu, chi na koo ña ta kuꞌva kuni mii va kun ―kachi ra xiꞌin Ndioxi.

San Juan 18:11

Saa ndikaꞌan Jesús xiꞌin ra Pedro, kachi ra saa: ―Ndachikaa ichi kun, ini ñii nuu ndikaa ña. Saa chi tu xa Tata yu kuvi ra taxi ndiayu, ña ndoꞌo yu tundoꞌo yoꞌo, saa ra na ndoꞌo va yu ña ―kachi Jesús.

San Mateo 20:22

Ra saa ndakuiin Jesús kachi ra saa: ―Ndoꞌo, ra kundäa ini ndo ni ke kaꞌan ndo xaꞌa vi. ¿A kuchuun ndo koꞌo ndo vaso ña koꞌo yu, ra kuchi tu ndo ta kuꞌva kuchi yu, ña kuu tundoꞌo ña ndoꞌo yu, tuvi ndo? ―kachi ra xiꞌin ndia. Saa ndakuiin ndia kachi ndia saa: ―Kuchuun va ndi, Tata ―kachi ndia xiꞌin ra.

San Juan 5:30

Saa ndikaꞌan Jesús xiꞌin ndia kachi ra saa: ―Yuꞌu, ra süvi xiꞌin ndiayu mii yu ke xa ndaku yu kuachi xiꞌin yuvi, chi xiꞌin ndiayu Tata yu ra tiꞌvi yuꞌu vaxi va yu ke xa ndaku yu ña xiꞌin na, ra ndaku ni va ^tiin yu kuachi xiꞌin na.

San Juan 6:38

Saa chi yuꞌu, ra ña kee yu ndivi vaxi yu, ra ndixäa yu ña sa yu ña kuni mii yu, chi ña xiniñuꞌu sa yu ke na saxinu yu nuu chiñu Tata yu Ndioxi, ra tiꞌvi yuꞌu vaxi va yu.

San Juan 4:34

Ra saa ndakuiin Jesús kachi ra saa xiꞌin ndia: ―Ñaꞌa ña xixi yu kuvi ña xa yu chiñu ña kuni Tata yu ra tiꞌvi yuꞌu vaxi va yu, xiꞌin ña saxinu yu chiñu ra.

San Mateo 26:44

Ra saa ndakoo ra ndia, ra ndakiꞌin tuku ra kuaꞌan ra kaꞌan ra xiꞌin Ndioxi ichi ña uni va. Ra iin ta kachi ra ke, kachi tuku va ra.

San Mateo 6:10

Ra na kixi kun kaꞌndia kun chiñu nuu ña yuuvi yoꞌo. Ra ta xa kun ndivi ke, na sa kun nuu ñuꞌu yoꞌo va.

San Mateo 11:25

Saa kuu iin kii ra ndikaꞌan Jesús xiꞌin Ndioxi kachi ra saa: ―Ndasakaꞌnu yu yoꞌo, Tata, chi yoꞌo kuvi ra xaꞌndia chiñu ndivi ra saa tu nuu ñuꞌu yoꞌo va, saa chi chikaa seꞌe va kun ña vaꞌa yoꞌo nuu na ndichi xiꞌin nuu na kundaa ni ini, ra ndañaꞌa kun ña nuu na ndaꞌvi, na kundäa ini, na iyoo ta kuꞌva iyoo na kuachi vali.

San Mateo 11:26

Ra saa xa kun, Tata, chi saa kuni mii kun koo va ―kachi Jesús xiꞌin Ndioxi.

San Lucas 23:34

Ra saa ndikaꞌan Jesús xiꞌin Ndioxi, kachi ra saa: ―Tata, sakaꞌnu ini xaꞌa kuachi na, saa chi kundäa ini na ni ke xa vi na ―kachi ra. Ra saa keꞌe taꞌan ndia soldado kan, ña vaꞌa kundaa ini ndia yoo ku ndia ndakiꞌin tikoto Jesús.

Hechos 21:14

Ra vaꞌa ni ndikaꞌan ni va ndi xiꞌin ra, ndi su ndikuchüun vi ndi ña saxinu ndi ini ra, ndia saa ra ndikaꞌan ndi xiꞌin ra, kachi ndi suꞌva va: ―Na koo ña kuni mii Tata yo Jesús va ―kachi ndi.