San Lucas 22:38 - Mixteco Metlatónoc

³⁸ Ra saa ndikaꞌan ndia xiꞌin ra, kachi ndia saa: ―Tata, xa yoꞌo va iyoo uvi ichi ―kachi ndia. Ra saa ndakuiin Jesús, kachi ra saa: ―Xa vaꞌa; na käꞌan ka yo xaꞌa ña yoꞌo ―kachi ra xiꞌin ndia.

San Lucas 22:38 Referans Kwoze

San Lucas 22:49

Ra saa xitoꞌni ndia itaꞌan xiꞌin Jesús ndita ndia, ra kundaa va ini ndia ña ^ndoꞌo ra, ra saa ndindakatuꞌun ndia ra kachi ndia saa: ―Tata, ¿a kuni kun tu na kanitaꞌan ndi xiꞌin na, xiꞌin ichi ña niꞌi ndi? ―kachi ndia.

San Juan 18:36

Ra saa ndakuiin Jesús, kachi ra saa xiꞌin ra: ―Yuꞌu, ra süvi nuu ña yuuvi yoꞌo ke xaꞌndia yu chiñu; chi tu yoꞌo kuvi nuu xaꞌndia yu chiñu, saa ra na itaꞌan xiꞌin yu, ra kanitaꞌan va na xiꞌin na judío taꞌan yu xaꞌa yu. Ndi su süvi nuu ña yuuvi yoꞌo ke xaꞌndia yu chiñu ―*kachi ra.

1 San Pedro 5:9

Ndi su ndaku ni na koo ini ndo nuu ri, ra ndinuni ni tu na kondiaa ini ndo Tata yo Jesucristo va, saa chi iin ta kuꞌva ^kuu xiꞌin ndoꞌo ña sandoꞌo ni na ndoꞌo kuvi tu ña ^ndoꞌo na ñani yo na ndee nuu iinii kuvi saa ña yuuvi yoꞌo va.

1 Tesalonicenses 5:8

ndi su yoo, ra ña xa kuu yo yuvi na iyoo nduvi, ra vivii va na kutiaku yo, ra na kondiaa ni tu ini yo Tata yo Jesucristo va, ra na kuꞌvi ni tu ini yo kuni yo yuvi va, saa chi tu saa na sa yo, saa ra ta kuꞌva iyoo iin soldado ña ndasi kàà sata nima va ra ke iyoo yo. Ra ña ndiaa tu ini yo Tata yo Jesucristo ña ^sakaku ra yoo, saa ra, ta kuꞌva iyoo iin soldado ra kuëe ndiꞌi ini, ra iyoo iin kàà ndasi xini va ke iyoo yo.

San Mateo 26:51

Ra saa tava iin ra itaꞌan xiꞌin Jesús ichi, ra xaꞌndia ra iin xiyo soꞌo ra muso, ra xachiñu nuu ra sutu, ra kuchee nuu takundiꞌi ndia sutu.

San Lucas 22:36

Ra saa ndikaꞌan Jesús xiꞌin ndia, kachi ra saa: ―Xa siin va koo vichin, chi ndoꞌo, ndia iyoo leka, ra na kaniꞌi va ndo ña, ra ndoꞌo, ndia niꞌi xuꞌun, ra kaniꞌi va ndo ña, ra ndoꞌo, ndia köo ichi niꞌi, ra na xiko ndo tikoto ña isukun ndo, ra sata ndo iin ichi ña kaniꞌi ndo.