San Lucas 22:37 - Mixteco Metlatónoc

³⁷ Ra kaꞌan yu ña yoꞌo xiꞌin ndo, chi vichin ke xiniñuꞌu xinu nuu tuꞌun Ndioxi ña tiaa na xaꞌa yu xinaꞌa ña ndakani kachi suꞌva: “Ra tiꞌvi Ndioxi xaa, ra xiꞌin yuvi na iyoo kuachi va ndachutaꞌan na ra”, kachi ña. Ra takundiꞌi tuꞌun ña ndakani xaꞌa yu, ra ña xaa yu vichin ke xinu nuu va ña ―kachi ra.

San Lucas 22:37 Referans Kwoze

2 Corintios 5:21

Ra Cristo, ra ndia nii kuachi ra ndixïyo; ndi su xaꞌa kuachi ña xa yoo, ra ta iyoo ra xa kuachi va ndasa Ndioxi ra, ra xaꞌa ña kan ke vichin ña nduu yo iin xiꞌin Cristo, ra ña vaꞌa na nduu yo yuvi na köo kuachi nuu Ndioxi va kuvi ña.

San Lucas 23:32

Ra ndiaka tu ndia soldado kan, uvi tiaa ndia iyoo ni kuachi va ña kuaꞌan ndia kuvi ndia xiꞌin Jesús.

Gálatas 3:13

Ra Cristo va kuvi ra sakaku yoo nuu chiꞌña ña ^taxi ndiayu Ndioxi ña ndakoo ra Moisés xaꞌa ña ndikuchüun yo saxinu yo takundiꞌi ña kaꞌan ña, ra mii Cristo va kuvi ra ndakuiso chiꞌña kan nuu yo vichin, ra mii saa ke kachi tu tuꞌun Ndioxi va: “Na nditavi chiꞌña kuvi takundiꞌi va yuvi na katakaa na ndaꞌa iin itun”, ^kachi ña.

San Juan 17:4

’Ra xa ndañaꞌa va yu yoꞌo nuu na yuuvi ña kaꞌnu ni kun, xaꞌa ña xa saxinu yu takundiꞌi chiñu ña xaꞌndia kun nuu yu sa yu.

San Juan 10:35

Ra xa kundaa va ini yo, chi tuꞌun ña ndikaꞌyu nuu ndiayu Ndioxi, ra küvi kanduu yo ña; saa chi mii Ndioxi va kuvi ra ndikaꞌan kachi ra saa xiꞌin na ndakiꞌin ndiayu ra ta yachi, ña kuu na ndioxi.

San Lucas 18:31

Ra saa ndikaꞌan Jesús xiꞌin uxi uvi saa ndia itaꞌan xiꞌin ra kachi ra saa: ―Vichin ke kuꞌun yo ñuu Jerusalén, ra ikan ku nuu xinu ndiꞌi nuu tuꞌun ña tiaa na ndikaꞌan ndoso tuꞌun yuꞌu Ndioxi xinaꞌa xaꞌa yuꞌu ra xaa yoꞌo vichin.

San Lucas 22:22

Ra ña ndixa ke xiniñuꞌu ndoꞌo ni va yuꞌu, ra xaa yoꞌo vichin, saa chi xa saa kuni mii Ndioxi ña ndoꞌo va yu, ndi su ¡ndaꞌvi ni tiaa ra ndataxi yuꞌu ndaꞌa na saa ini xini yuꞌu! ―kachi ra xiꞌin ndia.

San Marcos 15:27

Ra takaa tu ndia uvi ra kuiꞌna va ndaꞌa cruz, ra iin ra takaa ndia ndaꞌa nu iin chi kuaꞌa, ra inka ra takaa ndia ndaꞌa nu iin chi ichin va.

San Lucas 22:36

Ra saa ndikaꞌan Jesús xiꞌin ndia, kachi ra saa: ―Xa siin va koo vichin, chi ndoꞌo, ndia iyoo leka, ra na kaniꞌi va ndo ña, ra ndoꞌo, ndia niꞌi xuꞌun, ra kaniꞌi va ndo ña, ra ndoꞌo, ndia köo ichi niꞌi, ra na xiko ndo tikoto ña isukun ndo, ra sata ndo iin ichi ña kaniꞌi ndo.

San Lucas 22:52

Ra te ndiꞌi, ra saa ndikaꞌan tu ra xiꞌin ndia kunaꞌnu nuu ndia sutu, xiꞌin ndia kunaꞌnu nuu ndia kumisio ndiaa veꞌe ñuꞌu kaꞌnu, xiꞌin ndia xikuaꞌa kunaꞌnu nuu na ñuu, na ndixaa tiin ñaꞌa, ña kuꞌun ra xiꞌin ndia, kachi ra saa: ―¿A ra kuiꞌna va kuvi yu tuvi ndo? ¿Nichuun xaa ndo xiꞌin ichi, xiꞌin itun ña tiin ndo yuꞌu?

San Lucas 24:27

Ra saa xaꞌa ra ndakani ra nuu ndia, ra xiꞌna ka xaꞌa ndiayu Ndioxi ña tiaa ra Moisés ke kiꞌin ra ndakani ra, ra iin saa ndiakua sandiꞌi ra ndakani ra xaꞌa takundiꞌi ndia ndikaꞌan tuꞌun yuꞌu Ndioxi xinaꞌa, ra xaꞌa Cristo ra xiniñuꞌu ndoꞌo ni kan ke kaꞌan tu ña tiaa ndia ndixika chiñu nuu Ndioxi xinaꞌa va, kachi ra xiꞌin ndia.

San Marcos 15:28

Ra yoꞌo ke ndixinu nuu tuꞌun Ndioxi ña ndatiaa na te yachi, ña kachi saa: ña “Ndutaꞌan ra kutaꞌan ra xiꞌin na iyoo kuachi”.