San Lucas 22:36 - Mixteco Metlatónoc

³⁶ Ra saa ndikaꞌan Jesús xiꞌin ndia, kachi ra saa: ―Xa siin va koo vichin, chi ndoꞌo, ndia iyoo leka, ra na kaniꞌi va ndo ña, ra ndoꞌo, ndia niꞌi xuꞌun, ra kaniꞌi va ndo ña, ra ndoꞌo, ndia köo ichi niꞌi, ra na xiko ndo tikoto ña isukun ndo, ra sata ndo iin ichi ña kaniꞌi ndo.

San Lucas 22:36 Referans Kwoze

1 Tesalonicenses 3:4

Ra xa kundaa tu ini ndo, chi xa saa kuaꞌa ni va tundoꞌo ndoꞌo ndo, kachi ndi xiꞌin ndo ta ndixiyo ndi xiꞌin ndo, ra xa kundaa ini ndo vichin, chi mii saa ke kuu ndixa va.

San Juan 16:33

Ra tuꞌun yoꞌo ke kaꞌan yu xiꞌin ndo, ña vaꞌa na kundaa ini ndo, chi nuu yuꞌu ke niꞌi ndo ña vaꞌa koo xiꞌin va ndo. Ra ña ndixa ke sandoꞌo ni va na ndoꞌo nuu ña yuuvi yoꞌo; ndi su na kundiaa ini ndo yuꞌu, saa chi yuꞌu, ra xa xatiaa va yu nuu ña yuuvi yoꞌo ―kachi Jesús.

1 San Pedro 4:1

Ra xaꞌa ña xiin Tata yo Jesucristo nditaxin iki kuñu ra, kuvi ña xiniñuꞌu na sa tu ndoꞌo ta kuꞌva xa ra kan va, ña koo nduvi ndo ndoꞌo ndo. Ra tu xiin ndo ña ndoꞌo ndo, saa ra kuni kachi ña saa xa ndakoo va ndo ña xa ndo chiñu kiꞌvi,

San Juan 15:20

Ra na ndakaꞌan ndo xaꞌa tuꞌun ña ndikaꞌan yu xiꞌin ndo, ta kachi yu suꞌva: “Ndia nii na xachiñu tatu ra chëe na nuu xitoꞌo na.” Ra na kundaa ini ndo, chi tu taxi na yuꞌu, saa ra taxi tu na ndoꞌo va; ra tu xiin va na sakuaꞌa na tuꞌun ña sañaꞌa yu na, saa ra kuiin tu na sakuaꞌa na ña sañaꞌa ndoꞌo va na.

San Mateo 10:10

ra nii leka na küꞌun xiꞌin ndo ichi nuu kuꞌun ndo. Ra nii tikoto ña ndasama ndo na küꞌun xiꞌin ndo, ra nii ndixan tu ndo ke na küꞌun xiꞌin va ndo, ra saa tu itun tu katuvi va ndo, saa chi takundiꞌi na xachiñu tatu ra xiniñuꞌu kuxi va na nuu xachiñu na.

San Lucas 22:35

Ra saa ndindakatuꞌun Jesús ndia itaꞌan xiꞌin ra kachi ra saa: ―Ta tiꞌvi yu ndoꞌo ndixaꞌan ndo ndikaꞌan ndoso ndo tuꞌun Ndioxi, ta ndixinïꞌi ndo leka, ra nii xuꞌun ndixinïꞌi ndo, ra nii ndixan ndixinïꞌi ka ndo kuꞌun xiꞌin ndo kuꞌun xaꞌa ndo, ¿ra a ndia ñaꞌa kumani nuu ndo? ―kachi ra. Ra saa ndakuiin ndia, kachi ndia saa: ―Ndia nii ñaꞌa ndikumäni nuu ndi, Tata ―kachi ndia.

San Lucas 22:37

Ra kaꞌan yu ña yoꞌo xiꞌin ndo, chi vichin ke xiniñuꞌu xinu nuu tuꞌun Ndioxi ña tiaa na xaꞌa yu xinaꞌa ña ndakani kachi suꞌva: “Ra tiꞌvi Ndioxi xaa, ra xiꞌin yuvi na iyoo kuachi va ndachutaꞌan na ra”, kachi ña. Ra takundiꞌi tuꞌun ña ndakani xaꞌa yu, ra ña xaa yu vichin ke xinu nuu va ña ―kachi ra.

San Lucas 22:38

Ra saa ndikaꞌan ndia xiꞌin ra, kachi ndia saa: ―Tata, xa yoꞌo va iyoo uvi ichi ―kachi ndia. Ra saa ndakuiin Jesús, kachi ra saa: ―Xa vaꞌa; na käꞌan ka yo xaꞌa ña yoꞌo ―kachi ra xiꞌin ndia.