San Lucas 21:36 - Mixteco Metlatónoc

³⁶ Ña kan ke xiniñuꞌu na koo nduvi ni ndo, ra kaꞌan ni ndo xiꞌin Ndioxi iin takundiꞌi kii, ra saa ke kuvi kaku ndo nuu takundiꞌi ña kuu, ra kuchuun ndo xaa ndo nuu yuꞌu, ra xaa yoꞌo vichin ―kachi Jesús xiꞌin ndia itaꞌan xiꞌin ra.

San Lucas 21:36 Referans Kwoze

1 San Juan 2:28

Ra kaꞌan tuku va yu xiꞌin ndo ñani mii yu, na iyoo ta kuꞌva iyoo seꞌe yu, na ndakundiee ndo ña iin tuun saa kundikun va ndo Tata yo Jesucristo, ña vaꞌa ndinuni ni nima ndo na kundiatu ndo ra ndiko ra, ra na köo ña kukäꞌan nuu ndo xiꞌin te xa na kuni ndo ra.

1 San Pedro 5:8

Ra ndichi ni na koo ndo, ña koo nduvi ndo, saa chi timiaꞌa, ri kanitaꞌan xiꞌin ndo, ra iin ta kuꞌva xika ndikaꞌa, ri tiaa ni ndukueꞌe va xika ri nduku ri yuvi ña kaꞌni ri na.

San Mateo 25:13

Ra saa ndikaꞌan ka Jesús xiꞌin ndia itaꞌan xiꞌin ra kachi ra saa: ―Na kiꞌin ni tu ndoꞌo va kuenda xiꞌin mii ndo vichin, saa chi kundäa ini ndo ndia mii kii ke, ra ndia mii hora ke ndiko yuꞌu ra xaa yoꞌo kixi yu ―kachi ra xiꞌin ndia.

San Mateo 24:42

’Ña kan ke na kiꞌin ni ndo kuenda, chi kundäa ini ndo ama ke ndiko yuꞌu, ra kuu Iva ndo kixi yu.

1 San Pedro 4:7

Ra na kundaa ini ndo, chi xa ndinumi ni va ndiꞌi xaꞌa ña yuuvi yoꞌo, ra xaꞌa ña kan ke kaxi ni va na koo ini ndo, ra ndinuni ni na kaꞌan ndo xiꞌin Tata yo Ndioxi iin takundiꞌi kii.

1 Corintios 16:13

Ra na koo nduvi ni ndo, ra ndinuni ni na kandixa ndo Tata yo Jesucristo. Ra ndaku ni na koo nima ndo, ra ndiee ni tu na koo ini va ndo.

San Lucas 18:1

Ra saa ndikaꞌan Jesús iin tuꞌun ndichi xiꞌin ndia itaꞌan xiꞌin ra, ña xiniñuꞌu ni kaꞌan ndia xiꞌin Ndioxi iin ndisaa kii, ra na ndïko ini ndia.

San Marcos 13:33

’Ra ña kan ke kuenda ni na koo ndo, ra kaꞌan ni ndo xiꞌin Ndioxi, ra kundito ni ndo chi kundäa ini ndo ama ke ndiko yu.

Judas 1:24

Ra na ndasakaꞌnu yo Tata yo Ndioxi, saa chi ra kan kuvi ra kuu mii ndiee, ra täxi ra koyo yo, ra iyoo tu ndiee ndaꞌa ra ña ndakiꞌin ra yoo kuꞌun yo xiꞌin ra nuu iyoo va ra, ña sakusii ni ra ini yo.

San Mateo 26:41

Ra saa ndikaꞌan ka Jesús, kachi ra saa xiꞌin ndia: ―Kundito ndo, ra kaꞌan ni ndo xiꞌin Ndioxi, ña vaꞌa na täxi ra koyo ndo ndaꞌa kuachi, chi ña ndixa ke: Ndoꞌo, ra kuni ni va ndo kaꞌan ndo xiꞌin Ndioxi, ndi su vita ni va ini ndo ―kachi ra xiꞌin ndia.

1 Tesalonicenses 5:17

Ra na kuñäa ndo ña kaꞌan ndo xiꞌin Ndioxi.

San Marcos 13:37

Ra ña kaꞌan yu xiꞌin ndoꞌo ke kaꞌan tu yu xiꞌin taku yaa va na: ra kuenda ni na koo ndo; kïxi ndo.

2 Timoteo 4:5

Ndi su ña xiniñuꞌu sa yoꞌo ke kaxi kaxi va na koo xini kun xaꞌa takundiꞌi va chiñu, ra na kuayüꞌvi kun ña ndoꞌo kun xaꞌa Tata yo Jesucristo, chi ña sa kun ke na kundiꞌi ini kun ña kaꞌan ndoso kun tuꞌun vaꞌa xaꞌa ra nuu yuvi va, ra vivii va na saxinu kun nuu chiñu ña taxi Tata yo Ndioxi ndaꞌa kun.

Colosenses 4:2

Ra xikutüvi ndo ña kaꞌan ndo xiꞌin Tata yo Ndioxi, chi ña xiniñuꞌu sa ndo ke iin takundiꞌi va kii na koo nduvi ndo ña ndataxi ndo tixaꞌvi ndaꞌa ra.

Hechos 10:2

Ra ra Cornelio xiꞌin takundiꞌi na veꞌe ra, ra na xindikun Ndioxi ndixiyo na, ra chindiee taꞌan ni ra xiꞌin na judío xiꞌin xuꞌun, ra tiaa ni tu ndikaꞌan ra xiꞌin Ndioxi va.

San Lucas 20:35

Ndi su na taxi Ndioxi ndiayu ndatiaku, ra koo na xiꞌin ra ndivi, ra tandäꞌa ka vi na kan.

San Mateo 8:20

Saa ndakuiin Jesús kachi ra saa xiꞌin ra: ―Yukuii, ra iyoo va yavi nuu kixi ri, ra saa tu iyoo saa va, chi iyoo tu chiꞌyo nuu kixi ri kan va. Ndi su, yuꞌu, ra xaa yoꞌo vichin, ra ndia nii nuu kusun yu ke köo vi ―kachi Jesús xiꞌin ra.

San Mateo 24:43

Ra na kundaa ini ndo ña yoꞌo, saa chi tu iin ra tata, ra iyoo iin veꞌe ra, ra na kundaa ini ra ama ke kiꞌvi ra kuiꞌna ña sakuiꞌna ra ñaꞌa veꞌe ra, saa ra küsun vi ra, chi kunduꞌu va ra kondiaa ra, ra täxi vi ra kiꞌvi ra kuiꞌna kan ña sakuiꞌna ra ñaꞌa ra.

San Mateo 24:44

Ra kuꞌva saa ke na sa tu ndoꞌo va, ña na koo nduvi ni ndo; saa chi yuꞌu ra xaa yoꞌo, ra kii te kuëe ndiatu ndo yuꞌu va ke ndiko yu kixi yu ―kachi Jesús xiꞌin na.

San Lucas 1:19

Ra saa ndakuiin ra tatun Ndioxi kan, kachi ra saa: ―Yuꞌu kuvi ra nani Gabriel. Ra iin ndisaa kii va iyoo nduvi yu ña xika yu chiñu nuu Ndioxi. Ra suvi kuvi ra tiꞌvi yuꞌu ña vaxi yu ndatuꞌun yu xiꞌin kun xaꞌa ña vaꞌa yoꞌo va.

San Lucas 21:35

Saa chi ta iyoo iin kuakun ña sakakuꞌun na kiti ta tiin na ri xiꞌin ña seꞌe, ra saa va ke ndoꞌo takundiꞌi yuvi.

2 Corintios 4:14

Saa chi kundaa va ini ndi, ña sandatiaku Tata yo Ndioxi, Tata Jesucristo nuu ña ndii, ra mii saa ke sa tu ra ña sandatiaku ra yoo va, ra ndakutaꞌan ndiꞌi yo kuꞌun yo koo yo xiꞌin va ra.

Apocalipsis 6:17

Chi vichin ke ^ndixaa kii ña taxi Ndioxi tundoꞌo kaꞌnu. ¿Ra yoo vi ku na kuchuun kaku nuu ña? ―^kachi na.

Apocalipsis 7:9

Te ndiꞌi kuu ña yoꞌo, ra saa ndakotoꞌni yu, ra xini yu kuaꞌa ni yuvi, ra nii köo kundiee kaꞌvi na chi kuaꞌa ni kuvi na, ra iin ni kuvi ña yuuvi ke kee na, ra takundiꞌi nuu yuvi kuvi na, xiꞌin na kee takundiꞌi ñuu, xiꞌin na kaꞌan ndia ndia ka nuu tuꞌun, ra ^ndita na nuu íin tiayu kaꞌnu, xiꞌin nuu íin ra kuu ndikachi loꞌo, ra ^ndixi na tikoto yaa, ra ^niꞌi na ñu̱u̱.

Apocalipsis 8:2

Saa ra xini yu ndita uxa na tatun nuu Ndioxi, ra taxi ra uxa itun tu tivi na ndaꞌa na.

Apocalipsis 11:4

Ra uvi saa ndia yoꞌo kuvi uvi saa itun kuii, tu vaꞌa, tu nani olivo, ra kuu tu ndia uvi saa kàà ña ndita ñùꞌù nuu, ña tuun nuu Ndioxi ra kaꞌnu ra xavaꞌa ñuꞌú va.