San Lucas 20:24 - Mixteco Metlatónoc

²⁴ Taxi ndo iin xuꞌun kaa ndaꞌa yu na kuni yu ―kachi ra xiꞌin ndia. Ra saa taxi ndia ña ndaꞌa ra, ra ndikaꞌan ra xiꞌin ndia, kachi ra saa: ―¿Yoo naꞌna ke nduꞌu nuu xuꞌun yoꞌo, ra yoo kivi ke ndoso nuu ña? ―kachi ra. Ra saa ndakuiin ndia, kachi ndia saa: ―Naꞌna ra César, ra kivi tu ra ke ndoso nuu va ña ―kachi ndia.

San Lucas 20:24 Referans Kwoze

San Mateo 18:28

Ndi su te kanata ra xinika kan kuaꞌan ra, ra saa ndakitaꞌan ra xiꞌin iin ra ndaꞌvi ra nika nuu mii ra, saa ra ndikun tiin ra sukun va ra kan, ra xaꞌa ra kaꞌan ra xiꞌin ra kachi ra saa: “¡Ndachaꞌvi takundiꞌi ña nika kun nuu yu mii ña takaꞌan kuiti!”, kachi ra.

Filipenses 4:22

Ra saa tu takundiꞌi ndia ñani yo, xiꞌin na kuꞌva yo, na ndee mii ñuu yoꞌo va; ra ^tiꞌvi ni tu ndia ñani yo, xiꞌin na kuꞌva yo, na xachiñu nuu ra tata chiñu César va tuꞌun ndioxi xaa ña nuu ndo.

Hechos 26:32

Saa ndikaꞌan ra rey Agripa xiꞌin ra chiñu Festo kan kachi ra saa: ―Ndikun yoꞌo ke saña va ra, tu ndikäꞌan ra, ña kuꞌun ra nuu ra chiñu kuchee César ñuu Roma, ña sandaku ra kan kuachi xiꞌin ra ―kachi ra.

Hechos 11:28

Ra saa ^kuu ndia ndee ndia kan, saa ra ndikaꞌan va Tachi Yii xiꞌin iin ra nani Agabo, ra saa ndakundichi ra maꞌñu na ndikun Jesús, ra ndikaꞌan ra xiꞌin na, ña kixi tama iinii kuvi nuu ña yuuvi. Ra saa ke kuu ndixa va ta kuiya xaꞌndia chiñu ra Claudio nuu takundiꞌi ñuu ña ndikun ndiaa Roma.

San Lucas 23:2

Ra ta ndixaa ndia xiꞌin ra nuu ra chiñu chee Pilato kan, ra saa xaꞌa ndia taxi ndia kuachi siki xaꞌa ra, kachi ndia saa: ―Nduꞌu kuvi ndi ndaniꞌi tiaa yoꞌo ña xika ra sakanitaꞌan ra na ñuu ndi, ra kaꞌan ra, ña chäꞌvi ka ndi xuꞌun ña chaꞌvi ndi ndaꞌa ra tata chiñu César ñuu Roma. Ra kaꞌan tu ra ña kuu ra Cristo, ra kúu tu ra rey va, kachi ra ―kachi ndia.

San Lucas 20:22

Ra kaꞌan xiꞌin ndi vichin, ¿a vaꞌa chaꞌvi ndi nuu ra tata chiñu César ñuu Roma, xuꞌun ña nduku ra nuu ndi, a väꞌa? ―kachi na xiꞌin ra.

San Lucas 3:1

Ra xa xaꞌun kuiya ke ndikaa ra rey Tiberio, ra chee nuu ndiꞌi ndia gobernador, xaꞌndia ra chiñu nuu iin takundiꞌi ñuu ña ndikun ndiaa ñuu Roma. Ra suvi kuiya kan ke xaꞌndia chiñu tu ra gobernador Poncio Pilato nuu takundiꞌi ñuu ña ndikun ndiaa Judea va; ra xaꞌndia chiñu tu ra gobernador Herodes nuu takundiꞌi ñuu ña ndikun ndiaa chi Galilea va, ra ra Felipe, ñani ra Herodes ku ra ndixiyo gobernador ra xaꞌndia chiñu nuu takundiꞌi ñuu ña ndikun ndiaa chi Iturea, xiꞌin ña ndikun ndiaa chi Traconite; ra ra xinani Lisanias ku ra ndixiyo gobernador ra xaꞌndia chiñu nuu na ndikun ndiaa chi Abilinia.

San Lucas 2:1

Ra suvi mii kuiya kan ke xaꞌndia ra rey Augusto chiñu ña na ndakoo ndiaꞌvi yuvi, na ndee iin ndisaa kuvi ñuu.

San Mateo 20:2

Ra saa kindoo ra xiꞌin na ña chaꞌvi ra na iin xuꞌun ña nani denario iin kii nduvi, ra saa tiꞌvi ra na kuaꞌan na sachiñu na chiñu ra.

San Mateo 22:20

Ra saa nindakatuꞌun ra ndia kachi ra saa: ―¿Yoo naꞌna ke yoꞌo, ra yoo kivi ke nduꞌu nuu ña? ―kachi ra xiꞌin ndia.

San Lucas 20:23

Ndi su Jesús ra xa kundaa va ini ra ña kuni ndia sandaꞌvi ndia ra, ra saa ndikaꞌan ra xiꞌin ndia kachi ra saa: ―¿Nichuun xa maña ndo ra xitondoso ndo yuꞌu?

San Lucas 20:25

Ra saa ndakuiin ra, kachi ra saa: ―Tu saa, ra na taxi ndo ñaꞌa ra César ndaꞌa va ra, ra ña kuu kuenda Ndioxi, na taxi ndo ndaꞌa Ndioxi va ―kachi ra xiꞌin ndia.

San Marcos 12:16

Saa taxi na iin xuꞌun ndaꞌa ra, ra ndindakatuꞌun ra na kachi ra saa: ―¿Yoo naꞌna ke nduꞌu nuu xuꞌun yoꞌo, ra yo kivi ke ndoso nuu ña? ―kachi Jesús xiꞌin na, Saa ndakuiin na kachi na saa: ―Naꞌna ra César, xiꞌin kivi ra kuvi ña ―kachi na.