San Lucas 19:38 - Mixteco Metlatónoc

³⁸ Ra xaꞌa na ndaꞌyu na kachi na saa: ―¡Ra ña vaꞌa na koo xiꞌin yoꞌo, ra vaxi xiꞌin kivi Tata yo Ndioxi! ¡Ra ña kaꞌnu, xiꞌin ña vaꞌa na koo xiꞌin na iyoo ndivi! ―kachi na.

San Lucas 19:38 Referans Kwoze

San Lucas 13:35

Ra xaꞌa ña kan ke ndoo ndaꞌa va veꞌe ndo, ra sa tu ñuu va ndo, ra na kundaa ini ndo chi küni ka ndo yuꞌu, ndia te na xaa kii ña kaꞌan ndo kachi ndo saa: “Ra vaꞌa ni kuvi ra vaxi xiꞌin kivi Tata yo Ndioxi”, kachi ndo ―kachi Jesús xiꞌin na.

San Mateo 21:9

Ra yuvi na inuu chi nuu, xiꞌin na ndikun chi sata ra, ra iin siso siso ndaꞌyu na kachi na saa: ―¡Ra kaꞌnu ni kuvi ra yoꞌo!, chi ndiseꞌe ra Rey David kuvi ra; ¡ra kaꞌnu ni ra, chi Tata yo Ndioxi kuvi ra tiꞌvi ra ña vaxi ra sakaku ra yoo! ¡Na ndasakaꞌnu ndo Tata yo Ndioxi ra iyoo ndivi! ―^kachi na.

1 San Pedro 1:12

Ndi su ña xa Tata yo Ndioxi ke taxi ra xini na ña kundaa ini na ña süvi xaꞌa mii na ke ndixachiñu na, chi xaꞌa yoo va kuvi ña taxi Tata yo Ndioxi tuꞌun kan ndaꞌa na ña ndikaꞌan na ña. Ra xaꞌa ña vaꞌa ña kuni na kan kundaa ini na xaꞌa ke ndikaꞌan ndoso inka yuvi tuꞌun vaꞌa xiꞌin ndiee Tachi Yii Ndioxi ña kee ndivi nuu va ndo. Ra tiaa ni nduvi ña kaꞌan yo xaꞌa yoꞌo, ra ña kan ke ndia na tatun Tata yo Ndioxi va kuni ni ña kundaa ini na xaꞌa ña.

1 Timoteo 1:17

Ra xaꞌa ña kan ke iin takundiꞌi va kii na ndasakaꞌnu yo, ra satoꞌo yo indaa saa Tata yo Ndioxi, ra ndichi ni, ra xaꞌndia chiñu ndia ndikaa ndikuꞌun, ra ra kan, ra ndia nii kii küvi ra, ra nii küvi tu kuni nuu va yo ra. Saa iyoo ña.

Efesios 1:12

Ra suꞌva va ke xa ra, ña vaꞌa na ndasakaꞌnu nduꞌu, na inuu ndakundiaa ini Cristo, kivi ra.

San Mateo 25:34

Ra te ndiꞌi, saa kaꞌan yuꞌu, ra kuu Rey, xiꞌin na chindee yu chi ndaꞌa kuaꞌa yu, ra kachi yu saa xiꞌin na: “Ndoꞌo, na ndiniꞌi ña vaꞌa nuu Tata yu Ndioxi, ra kuayaꞌa ndo vichin, ña ndakiꞌin ndo nuu kundee ndo ndivi yoꞌo, chi yoꞌo ke xa iyoo ndúvi xaꞌa ndoꞌo, te kuvaꞌa ña yuuvi vi.

Efesios 1:6

Ra xaꞌa ña xa Tata yo Ndioxi ña yoꞌo va kuvi ña ^ndasakaꞌnu ni yo ra, saa chi kundaꞌvi ni ini ra xini ra yoo, ra xaꞌa ña kundaꞌvi ini ra xini ra yoo kuvi ña ndasa ra yoo iin xiꞌin seꞌe ra, ra ^kuꞌvi ni ini ra xini ra.

Romanos 5:1

Ra xa kundaa va ini yo, chi xaꞌa ña ndiaa ini yo Jesucristo va ke ndakiꞌin mani Ndioxi yoo ña nduu yo ta kuꞌva iyoo yuvi na köo kuachi, ra xaꞌa ña vaꞌa ña xa Jesucristo kuvi tu ña vaꞌa ^itaꞌan mani yo xiꞌin Ndioxi ta iin iin kii.

Colosenses 1:20

Ra ña kuni mii ra kuvi tu ña, kuniñuꞌu ra Cristo ña ndachutaꞌan mani ra takundiꞌi na yuuvi xiꞌin va ra, ra saa tu takundiꞌi ñaꞌa ña iyoo nuu ña yuuvi va, ta kuu ña iyoo nuu ñuꞌu, xiꞌin ña ndee ndivi. Ra xaꞌa ña ndixiꞌi Cristo ndika cruz va kuvi ña vaꞌa ndakutaꞌan mani na yuuvi xiꞌin Ndioxi.

Efesios 3:21

¡Ra na ndasakaꞌnu ni takundiꞌi yoo na veꞌe ñuꞌu, Tata yo Ndioxi xaꞌa ña xa Cristo Jesús, ndia ndixaa kii ndia ndixaa tiempo! Saa koo.

Efesios 3:10

Ra ña xa Ndioxi suꞌva, ra ña vaꞌa na kuniñuꞌu ra na veꞌe ñuꞌu ra ña ndañaꞌa na takundiꞌi nuu ña ndichi ña kuu mii ra, nuu takundiꞌi ña kuu mii ndiee, xiꞌin ña xaꞌndia chiñu iyoo ndivi va kuvi ña.

San Mateo 2:2

Ra saa ndixaa ndia ndindakatuꞌun ndia kachi ndia saa: ―¿Ndia ke ^kanduꞌu ra loꞌo, ra kuu rey na Judío ra sakan kaku? Chi xini ndi kanata kimi ri kaꞌan xaꞌa ra ña kaku ra chi nuu kanata ñuꞌu, ña kan ke vaxi ndi ndasakaꞌnu ndi ra ―*kachi ndia.

San Mateo 25:40

Ra saa ndakuiin yuꞌu, ra kuu Rey, kachi yu saa xiꞌin na: “Ña ndixa kaꞌan yu xiꞌin ndo, saa chi takundiꞌi ña vaꞌa, ña xa ndo xiꞌin na ndaꞌvi na ndee nuu ña yuuvi yoꞌo, na kuu ñani yu, ra süvi xiꞌin na kan ke ndixa ndo ña, chi xiꞌin yuꞌu va ke xa ndo ña”, kachi yu xiꞌin na.