San Lucas 17:25 - Mixteco Metlatónoc

²⁵ Ndi su xiꞌna xiniñuꞌu ndoꞌo ni yu ra kundasi ni na yuuvi yoꞌo yuꞌu.

San Lucas 17:25 Referans Kwoze

San Mateo 16:21

Ra saa xaꞌa Jesús ndatuꞌun ra xiꞌin ndia itaꞌan xiꞌin ra, ña xiniñuꞌu kuꞌun ra ñuu Jerusalén, ra ndia xikuaꞌa, xiꞌin sutu ndia kunaꞌnu nuu ndia sutu, xiꞌin ndia maestro sañaꞌa ley Ndioxi, ra sandoꞌo ni ndia ra, ra kaꞌni ndia ra, ndi su kii uni ndatiaku va ra ―kachi ra xiꞌin ndia.

San Lucas 9:22

Ra saa ndikaꞌan ra xiꞌin ndia, kachi ra saa: ―Yuꞌu, ra xaa yoꞌo, ra xiniñuꞌu ndoꞌo ni yu, ra ndia xikuaꞌa ñuu Israel, xiꞌin ndia sutu kunaꞌnu, xiꞌin ndia maestro sañaꞌa ndiayu Ndioxi ña ndakoo ra Moisés, ra kundasi ni ndia yuꞌu, ra kaꞌni ndia yuꞌu, ndi su kii ña uni ra ndatiaku va yu ―kachi ra xiꞌin ndia.

San Marcos 8:31

Saa xaꞌa Jesús ndakani ra nuu ndia kachi ra saa: ―Yuꞌu, ra xaa yoꞌo, ra xiniñuꞌu ndoꞌo ni yu, ra na xikuaꞌa ñuu Israel, xiꞌin na sutu kunaꞌnu, xiꞌin na maestro sañaꞌa ley Ndioxi ña ndakoo ra Moisés, ra kundasi ni na yuꞌu, ra kaꞌni na yuꞌu, su ndi kii uni ra ndatiaku va yu ―kachi ra xiꞌin ndia.

San Juan 1:11

Ra nuu mii na ñuu ra ke kixi va ra, ndi su na ñuu ra ra nindakïꞌin mani na ra.

San Lucas 18:33

Ra kani ni na yuꞌu, ra kaꞌni na yuꞌu, ndi su kii uni ra ndatiaku va yu ―kachi Jesús xiꞌin ndia.

San Marcos 12:10

Ra saa ndikaꞌan ka Jesús xiꞌin na xikuaꞌa veꞌe ñuꞌu, kachi ra saa: ―¿A täan kaꞌvi ndo tuꞌun Ndioxi ña tiaa na xinaꞌa? Ña kachi suꞌva: Yuu ña ku̱ñu̱ꞌu̱ na xavaꞌa veꞌe te yachi ku yuu ña xiniñuꞌu vaꞌa ka va vichin.

San Mateo 21:42

Ra saa ndikaꞌan Jesús xiꞌin na kachi ra saa: ―¿A ndia nii va ichi täan kaꞌvi ndo tuꞌun Ndioxi ña tiaa na xinaꞌa, ña kachi suꞌva?: Yuu ña kuñuꞌu na xavaꞌa veꞌe ta yachi kuu yuu ña xiniñuꞌu vaꞌa ka va vichin. Ra Ndioxi va ku ra xa ña yoꞌo, ra ndakanda ni ini yo xiꞌin ña, ^kachi ña.

San Juan 12:38

Ra ña kuu ña yoꞌo, ra ña vaꞌa na xinu nuu tuꞌun ña tiaa ra Isaías, ra ndikaꞌan tuꞌun yuꞌu Ndioxi xinaꞌa va kuvi ña, ta kachi ra suꞌva: Tata, ndia nii na xïin kandixa tuꞌun ña kaꞌan ndi Ra ndia nii tu na xïin kandixa xaꞌa ña ^xini na ña kaꞌnu ni ndiee va kun, kachi ra.

San Lucas 24:46

Ra saa ndikaꞌan ka Jesús xiꞌin ndia, kachi ra saa: ―Tuꞌun Ndioxi ña ndikaꞌyu xinaꞌa ra suꞌva ke kachi ña: ra kuu Cristo, ra xiniñuꞌu kuvi va ra, ndi su kii ña uni ra ndatiaku tuku va ra;

San Lucas 18:31

Ra saa ndikaꞌan Jesús xiꞌin uxi uvi saa ndia itaꞌan xiꞌin ra kachi ra saa: ―Vichin ke kuꞌun yo ñuu Jerusalén, ra ikan ku nuu xinu ndiꞌi nuu tuꞌun ña tiaa na ndikaꞌan ndoso tuꞌun yuꞌu Ndioxi xinaꞌa xaꞌa yuꞌu ra xaa yoꞌo vichin.

San Marcos 10:33

Ra ndikaꞌan ra xiꞌin ndia kachi ra saa: ―Xa kundaa ini ndo chi vichin ke kuaꞌan yo ñuu Jerusalén, nuu ndataxi na yuꞌu, ra xaa yoꞌo, ndaꞌa na kunaꞌnu nuu na sutu, xiꞌin na maestro sañaꞌa ley Ndioxi ña ndakoo ra Moisés. Ra kaꞌndia na chiñu ña na kuvi yu kachi na, ra ndataxi na yuꞌu ndaꞌa na inka ñuu, na küu judío,

San Marcos 9:31

Chi takua ndia xika xiꞌin va ra kuvi ndia ndakani ra nuu, ra kachi ra saa: ―Yuꞌu, ra xaa yoꞌo, ra ndataxi na yuꞌu ndaꞌa na ñuu, ra kaꞌni na yuꞌu, su ndi kii uni ra ndatiaku tuku va yu ―kachi ra xiꞌin ndia.