San Lucas 17:20 - Mixteco Metlatónoc

²⁰ Ra saa kuu iin kii ra ndindakatuꞌun ndia fariseo Jesús kachi ndia saa: ―¿Ama ke xaa Ndioxi kaꞌndia ra chiñu nuu ña yuuvi yoꞌo? ―kachi ndia. Saa ndakuiin Jesús kachi ra saa xiꞌin ndia: ―Kii ña xaa Ndioxi kaꞌndia ra chiñu ra ndia nii ñaꞌa täxi kuꞌva nuu na ña kundaa ini na.

San Lucas 17:20 Referans Kwoze

San Juan 18:36

Ra saa ndakuiin Jesús, kachi ra saa xiꞌin ra: ―Yuꞌu, ra süvi nuu ña yuuvi yoꞌo ke xaꞌndia yu chiñu; chi tu yoꞌo kuvi nuu xaꞌndia yu chiñu, saa ra na itaꞌan xiꞌin yu, ra kanitaꞌan va na xiꞌin na judío taꞌan yu xaꞌa yu. Ndi su süvi nuu ña yuuvi yoꞌo ke xaꞌndia yu chiñu ―*kachi ra.

San Lucas 19:11

Ra nani saa kuu yuvi kan xini soꞌo na ña ndatuꞌun Jesús xiꞌin na ña kuaꞌan na ichi kan, ra ta xa kuyachin ra xiꞌin na nuu ñuu Jerusalén kan, ra saa ndikaꞌan ra inka tuꞌun ndichi xiꞌin na, saa chi xaꞌa na ndakani ini na kaꞌan na saa: “Xa ninumi ni va kaꞌndia Ndioxi chiñu nuu yo”, kaꞌan na.

San Lucas 16:16

Ra saa ndikaꞌan ka Jesús kachi ra saa: ―Te yachi ra ndiayu Ndioxi ña tiaa ra Moisés, xiꞌin tuꞌun ña ndikaꞌan na ndikaꞌan tuꞌun yuꞌu Ndioxi xinaꞌa, ke xindikun va yuvi iin saa ndia kii ña kixi ra Juan, ra sakuchi yuvi va, ra ndia kii ña kixi ra kan ke xaꞌa na kaꞌan ndoso na tuꞌun vaꞌa xaꞌa ichi nuu xaꞌndia Ndioxi chiñu. Ra takundiꞌi yuvi ra xa nduxa va na ña kuni na ndakiꞌin na ichi Ndioxi.

San Lucas 10:11

“Ndia yaka ñuu ndo ña chichi xaꞌa ndi ke na sakoyo va ndi, ra saa ke kundaa ini ndo ña kundasi ndo tuꞌun Ndioxi, ra na kundaa ini ndo, chi xa kuyachin ni va Ndioxi ña kaꞌndia ra chiñu nuu ndo”, kachi ndo xiꞌin na ―kachi Jesús xiꞌin ndia itaꞌan xiꞌin ra.

San Lucas 14:1

Saa kuu iin kii ña ndakindiee̱ na ra ke̱e Jesús kuaꞌan ra kuxi ra veꞌe iin ra kuchee nuu ndia fariseo. Ra ikan ndee ka tu sava ndia fariseo va. Ra xitonani ndia ra a sa ra iin ña väꞌa kaꞌan ndia.