San Lucas 16:31 - Mixteco Metlatónoc

³¹ Ra saa ndikaꞌan ra Abraham kachi ra saa: “Tu xïin na kandixa na ndiayu ña tiaa ra Moisés, xiꞌin ña tiaa na ndikaꞌan tuꞌun yuꞌu Ndioxi xinaꞌa, saa ra nii na ndatiaku va iin na ndii kuꞌun na kaꞌan na xiꞌin na; ra xa saa kandïxa vi na”, kachi ra Abraham xiꞌin ra kuika kan ―kachi Jesús xiꞌin na.

San Lucas 16:31 Referans Kwoze

2 Corintios 4:3

Ra tu ña iyoo seꞌé va kuvi tu tuꞌun Ndioxi ña kaꞌan ndoso ndi tuvi na, saa ra takua nuu yuvi na ndiꞌi xaꞌa va kuvi ña iyoo seꞌé ña.

2 Corintios 5:11

Ra xa xini va ndi, ña xiniñuꞌu yuꞌvi ndi kuni ndi Tata yo Jesucristo, ra xaꞌa ña kan ke xa nduxa ndi ña saxinu ndi ini yuvi ña na kandixa na Tata yo Jesucristo. Ra xini vaꞌa va Ndioxi ndia kuꞌva ke iyoo ndi, ra kuni tu ndi ña na kundaa ini ndoꞌo va xaꞌa ndi, ndia kuꞌva ke iyoo ndi.

Hechos 28:23

Ra saa kindoo ndia xiꞌin ra Pablo ña ndakuitaꞌan ndia inka kii. Ra ta ndixaa kii kan, ra saa ndakutaꞌan kuaꞌa ni yuvi ra ndixaa na veꞌe nuu kanduꞌu ra Pablo. Ra iin nduvi ndaa va ndakani ra nuu na, xaꞌa ichi nuu xaꞌndia Ndioxi chiñu. Ra ndiayu Ndioxi ña ndakoo ra Moisés, xiꞌin ña ndikaꞌan ndia ndikaꞌan ndoso tuꞌun yuꞌu Ndioxi xinaꞌa va ke xiniñuꞌu ra, ña ndikaꞌan ra xiꞌin na ña kuni ra ^saxinu ra ini na, ña na ^kandixa na Jesús.

Hechos 26:28

Ra saa ndikaꞌan ra rey Agripa, xiꞌin ra Pablo kachi ra saa: ―Loꞌo ni va, ra ndikun kuchuun va kun saxinu kun ini yu, ña kandixa yu ichi Jesús, ¿tuvi kun? ―*kachi ra.

Hechos 19:8

Ra uni yoo ke ndixika ra Pablo veꞌe ñuꞌu na judío kan, ña ndikaꞌan ndoso ra tuꞌun Ndioxi nuu na xiꞌin takundiꞌi ndiee ra, ña kuni ra saxinu ra ini na ña na kandixa na xaꞌa ichi nuu xaꞌndia Ndioxi chiñu.

San Lucas 16:30

Saa ndakuiin ra kuika kan kachi ra saa: “Ndixa va Tata, ndi su tu na ndatiaku iin na ndixiꞌi ra kuꞌun na ndatuꞌun na xiꞌin na, saa ra kandixa va na”, kachi ra.

San Lucas 17:1

Ra saa ndikaꞌan Jesús xiꞌin ndia itaꞌan xiꞌin ra kachi ra saa: ―Ña ndixa ke koo va ñaꞌa ña sandaꞌvi yuvi ña sa na kuachi. ¡Ndi su ndaꞌvi ni yuvi na sandaꞌvi inka na ña sa na kuachi, saa chi vaxi kii ra ndoꞌo ni na sa Ndioxi!

San Juan 5:47

Ndi su tu xïin va tu ndo kandixa ndo ña tiaa ra Moisés, saa ra, ¿ndixaa sa ndo kandixa ndo ña kaꞌan yuꞌu tu saa? ―kachi Jesús xiꞌin ndia.