San Lucas 16:22 - Mixteco Metlatónoc

²² Ra saa kuu ra nditiandiaa va kii ña ndixiꞌi ra ndaꞌvi Lázaro kan. Ra xaa na tatun Ndioxi ndakiꞌin na ra kuaꞌan ra xiꞌin na ndivi, ra ndakunduꞌu ra xiꞌin ra Abraham va. Ra saa kuu ra ndixiꞌi tu ra kuika kan va, ra ndinduxin va na ra.

San Lucas 16:22 Referans Kwoze

1 San Pedro 2:24

Ra te ndixiꞌi Tata yo Jesucristo ndika cruz, ra xiin va ra ña ndakundee takundiꞌi kuachi yo, sata iki kuñu ra, ra ikan kuvi ña ndixiꞌi ra ña vaꞌa sandiꞌi ra xaꞌa kuachi yo, ra xaꞌa ña ndixiꞌi ra xaꞌa yo kuvi ña xiniñuꞌu na ndakoo va yo ña xa yo chiñu kiꞌvi, ra na kutiaku yo ña sa yo chiñu vaꞌa. Ra xaꞌa ña nditaxin iki kuñu Tata yo Jesucristo kuvi tu ña sandaꞌa ra ndoꞌo va.

Apocalipsis 14:13

Ra saa xini soꞌo yu ndikaꞌan iin tachi xiꞌin yu chi ndivi kachi ña saa: ―Tiaa ña kaꞌan yu xiꞌin kun yoꞌo: “Chi vichin, ra iin saa ndia kii ña vaxi, ra tiaa ni vaꞌa kee yuvi na kuvi xaꞌa ña ndikun na Jesucristo”, ―kachi ña. Ra saa ndikaꞌan ka Tachi Yii kachi ña saa: ―Saa iyoo va ña, chi vichin ke ndakindiee na, ra sachïñu ka na, ra ndakiꞌin va na yaꞌvi na ndivi xaꞌa chiñu ña xa na nuu Ndioxi ―*kachi ña.

Santiago 1:11

saa chi iku kuii, ra te xa kanata ñuꞌu, saa ra ndachi va ña; ra ndachi tu ita va ña, ra ndiꞌi tu xaꞌa ña savi kuu mii va ña. Ra mii saa kuvi tu ña kuu xiꞌin na kuika va, saa chi loꞌo va kii tiaku na, saa ra xiꞌi va na.

San Juan 13:23

Ra saa kuu ndia ndee ndia xixini ndia, ra yachin xiꞌin mii Jesús va nduꞌu iin ra itaꞌan xiꞌin ra, ra ^kuꞌvi ni ini ra xini ra.

San Marcos 8:36

¿Ra ni ke vaꞌa niꞌi vi yuvi, tu na sakanaa na iinii saa ña yuuvi yoꞌo, ra sandoñuꞌu tu na mii na?

Hebreos 1:14

Ra takundiꞌi na tatun Tata yo Ndioxi, ra takua nuu va ra ke xachiñu na, ra tiꞌvi tu ra na kuaꞌan na ña chindiee taꞌan na xiꞌin yuvi na xiniñuꞌu kaku va.

San Mateo 24:31

Ra tiꞌvi yu na tatun yu kuꞌun na kumi saa tutun ña yuuvi, ra kuniꞌi na itun tivi na, ña ndakaya na na ndikaxin yu koo xiꞌin yu ndivi, na ndee chi nu kanata ñuꞌu, ra iin saa ndia nuu kita ña.

San Mateo 18:10

Ra saa ndikaꞌan ka Jesús xiꞌin ndia kachi ra saa: ―Kuenda ni koo ndo, ra na kundäsi ndo ndia nii yuvi na xa ninu xiꞌin mii, saa chi na tatun Ndioxi na kiꞌin kuenda xiꞌin na iin takundiꞌi kii, ra yachin ni va ndee na xiꞌin Tata yu Ndioxi ndivi ninu.

Hebreos 2:14

Ra ña xiniñuꞌu va kuvi ña nduu Tata yo Jesucristo ta kuꞌva iyoo mii yo na kuu seꞌe ra, ña vaꞌa ndixiꞌi ra xaꞌa yo; ra suꞌva va ke xa ra ña vaꞌa sandiꞌi ra xaꞌa ri ñaꞌa, ri xaꞌndia chiñu nuu ña xaꞌni, ri kuu timiaꞌa.

San Juan 21:20

Ra te ndikokuiin ra Pedro ndakutoꞌni ra, ra saa xini ra ndikun ra xitaꞌan xiꞌin Jesús, ra kuꞌvi ni ini ra xini ra, kuaꞌan ra sata ndia. Ra ra yoꞌo kuvi tu ra nindakatuꞌun Jesús, te xindee ndia xixini va ndia, ta kachi ra suꞌva: “¿Yoo ku na ndataxi yoꞌo, ndaꞌa na saa ini, Tata?” ―*kachi ra.

San Lucas 12:20

Ndi su Ndioxi ra suꞌva va tu kachi ra xiꞌin ra: “Ra kiꞌvi kuvi yoꞌo, chi ñuu vichin va kuvi kun. Ra takundiꞌi ñaꞌa, ña chuvaꞌa kun, ra inka va na kuxi ña”, kachi Ndioxi xiꞌin ra kuika kan ―kachi Jesús xiꞌin na.

San Mateo 8:11

Saa ndikaꞌan ka ra kachi ra saa: ―Tiaa soꞌo ndo ña kaꞌan yu xiꞌin ndo yoꞌo. Chi iinii kuvi ña yuuvi ke ke̱e̱ yuvi, na ke̱e̱ chi nuu kanata ñuꞌù xiꞌin chi nuu kita ñuꞌù, ra kuꞌun na ndakundee na nuu mesa ña kuxi na xiꞌin ra Abraham, xiꞌin ra Isaac xiꞌin ra Jacob, ndivi nuu ^xaꞌndia Ndioxi chiñu.

San Lucas 16:21

Ra chiꞌña ka vi kuu ra, ña kuni ndakiꞌin ra ña koyo tixi mesa ra kuika kan kuxi ra; ndia tina va kuyachin ra iyakun yaa ri sata ra.

San Juan 1:18

Ndioxi ra ndia nii na täan kuni ñaꞌa ra seꞌe ra, ra mituꞌun, ra íin xiꞌin ra ndiꞌi kii va kuvi ra ^ndañaꞌa ra kuu iva ra nuu yo.