San Lucas 16:17 - Mixteco Metlatónoc

¹⁷ ’Ra kuni yu na kundaa ini ndo, chi vaꞌa ni na ndiꞌi va xaꞌa ndivi xiꞌin ñuꞌu, ndi su ndia nii loꞌo ndiayu Ndioxi ndïꞌi xaꞌa.

San Lucas 16:17 Referans Kwoze

San Mateo 5:18

Ra ña ndixa ke kaꞌan yu xiꞌin ndo, ra na kundaa ini ndo: chi ndia nii tuꞌun loꞌo xiꞌin ndia nii letra loꞌo ña kuu ndiayu Ndioxi ña tiaa ra Moisés xinaꞌa, ra ndïꞌi xaꞌa ña, ra nii na ndiꞌi va xaꞌa ña yuuvi yoꞌo, ndi su xiniñuꞌu xinu ndiꞌi va ña kaꞌan tuꞌun Ndioxi.

San Lucas 21:33

Ra ndivi kaa xiꞌin ñuꞌù yoꞌo, ra ña ndiꞌi xaꞌa va kuvi ña, ndi su tuꞌun yu ra ndïꞌi xaꞌa ña.

1 San Pedro 1:25

Ndi su tuꞌun Tata yo Ndioxi ra ndia ndikaa ndikuꞌun va ke koo ña. Ra tuꞌun yoꞌo kuvi ña kuu tuꞌun vaꞌa ña kaꞌan xaꞌa Tata yo Jesucristo ña xini soꞌo va ndo.

Romanos 3:31

Ra na kundaa ini yo vichin, ¿a köo ka yaꞌvi ndiaa ndiayu Ndioxi ña ndakoo ra Moisés, xaꞌa ña kaꞌan yo ña ndiaa yaꞌvi ni ka va ña ndiaa ini yo Jesucristo? Ra na kundaa ini ndo, chi ¡süvi saa iyoo ña! Saa chi te xa xaꞌa yo ña ndakundiaa ini yo Jesucristo, ra saa ke ndañaꞌa yo ndiayu Ndioxi ña ndakoo ra Moisés, ña ndiaa yaꞌvi ni va ña.

Apocalipsis 21:4

Ra mii Ndioxi va kuvi ra ndakuꞌva tiakuii nuu na, ña xaku na, ra küvi ka na, ra nii kuäku ka na, ra nii köo ka ña suchi ini, ra nii kïꞌin ka tu kueꞌe va na; saa chi takundiꞌi ñaꞌa ña xa ndixiyo te yachi, ra xa ndiꞌi va xaꞌa ña ―kachi tachi kan.

Apocalipsis 21:1

Te ndiꞌi saa xini yu iin ndivi xaa, xiꞌin ñuꞌú xaa, saa chi ndivi kaa xiꞌin ñuꞌú yoꞌo ra ndiꞌi va xaꞌa ña, ra saa tu tiañuꞌu va chi köo ka ra ndikaa.

Apocalipsis 20:11

Ra saa xini yu iin tiayu kaꞌnu, tu yaa, ra Ndioxi va kuvi ra nduꞌu nuu nu, ra ñuꞌú xiꞌin ndivi, ra ndindoñuꞌu ndiꞌi va ña, ra ndia nii nuu ndixiyo ka ña ke, ndixïi ñaꞌa ka vi.

2 San Pedro 3:10

Ndi su te xa na kixi Tata yo Jesucristo, ra ta kuꞌva ^xa ra kuiꞌna ra kiꞌvi veꞌe na te kuëe kiꞌin na kuenda va ke sa ra, saa chi kii ña kuëe ndiatu ndia nii va na ra ke kixi ra; ra xiꞌin ña ndiee ni kaꞌndi ra ndiꞌi va xaꞌa ndivi, ra koko takundiꞌi tu ñaꞌa ña iyoo nuu va ña; ra ndiꞌi tu xaꞌa ñuꞌu va, xiꞌin takundiꞌi ñaꞌa ña iyoo nuu ña.