San Lucas 16:15 - Mixteco Metlatónoc

¹⁵ Ra saa ndikaꞌan Jesús xiꞌin ndia fariseo kan kachi ra saa: ―Ndoꞌo, ra nuu yuvi yoꞌo va ke ndasa vaꞌa ni ndo mii ndo, ndi su Ndioxi, ra xini va ra ndixaa ke iyoo nima ndo. Ra ñaꞌa ña chee ni nuu na yuuvi yoꞌo, ra ña kundasi va Ndioxi kuvi ña ―kachi ra xiꞌin ndia.

San Lucas 16:15 Referans Kwoze

1 Corintios 4:5

Ra xaꞌa ña kan ke kuëe kama ni na kaꞌan ndo xaꞌa ndia ndia ka ñaꞌa, saa chi mii va Tata yo Jesús kuvi ra ndañaꞌa ñaꞌa ña iyoo seꞌe nuu ñaa, ta xa na kixi ra. Ra mii Tata yo Jesús kuvi tu ra ndañaꞌa ña iyoo nima takundiꞌi va yuvi, ra ta kuꞌva iyoo mii chiñu ña xa na ke niꞌi na ña vaꞌa xaꞌa sa va ra.

Hechos 15:8

Saa chi xini va Ndioxi ndia kuꞌva ke iyoo nima na, ña kan ke vaꞌa xiin ra ndakiꞌin mani ra na, ra ta kuꞌva xa ra xiꞌin yoo ña taxi ra Tachi Yii ra, ña iyoo ña xiꞌin yo ke xa tu ra xiꞌin na kan va.

1 San Pedro 3:4

Chi nima va ndo kuvi ña xiniñuꞌu na koo ña savi, ra ña savi kan kuvi ña vivii sa va ndo, xiꞌin ña toꞌo ni tu koo va ndo, ra saa ke kuu mii ndo ña savi ña ndixa, ña kuëe ndïꞌi xaꞌa; ra ña savi ña kuëe ndiꞌi xa kan kuvi ña ndia yaꞌvi nuu Tata yo Ndioxi va.

San Lucas 11:39

Saa ra kundaa va ini Jesús ña ^ndakani ini ra fariseo kan, ra saa ndikaꞌan ra xiꞌin ra, kachi ra saa: ―Ndoꞌo, ndia fariseo, ra ta iyoo koꞌo xiꞌin vaso ña ndakatia na sata, ra chi ini tu ña yakua va, saa iyoo ndo. Saa chi sata va ndo ke savi ni ñaꞌa, ndi su nima ndo, ra iin chitu ndaa va ña kuiꞌna, xiꞌin ña kini.

San Lucas 10:29

Ra ña kuni ra maestro xini ndiayu Ndioxi kan ña ndasa vaꞌa ra mii va ra ke ndindakatuꞌun ra Jesús, kachi ra saa: ―¿Yoo kuvi na taꞌan yo tuvi yoꞌo, Tata? ―kachi ra xiꞌin ra.

Apocalipsis 2:23

Ra kaꞌni ndiꞌi yu na kuvi seꞌe ña; ra saa ke kundaa ini takundiꞌi na veꞌe ñuꞌu ña yuꞌu kuvi ra kundaa ini xaꞌa takundiꞌi ña ndikaa xini na, xiꞌin ña ndikaa nima na. Ra ta kuꞌva iyoo chiñu ña ^xa ndo saa ke koo tu yaꞌvi va ndo.

1 San Pedro 5:5

Ra mii saa ke na sa tu ndoꞌo va, na ñani yo, na itia, ña na kandixa va ndo na inuu nuu ndo veꞌe ñuꞌu xaꞌa ndiayu ña kuu mii na. Ra ña xiniñuꞌu va kuvi ña sani̱nu̱ ndo xiꞌin mii ndo, ra kandixa taꞌan ndo, saa chi: Tata yo Ndioxi, ra kundasi va ra yuvi na kutiaa ni xiꞌin mii, ndi su kundaꞌvi ni va ini ra xini ra yuvi na xa ninu xiꞌin mii, ra chindiee taꞌan tu ra xiꞌin va na.

Romanos 3:20

Ra ndia nii yuvi kuchüun ña nduu na yuvi vaꞌa, xaꞌa ña kuni na saxinu na chiñu ña xaꞌndia ndiayu Ndioxi ña ndakoo ra Moisés, saa chi ña xa nduxa na ña kuni na saxinu na nuu ña, ra ña kundaa ini na xaꞌa ke iyoo kuachi va na.

San Juan 2:25

Ña kan ke ndixïniñuꞌu vi ra ndia nii yuvi ña ndatuꞌun na xiꞌin ra xaꞌa yuvi kan, saa chi Jesús ra xa xini ndiꞌi va ra ndia kuꞌva ke iyoo nima takundiꞌi yuvi.

San Mateo 23:5

Ra takundiꞌi chiñu ña xa ndia, ra süvi ña xatoꞌo ndia Ndioxi ke xa ndia ña, chi ña kuni ndia kindoo vaꞌa ni ndia nuu na ñuu va ke xa ndia ña. Ra xaꞌa ña kan ke iin niꞌi savi ndia tutu ña ndoso tuꞌun Ndioxi nuu xika ndia, ra ndia nuu tikoto ndia xiꞌin tiaan va ndia ndee tuꞌun Ndioxi xika ndia, ra xinisii ni tu ndia kundixi ndia tikoto ña nani ni iꞌva yuꞌu va ña vaꞌa na kuni yuvi ra kaꞌan na xaꞌa ndia, ña ndinuni ni ndikun ndia Ndioxi.

San Lucas 18:21

Ra saa ndakuiin ra kuika kan kachi ra saa xiꞌin ra: ―Tata, ta loꞌo vi yu xaꞌa yu kandixa ndiꞌi yu ña ―kachi ra.

San Lucas 18:11

Ra saa ndixaa ra fariseo kan, xikundichi ra ini veꞌe ñuꞌu, ra xaꞌa kaꞌan ra xiꞌin Ndioxi kachi ra saa: “Tata, taxi ni yu tixaꞌvi ndaꞌa kun, saa chi kuëe iyoo yu ta kuꞌva iyoo na kuiꞌna, na ndivaꞌa, ra nii xïka yu xiꞌin inka ñaꞌa; ra ni kuëe iyoo yu ta kuꞌva iyoo tiaa ra kaya xuꞌun yoꞌo.

Hechos 1:18

(Ra xiꞌin xuꞌun ña ki̱ꞌin ra xaꞌa Jesús ña ndixiko ra ra ke sata ra iin ñuꞌú. Ra te ndiꞌi, ra nuu ñuꞌu kan ke ndakava ndiee ra, ra ndi̱ka̱a̱n tixi ra, ra iin ndakoyo yaa va ñaꞌa ini ra.

San Lucas 20:47

Ra sandaꞌvi ni tu ndia na siꞌi na ndukuaan va, ra ndakiꞌin ndiaa ndia ñaꞌa ña kuu mii na ndaꞌa na. Ra ña kuni ndia kindoo vaꞌa ndia nuu na ñuu, ra naꞌa ka vi kaꞌan ndia xiꞌin Ndioxi. Ra ña xa ndia ña yoꞌo, ra chee ni ka va tundoꞌo vaxi nuu ndia sa Ndioxi ―kachi Jesús xiꞌin ndia itaꞌan xiꞌin ra.

San Lucas 20:20

Ra saa tiꞌvi ndia yuvi kuaꞌan na kotonani na ra, ra yuvi kan ra nii kuëe ndañaꞌa na mii na ña iyoo na kuachi xiꞌin ra, ra ña kuaꞌan na ra ña vaꞌa na kaꞌan na xiꞌin Jesús va kuvi ña ra kaꞌan ra iin tuꞌun ña väꞌa ra niꞌi na taxi na kuachi xaꞌa ra nuu ra chiñu kuchee, kaꞌan na.

San Mateo 6:16

Ra saa ndikaꞌan ka ra xiꞌin na kachi ra saa: ―Te iyoo suꞌun ndo ña xïxi ndo, ra na ndañäꞌa ndo mii ndo ña kuvita ini ndo ta kuꞌva xa na chiꞌña tuꞌun, chi na kan, ra iin ndanama chuun na nuu na, ña kuni na kuni yuvi ña iyoo suꞌun na ña xïxi na. Ra ña ndixa ke kaꞌan yu xiꞌin ndo, chi na xa saa kan, ra xa ña kan kuvi yaꞌvi va na, ra köo ka ñaꞌa taxi Ndioxi ndaꞌa vi na.

San Mateo 6:5

Ra saa ndikaꞌan ka ra kachi ra saa xiꞌin na: ―Te kaꞌan ndo xiꞌin Ndioxi, ra xä ndo ta xa na chiꞌña tuꞌun, chi na kan ra kutoo ni na kundita na ini veꞌe ñuꞌu nuu tuvi, ra xini sii ni tu na ña kundita na tutun yaꞌya va ña kaꞌan na xiꞌin Ndioxi, ña vaꞌa na kuni yuvi na, ra kaꞌan toꞌo ni na xaꞌa na kuni na. Ra ña ndixa kaꞌan yu xiꞌin ndo, chi na kan, ra köo ka ñaꞌa taxi Ndioxi ndaꞌa vi na, chi xa ña kan ku yaꞌvi va na.

San Mateo 6:2

Ña kan ke te taxi ndo ñaꞌa ndaꞌa na ndaꞌvi, ra na käꞌan ndoso ndo xaꞌa ña xiꞌin takundiꞌi yuvi ña na kundaa ini na, chi saa ke ^xa inka yuvi na chiꞌña tuꞌun va, chi na kan ra iin kunani na xika na ña ndatuꞌun na xiꞌin takundiꞌi na veꞌe ñuꞌu, ra xika tu na iin takundiꞌi yaꞌya va ña ndatuꞌun na xiꞌin yuvi, ña kuni na ña vaꞌa ni na kaꞌan yuvi xaꞌa na; ra ña ndixa ke kaꞌan yu xiꞌin ndo, chi na xa saa, ra xa ña kan ke niniꞌi va na, chi köo ka ñaꞌa taxi vi Ndioxi ndaꞌa na.

San Juan 21:17

Saa ra nindakatuꞌun tuku va Jesús ra Pedro, ichi ña uni, kachi ra saa xiꞌin ra: ―Simón, seꞌe ra Jonás, ¿a kuꞌvi ni ini kun xini kun yuꞌu? ―*kachi ra. Saa ra kusuchi va ini ra Pedro, ña xa ndixinu uni ichi ndakatuꞌun Jesús ra, xaꞌa ña, a kuꞌvi ini ra xini ra ra. Ra saa ndakuiin ra, kachi ra saa: ―Tata, mii kun kuvi ra kundaa ini xaꞌa takundiꞌi va ña, ra kundaa va ini kun, ña kuꞌvi ni va ini yu xini yu yoꞌo ―*kachi ra xiꞌin Jesús. Ra saa ndikaꞌan Jesús xiꞌin ra, kachi ra saa: ―Saa ra kondiaa ndikachi vali sana yu ―*kachi ra.

San Lucas 18:9

Ra saa ndatuꞌun Jesús inka tuꞌun ndichi xaꞌa yuvi na ndasavaꞌa ni mii, ra kundasi na inka na, ra kachi ra saa:

San Lucas 18:14

Ra ña ndixa kaꞌan yu xiꞌin ndo, chi xa kaꞌnu va ini Ndioxi xini ra ra kaya xuꞌun kan. Ndi su ndixakäꞌnu vi ini ra xaꞌa ra fariseo kan. Ra ña kan ke takundiꞌi yuvi na xa ni̱nù ni xiꞌin mii kuvi na nduvali va, ra na xa ni̱nu̱ xiꞌin mii kuvi na ndunaꞌnu va ―kachi Jesús.

Hechos 1:24

Ra saa ndikaꞌan na xiꞌin Ndioxi kachi na saa: ―Tata, yoꞌo kuvi ra xíni̱ ndia kuꞌva ke iyoo nima takundiꞌi yuvi; ra kuni̱ ndi na taxi kun kuꞌva nuu ndi, ra na kundaa ini ndi ndia iin ndia yoꞌo kuvi ndia ndakaxin kun,

Romanos 8:27

Ra mii Tata yo Ndioxi, ra ^xitondoso nima takundiꞌi yuvi, ra kundaa va ini ra ni ñaꞌa kuvi ña nduku Tachi Yii nuu ra; saa chi ta kuꞌva kuni mii va Ndioxi kuvi ña xaku ndaꞌvi Tachi Yii nuu ra, xaꞌa yuvi na ndikun ñaꞌa.