San Lucas 16:13 - Mixteco Metlatónoc

¹³ Ra saa ndikaꞌan ka Jesús xiꞌin ndia kachi ra saa: ―Ndia nii yuvi ra küvi sachiñu na nuu uvi tiaa ndia xaꞌndia chiñu, saa chi na xachiñu nuu uvi tiaa, ra küvi kindoo vaꞌa na xiꞌin uvi saa ndia. Saa chi tu vaꞌa na kitaꞌan na xiꞌin iin ra, ra inka tu ra saa na xiꞌin va. Xaꞌa ña kan ke küvi sachiñu ndo nuu Ndioxi ra sachiñu tu ndo nuu xuꞌun ―kachi Jesús xiꞌin ndia itaꞌan xiꞌin ra.

San Lucas 16:13 Referans Kwoze

San Mateo 6:24

Ra saa ndikaꞌan ka Jesús xiꞌin na kachi ra saa: ―Ra kuni yu na kundaa ini ndo, chi ndia nii yuvi ra küvi sachiñu na nuu uvi tiaa ndia xaꞌndia chiñu, saa chi na xachiñu nuu uvi tiaa, ra küvi kindoo vaꞌa na xiꞌin uvi saa ndia. Saa chi tu vaꞌa na kitaꞌan na xiꞌin iin ra, ra inka tu ra sáa̱ na xiꞌin va. Xaꞌa ña kan ke küvi sachiñu ndo nuu Ndioxi ra sachiñu tu ndo nuu xuꞌun ―kachi Jesús xiꞌin na.

San Lucas 14:26

―Tu ndia ndo kuni kundikun yuꞌu, ra xiniñuꞌu kuꞌvi ni ka ini ndo kuni ndo yuꞌu, nuu iva ndo, xiꞌin nuu siꞌi ndo, xiꞌin nuu yasiꞌi ndo, xiꞌin nuu seꞌe ndo, xiꞌin nuu ñani ndo, xiꞌin nuu kuꞌva ndo. Ra xiniñuꞌu koo nduvi tu ndo ña ndoꞌo ndo xaꞌa va yu. Ra tu na sä ndo saa, saa ra küvi kundikun ndo yuꞌu.

Santiago 4:4

Ndoꞌo, ra süvi na kuꞌvi ini xini Tata yo Ndioxi kuvi ndo, saa chi ra xa siki va ndo kuvi ra. Ra xa kundaa va ini ndo, chi ña itaꞌan mani yuvi xiꞌin ña yuuvi yoꞌo, ra na kanitaꞌan va kuvi na xiꞌin Tata yo Ndioxi, saa chi ña ndakutoo na ña yakua iyoo nuu ña yuuvi yoꞌo, ra na kanitaꞌan xiꞌin va ra nduu na.

San Lucas 11:23

Ra saa ndikaꞌan ka Jesús kachi ra saa: ―Na xïin kuꞌun ndie̱e̱ yu, ra kuachi va ke iyoo na xiꞌin yu. Ra na xïin sakee xiꞌin yu, ra na kan kuvi na sandiꞌi xaꞌa chiñu va yu ―kachi ra.

San Lucas 16:9

Ra saa ndikaꞌan ka Jesús kachi ra saa: ―Ña kuni yu kaꞌan yu xiꞌin ndo ke na kuniñuꞌu ndo ña kuika iyoo nuu ña yuuvi yoꞌo, ña sakanaa ndo yuvi kutaꞌan xiꞌin ndo, ra te xa na ndiꞌi ña, ra koo na ndakiꞌin mani ndoꞌo veꞌe nuu koo ndo ndia ndikaa ndikuꞌun.

San Mateo 4:10

Ra saa ndikaꞌan Jesús xiꞌin ri kachi ra saa: ―Timiaꞌa, kuatiaꞌa nuu yu, saa chi xiniñuꞌu kandixa va yu tuꞌun Tata yu Ndioxi ña kaꞌan ña xiniñuꞌu ndasakaꞌnu yu indaa mituꞌun saa ra kan, ra indaa ra kan tu kandixa va yu, ^kachi ña ―*kachi ra xiꞌin ri.

San Lucas 9:50

Ra saa ndakuiin Jesús, kachi ra saa xiꞌin ra: ―Säsi ndo nuu ra, chi yuvi na kuëe kataꞌan xiꞌin yo, kuvi na kuaꞌan ndie̱e̱ va yo ―kachi Jesús xiꞌin ra.

San Lucas 16:12

Saa chi tu na kondiäa ndo ñaꞌa inka yuvi, saa ra, ndia nii ka yuvi täxi ñaꞌa ndaꞌa ndo ña kondiaa ndo ña? ―kachi ra.