San Lucas 16:11 - Mixteco Metlatónoc

¹¹ Ra tu na kondiäa ndo ña kuika iyoo nuu ndo, ¿saa ra ndixaa sa ndo ña kondiaa ndo ñaꞌa ña ndiaa yaꞌvi ni ka?

San Lucas 16:11 Referans Kwoze

San Lucas 12:33

Ra na xiko ndo ñaꞌa ña kuu mii ndo, ra saa ke kuchuun ndo chindiee taꞌan ndo xiꞌin na xamani nuu. Ra na ndiꞌi ini ndo ña chuvaꞌa ndo ñaꞌa ndo ini ñaꞌa ña nduꞌu ndivi, ña kuëe ndiꞌi xaꞌa, nuu koo ña kuika ña kuëe ndiꞌi xaꞌa, ra nii ra kuiꞌna kuchüun sakuiꞌna ña, ra nii tikixin sandïꞌi xaꞌa ña.

Santiago 2:5

Ra na kundaa ini ndo ña kaꞌan yu xiꞌin ndo yoꞌo, ñani yo, kuꞌva yo, mii va Tata yo Ndioxi kuvi ra ndikaxin na ndaꞌvi na iyoo nuu ña yuuvi yoꞌo, ña kuu na yuvi na ndinuni ni kundikun ichi ra, ra kuꞌun tu na koo na nuu iyoo va ra, ra kaꞌndia chiñu na xiꞌin ra, saa chi ikan ke kindoo ra taxi ra koo va yuvi na kuꞌvi ni ini xini ra.

Efesios 3:8

Ra mii ña ndixa ra köo vi yaꞌvi ndiaa yu nuu takundiꞌi na ñani yo na ndikun Tata yo Ndioxi; ndi su vaꞌa ni saa va, ndi su ndiniꞌi taꞌvi va yu ña vaꞌa nuu Ndioxi, ña kaꞌan ndoso yu tuꞌun vaꞌa xaꞌa ña kuika ña kuëe ndiꞌi xaꞌa ña iyoo nuu Tata yo Jesucristo.

San Lucas 18:22

Ra te ndiꞌi xini soꞌo Jesús ña ndikaꞌan ra, ra saa ndikaꞌan Jesús kachi ra saa xiꞌin ra: ―Iyoo ka va iin ña kumani nuu kun: Xiko takundiꞌi ñaꞌa ña iyoo nuu kun, ra ndataꞌvi kun xuꞌun xiꞌin na ndaꞌvi, ra saa ke taxi Ndioxi ña kuika ña iyoo ndivi ndaꞌa kun vaxi kii. Ra te xa na ndiꞌi, ra na kixi kun kundikun kun yuꞌu ―kachi Jesús xiꞌin ra.

San Lucas 16:9

Ra saa ndikaꞌan ka Jesús kachi ra saa: ―Ña kuni yu kaꞌan yu xiꞌin ndo ke na kuniñuꞌu ndo ña kuika iyoo nuu ña yuuvi yoꞌo, ña sakanaa ndo yuvi kutaꞌan xiꞌin ndo, ra te xa na ndiꞌi ña, ra koo na ndakiꞌin mani ndoꞌo veꞌe nuu koo ndo ndia ndikaa ndikuꞌun.

Apocalipsis 3:18

Ña kan ke ^taxi yu xini kun vichin, ra nuu yuꞌu ke na sata kun yuu oro ña ndinuu ndiyaꞌa nuu xixi ñuꞌu, ra saa ke na kuu kun ra kuika ndixa, ra nuu yuꞌu ke, na sata kun tikoto yaa ña kundixi kun, ña vaꞌa na kukäꞌan ka nuu kun ña xika yala kun, ra ná chikaa kun ndutia ra kée nuu na nuu kun, ra vaꞌa na ndakotoꞌni kaxi kun.

San Mateo 6:24

Ra saa ndikaꞌan ka Jesús xiꞌin na kachi ra saa: ―Ra kuni yu na kundaa ini ndo, chi ndia nii yuvi ra küvi sachiñu na nuu uvi tiaa ndia xaꞌndia chiñu, saa chi na xachiñu nuu uvi tiaa, ra küvi kindoo vaꞌa na xiꞌin uvi saa ndia. Saa chi tu vaꞌa na kitaꞌan na xiꞌin iin ra, ra inka tu ra sáa̱ na xiꞌin va. Xaꞌa ña kan ke küvi sachiñu ndo nuu Ndioxi ra sachiñu tu ndo nuu xuꞌun ―kachi Jesús xiꞌin na.

San Lucas 16:12

Saa chi tu na kondiäa ndo ñaꞌa inka yuvi, saa ra, ndia nii ka yuvi täxi ñaꞌa ndaꞌa ndo ña kondiaa ndo ña? ―kachi ra.