San Lucas 14:15 - Mixteco Metlatónoc

¹⁵ Ra te xini soꞌo iin ra nduꞌu nuu mesa kan, ra saa ndikaꞌan ra xiꞌin Jesús kachi ra saa: ―Vaꞌa ni kee yuvi na kuꞌun kuxi viko nuu xaꞌndia Ndioxi chiñu ―kachi ra.

San Lucas 14:15 Referans Kwoze

Apocalipsis 19:9

Ra saa ndikaꞌan ra tatun Ndioxi kan xiꞌin yu kachi ra saa: ―Tiaa tuꞌun yoꞌo: “Vaꞌa ni kee yuvi na ^kana Ndioxi kuꞌun kuxini nuu iyoo viko, ña ^tandaꞌa ra ku ndikachi loꞌo”, kachi ra. Ra saa ndikaꞌan ka ra, kachi ra saa: ―Ña yoꞌo ku tuꞌun Ndioxi, ña ndixa ―*kachi ra.

San Lucas 22:30

Ra ndoꞌo kuvi ndo kuxi ra koꞌo ndo nuu kaꞌndia yu chiñu. Ra kundee ndo tiayu naꞌnu ña sandaku ndo kuachi xiꞌin uxi uvi saa na seꞌe xikua na ñuu Israel ―kachi Jesús xiꞌin ndia.

San Lucas 13:29

Ra kixi takundiꞌi yuvi na kee kumi saa tutun ña yuuvi ra ndakundee na nuu mesa ña kuxi na xiꞌin Ndioxi.

San Mateo 25:10

Ra nani saa kuu na uꞌun, na kiꞌvi kan, ndoꞌni na ichi kuaꞌan na, ña sata na ndutia xaꞌan ra kutuun nuu na, saa ra xaa va ra tandaꞌa kan, ra na uꞌun, na xa iyoo nduvi kan, ra ndikiꞌvi va na xiꞌin ra ini veꞌe nuu iyoo viko tandaꞌa kan, saa ra ndasi va yeꞌe veꞌe kan.

San Lucas 12:37

Ra vaꞌa ni va kee na xachiñu tatu na xa iyoo nduvi, ña ndiatu na ra kuu xitoꞌo na ta xa na xaa ra ndakutaꞌan ra xiꞌin na; ra ña ndaa kaꞌan yu xiꞌin ndo, chi te xa na kuni ra ña xa iyoo nduvi na ña ndiatun na ra, saa ra kusii ni ini ra xiꞌin na. Ra ndachindee ra na nuu mesa, ra mii va ra chuꞌun ndaꞌa ña kuxi na.

San Mateo 8:11

Saa ndikaꞌan ka ra kachi ra saa: ―Tiaa soꞌo ndo ña kaꞌan yu xiꞌin ndo yoꞌo. Chi iinii kuvi ña yuuvi ke ke̱e̱ yuvi, na ke̱e̱ chi nuu kanata ñuꞌù xiꞌin chi nuu kita ñuꞌù, ra kuꞌun na ndakundee na nuu mesa ña kuxi na xiꞌin ra Abraham, xiꞌin ra Isaac xiꞌin ra Jacob, ndivi nuu ^xaꞌndia Ndioxi chiñu.

San Lucas 22:16

Ra na kundaa ini ndo ña kaꞌan yu xiꞌin ndo yoꞌo, chi takundiꞌi ka viko pascua ña vaxi ra köo ka yu ña kuxini yu xiꞌin ndo. Saa chi ndia na xinu kii ña kaꞌndia Ndioxi chiñu vi ke kuxini tuku yu xiꞌin ndo ―kachi ra.