San Lucas 13:34 - Mixteco Metlatónoc

³⁴ Ra saa ndikaꞌan ka Jesús kachi ra saa: ―¡Ndoꞌo, na ñuu Jerusalén, kuvi na ^xaꞌni na kaꞌan ndoso tuꞌun yuꞌu Ndioxi, ra xakin ndo yuu na tiꞌvi Ndioxi vaxi! ¡Kuaꞌa ni ichi kuni yu ndachitaꞌan yu ndoꞌo, ta kuꞌva ^xa iin nduxi xiꞌin seꞌe vali ri ña ^ndataan ri ri tixi ndixin ri, ndi su ndixïin ndo!

San Lucas 13:34 Referans Kwoze

Hechos 7:52

Saa chi na xii xikua ndo kuvi na xa ndivaꞌa xiꞌin ndia ndikaꞌan tuꞌun yuꞌu Ndioxi xinaꞌa; ra xaꞌni tu na ndia xa ndikaꞌan ña kixi iin tiaa ra vaꞌa va. Ra ta kixi tiaa ra vaꞌa kan, saa ra ndukuiin tu ndoꞌo va tiin ndo ra, ra ndataxi ndo ra ndaꞌa na saa ini xini ñaꞌa, ra xaꞌni tu ndo ra xiꞌin va na.

San Lucas 23:28

Ra saa ndakotoꞌni Jesús nuu na siꞌi kan, ra ndikaꞌan ra xiꞌin na, kachi ra saa: ―Ndoꞌo, na siꞌi ñuu Jerusalén, xäku ndo xaꞌa yuꞌu, chi na kuaku ndo xaꞌa mii ndo, xiꞌin xaꞌa seꞌe va ndo.

San Lucas 19:44

Ra kaꞌni ndiꞌi va na seꞌe vali ndo, ra ndia nii nuu ndita veꞌe ndo ke kuñäꞌa ka vi; saa chi ndixïin ndo ña sakaku yu ndoꞌo, kii ña xaa yu sakaku yu ndoꞌo vichin ―kachi Jesús xiꞌin na.

San Mateo 22:6

ra sava tu na ndukuiin, ra tiin ná na xachiñu nuu ra rey kan ra kanitaꞌan na xiꞌin na, ra xaꞌni va ná na.

San Mateo 22:3

Ra te xaꞌa ra rey kan ña ^xa nduvi ra koo viko xaꞌa seꞌe ra, saa tiꞌvi ra na xachiñu nuu ra kuaꞌan na nuu yuvi, na xa ndikaꞌan ra xiꞌin kuꞌun viko kan, ndi su ndixïin na kuꞌun na.

Apocalipsis 11:8

Ra kundee iki kuñu ndia yaꞌya kaꞌnu, ña ndikaa maꞌñu ñuu chee kaꞌnu kan, nuu takaa na Iva yo Jesucristo ndaꞌa cruz; ñuu ña ^kaꞌan na kuu “Sodoma” a “Egipto” va tu.

Hechos 8:1

Ra ndixiyo va yuꞌu ra Saulo xiꞌin na ña xaꞌni na ra Esteban. Ra suvi mii kii kan ke nundiee ni ka tu kuachi xiꞌin na ndikun Jesucristo, na ndee ñuu Jerusalén va, ra xinu ndiꞌi na kuaꞌan na ñuu ña ndoꞌni chi Judea, xiꞌin chi Samaria, ra ndia ndia xitaꞌan xiꞌin Jesús va kuvi ndia nindoo ñuu Jerusalén.

Hechos 7:59

Ra saa kuu na xika na ña xakin na yuu ra, ra saa xaꞌa ra kaꞌan ra xiꞌin Ndioxi kachi ra saa: ―Tata Jesús, ndakiꞌin nima yu ―kachi ra.

San Lucas 15:28

Saa ra ndisaa ni ra, ra nii ndixïin ka ra ña ndiꞌvi ra veꞌe. Ra saa kita iva ra ña xaku ndaꞌvi ra nuu ra ña ndiꞌvi ra.