San Lucas 12:19 - Mixteco Metlatónoc

¹⁹ Ra ta ndiꞌi, ra kaꞌan yu xiꞌin mii yu kachi yu saa: Kuaꞌa ni ñaꞌa yu iyoo, ra kuaꞌa ni kuiya kuxi yu ña. Ra sachïñu ka yu, ra na ndakindiee̱ yu, ra na kuxi yu, ra na koꞌo yu, na kusii ini yu, chi iyoo kuaꞌa ni ñaꞌa yu, kachi yo xiꞌin mii yo”, kaꞌan ra kuika kan suꞌva.

San Lucas 12:19 Referans Kwoze

1 Corintios 15:32

Ra ña kachi yu suꞌva xiꞌin ndo, ra xaꞌa ña ndoꞌo yu xiꞌin yuvi na iyoo ta kuꞌva iyoo kiti kueꞌe na ndee ñuu Éfeso va ke kachi yu saa; ndi su köo yaꞌvi ndiaa vi tu ña ^xa kuachi yu xiꞌin na, tu kuëe ndatiaku na ndii. Ra tu kuëe ndatiaku na ndii, saa ra, ¿a vaꞌa ka va tu na sa yo ta kuꞌva kaꞌan yuvi na kaꞌan kachi suꞌva?: “Na koꞌo yo, ra na kuxi va yo, saa chi vaxi kii ra yo kuvi va kuvi yo”, kachi na.

Santiago 5:5

Nuu ña yuuvi yoꞌo, ra vaꞌa ni ndixiyo ndo, ra iin takundiꞌi va ña savi ndixiyo nuu ndo, ra saa tu takundiꞌi ña kutoo ni iki kuñu ndo sa va ña; ra sandaꞌa tu ndo mii ndo, ta kuꞌva xa na ña sandaꞌa na iin kiti ri kaꞌni na kuxi va na.

Filipenses 3:19

Ndi su na yoꞌo, ra na ndiꞌi xaꞌa va kuvi na. Saa chi ña ndiꞌi ini xaꞌa ke sa na chiñu ña kotoo iki kuñu va na ña sandiko na ini na, ra kusii ni tu ini na xiꞌin chiñu kaꞌan nuu, ña xiniñuꞌu kukaꞌan nuu na xiꞌin va. Ra niña chiñu kiꞌvi ña iyoo nuu ña yuuvi yoꞌo va kuvi ña ndiꞌi ini na xaꞌa.

Apocalipsis 18:7

chi xa ni̱nù ni ña xiꞌin mii ña, ra xini sii ni tu ña koo takundiꞌi ña sa̱ví va nuu ña. ¡Ra xaꞌa ña kan ke na sandoꞌo ni ndo ña vichin! Saa chi ^xani ini ña kaꞌan ña saa: “Yoꞌo, ra vaꞌa ni va ^nduꞌu yu ña kuu yu reina, ra ^xaꞌndia yu chiñu ra nii süvi tu ña ndindukuaan kuvi yu, ra ndia nii tu kii ndöꞌo ini va yu”, ^kachi ña.

1 San Pedro 4:3

Ra xa vaꞌa na kutuvi va ndo, xiꞌin chiñu yakua ña kotoo ni yuvi na ndïkun Tata yo Ndioxi sa na, saa chi xa ña kan ke xa va ndo te yachi: ta kuu chiñu káꞌán nuu, xiꞌin ña kotoo ni na tiin taꞌan na, xiꞌin ña xiꞌi na, xiꞌin ña ndatava na viko, ra tiin taꞌan na ña xa na chiñu yakua, xiꞌin ña ndasakaꞌnu na naꞌna ña xiniñüꞌu ndasakaꞌnu na.

2 Timoteo 3:4

Ra xiko taꞌan tu na xiꞌin yuvi na itaꞌan mani ni xiꞌin va na, ra nii kuëe iyo tu koo ini va na, ra kutiaa ni tu na xiꞌin ña xini va na, ra ndakunisii tu na takundiꞌi ñaꞌa ña iyoo nuu ña yuuvi yoꞌo va, ra kuïin tu na kundikun na Tata yo Ndioxi va.

1 Timoteo 6:17

Ra na ñani yo, na kuu na kuika iyoo xuꞌun nuu ña yuuvi yoꞌo, ra na kaꞌan kun xiꞌin na ña na kutiäa ni ini na xiꞌin xuꞌun na, ra nii na kundiäa ni tu ini va na ña, saa chi ña ndiꞌi xaꞌa va kuvi ña. Ra ña xiniñuꞌu sa na ke na kondiaa ini na Tata yo Ndioxi ra tiaku va, saa chi ra kan kuvi ra ^taxi takundiꞌi va ñaꞌa ña xamani nuu yo ña vaꞌa na kuniñuꞌu yo ña, ra kusii ni ini yo xiꞌin ña.

1 Timoteo 5:6

Ndi su na ndukuaan, na kusii ni ini xiꞌin ñaꞌa ña iyoo nuu ña yuuvi yoꞌo, ra vaꞌa ni tiaku va na, ndi su ta iyoo na ndixiꞌi va iyoo na nuu Tata yo Ndioxi.

San Lucas 21:34

’Ña kan ke kuenda ni na koo ndo, ra na sandäꞌvi ndo mii ndo, ña xaꞌa ndo ndakundiꞌi ni ini ndo xaꞌa viko ña kuxi ndo, xiꞌin ña koꞌo ndo xini ndo, ra nii na ndïꞌi ni tu ini va ndo xaꞌa ña iyoo nuu ña yuuvi yoꞌo, chi kama ni va ndakava tundoꞌo ña kuu kii kan sata ndo.

San Lucas 16:19

Ra saa ndikaꞌan Jesús iin tuꞌun ndichi xiꞌin na kachi ra saa: ―Saa kuu iin kii ra ndixiyo iin ra kuika. Ra vaꞌa ka vi xindixi ra saa chi niña tikoto ña savi ña yaꞌvi xindixi ra, ra iin ndisaa kii ndixiyo viko veꞌe ra, ra vaꞌa ka vi xixi ra.

San Lucas 12:18

Saa ndikaꞌan ra xiꞌin mii ra kachi ra saa: “Xa xini va yu ni ke sa yu: kani ndiꞌi yu yaka vali, ra savaꞌa yu yaka naꞌnu vaꞌa. Ra ikan chuvaꞌa ndiꞌi yu nuni yu xiꞌin takundiꞌi ñaꞌa ña kuu mii yu.