San Lucas 11:32 - Mixteco Metlatónoc

³² Ra saa ke sa tu na ñuu Nínive va, chi taxi tu na kan va kuachi xaꞌa ndoꞌo na ndee tiempo vichin, te xa na xaa kii ña sandaku Ndioxi kuachi na yuuvi yoꞌo. Chi na ñuu Nínive, ra nandiko va ini na nuu Ndioxi ta xini soꞌo na, ña ndikaꞌan ndoso ra Jonás, ra na kundaa ini ndo, chi kaꞌnu ni ka va ra iin yoꞌo vichin nuu ra Jonás, ra xïin ndo nandiko ini ndo ―kachi Jesús xiꞌin na.

San Lucas 11:32 Referans Kwoze

Hebreos 7:26

Ra Tata yo Jesús, ra ndixa kuu sutu, ra kuchee kuvi ra xiniñuꞌu nuu yo, saa chi ra kan kuvi ra yii, ra ndia nii tu kuachi ra köo va, ra ndia nii tu chiñu kiꞌvi kuëe xa va ra, ra nii kuëe itaꞌan tu ra xiꞌin yuvi na xa chiñu kiꞌvi va. Ra Tata yo Jesús ra kuu sutu, ra ndivi va kuvi ña ndakiꞌin Tata yo Ndioxi ra kuaꞌan ra iyoo ra vichin.

San Lucas 11:31

Ra kii ña sandaku Ndioxi kuachi na yuuvi yoꞌo, saa ke ndakundichi tu ña reina ña kee chi nínu̱ nuu kaꞌan na kuu sur, ña taxi ña kuachi xaꞌa ndo. Chi xïin ndo kandixa ndo ña kaꞌan yu. Saa chi ña reina kan, ra kani ni va ke̱e ña kixi ña xini soꞌo ña tuꞌun ndichi ña sakuaꞌa ra rey Salomón na xinaꞌa. Ra na kundaa ini ndo, chi kaꞌnu ni ka va ra iin yoꞌo vichin nuu ra rey Salomón, ra xïin ndo kuni soꞌo ndo ña kaꞌan ra.

San Mateo 12:39

Ra saa ndakuiin Jesús kachi ra saa xiꞌin ndia: ―Yuvi ñàꞌa na xïin kandixa Ndioxi na ndee tiempo vichin, ra kuni na ña na sa yu iin ña xituꞌun kuni na, ndi su ndia nii ña xituꞌun sä yu kuni na, chi ndia taꞌan ña ndoꞌo ra Jonás, ra ndikaꞌan tuꞌun yuꞌu Ndioxi xinaꞌa va ke sa yu kuni na.

San Mateo 12:41

Ra te na sandaku Ndioxi kuachi xiꞌin na yuuvi yoꞌo, ra na ñuu Nínive, ra ndakuita va na ra taxi na kuachi xaꞌa yuvi na ndee tiempo vichin, ra kaꞌan na xiꞌin Ndioxi ña na sandoꞌo ra na, saa chi na ñuu Nínive, ra nandiko va ini na te xini soꞌo na tuꞌun Ndioxi ña ndikaꞌan ndoso ra Jonás nuu na. Ra na kundaa ini ndo chi kaꞌnu ni ka va yuꞌu, ra iin yoꞌo vichin nuu ra Jonás.