San Lucas 11:29 - Mixteco Metlatónoc

²⁹ Ra saa kuu ra kuaꞌa ka vi yuvi xaꞌa ^ndakutaꞌan nuu iin Jesús, ra saa ndikaꞌan ra xiꞌin na kachi ra saa: ―¡Ndivaꞌa ni ini yuvi na ndee tiempo vichin! Chi nduku na seña nuu yu, ña kuni na kotondoso na yuꞌu. Ndi su ndia nii ka seña sä yu kuni na. Chi ña kuni na kuvi taꞌan ña ndoꞌo ra Jonás xinaꞌa va.

San Lucas 11:29 Referans Kwoze

San Lucas 11:16

Ra sava tu na kaꞌan xiꞌin Jesús, ña na sa ra iin ña ndichi nuu ndivi va kuni na, ña ixtondoso na ra, ra a ndixa xiꞌin ndie̱e̱ Ndioxi ke tava ra tachi ndivaꞌa káꞌán na, chi ndikandïxa na ra.

1 Corintios 1:22

Ra na judío, ra ña xituꞌun va ^kuni na kan kuni na, ra na griego tu, ^kuni kuni soꞌo ña ndichi va; ra saa ke kandixa na tuꞌun Ndioxi kuni na.

San Lucas 12:1

Ra sakan saa kuu ndia, ra saa kuaꞌa ka vi mil yuvi ndakaya, ra iin ndiakua chindaꞌni taꞌan na. Ra saa xaꞌa Jesús kaꞌan ra xiꞌin ndia itaꞌan xiꞌin ra kachi ra saa: ―Kuenda ni koo ndo xiꞌin ndia fariseo. Saa chi ta iyoo ixan iyá ña kuu ndavi ña kee̱ xiꞌin xita vaꞌa, va ke iyoo ndia. Saa chi kaꞌan ndia xaꞌa ña vaꞌa, ra xa tu ndia ña väꞌa va.

San Juan 8:44

Ña kan ke seꞌe timiaꞌa va kuvi ndo, ra kuenda ri kan kuvi va ndo, ña kan ke kuni ndo sa ndo chiñu ña ^xa ri. Saa chi timiaꞌa, ra ndia ta kii xaꞌa ra niña ri xaꞌni kuvi va ri. Ri kan, ra köo ña ndaku ^xa vi ri, ra nii käꞌan tu ri ña ndaa va. Ra ta kaꞌan ri tuꞌun chiꞌña, ra ta kuni mii ri ke kaꞌan va ri; saa chi ri chiꞌña tuꞌun va kuvi ri, ra ri kan kuvi iva tuꞌun chiꞌña va.

San Juan 6:30

Saa ndakuiin na kachi na saa xiꞌin ra: ―¿Ndia ña ku iin ña xituꞌun sa kun kuni ndi, ra vaꞌa kandixa ndi yoꞌo? ¿Ra a väꞌa ndikun na sa kun ña kuni va ndi? ―kachi na xiꞌin ra.

San Juan 2:18

Ra saa kuyachi ndia judío ra ndindakatuꞌun ndia Jesús kachi ndia saa: ―¿Ndia ña ku iin ña xituꞌun sa kun kuni ndi, ña vaꞌa na kandixa ndi ña taxi Ndioxi ndiayu ndaꞌa kun ña tava kun na ndee ixiko nuu keꞌe veꞌe ñuꞌu kaꞌnu yoꞌo? ―*kachi ndia xiꞌin ra.

San Lucas 11:50

Ra ndoꞌo, na ndee vichin kuvi na nduku Ndioxi kuenda nuu xaꞌa nii tu ndia ndikaꞌan tuꞌun yuꞌu Ndioxi te yachi, te sakan ndixkunduꞌu ña yuuvi, iin saa ndia vichin va.

San Lucas 9:41

Saa ndakuiin Jesús, kachi ra saa: ―Ni va yuvi kuvi ndoꞌo ña kandïxa ndo. ¿Nichuun ndiee ni ini ndo? Kundiëe ka ini yu nuu ndo ―kachi ra xiꞌin ndia. Ra saa ndikaꞌan ra xiꞌin tiaa kan, kachi ra saa: ―Naꞌa choꞌo xiꞌin seꞌe kun ―kachi ra.

San Marcos 8:38

Ra yuvi na kukaꞌan nuu tu xiꞌin yu, a xiꞌin tuꞌun yu nuu na yuvi kuachi yoꞌo vichin, saa ra, saa sa tu yuꞌu, ra xaa yoꞌo va, chi kukaꞌan nuu tu yuꞌu va xiꞌin na nuu Tata yu, ta xa na ndiko yu kixi yu xiꞌin ndie̱e̱ Iva yu, xiꞌin na yii na ku tatun ra ―kachi Jesús xiꞌin na.

San Mateo 3:7

Ra te xini ra Juan ña kuaꞌa ka vi na fariseo xiꞌin na saduceo ndixa̱a̱ nuu íin ra, ña kuni na ña na sakuchi ra na, ra saa ndikaꞌan ra xiꞌin na kachi ra saa: ―¡Ndoꞌo yuvi ñaꞌa! ¿A xaꞌa ña ndakuchi ndo ke kuchuun ndo kaku ndo xaꞌa kuachi ndo, nuu tundoꞌo ndiee ña vaxi, tuvi ndo?