San Lucas 11:26 - Mixteco Metlatónoc

²⁶ Ra saa ^ndakiꞌin tuku tachi ndivaꞌa kan kuaꞌan ña, ra ^nanduku ña inka uxa nuu tachi ndivaꞌa, ña kini ni ka nuu mii ña ^xaa xiꞌin ña, ra saa ^nandee takundiꞌi ña ini veꞌe kan, ña koo ña. Saa ra yuvi na ndoꞌo saa ña xindikaa tachi ndivaꞌa ini na, ra na ndiee ka ndasa va kuvi na, nuu ña ndixiyo na ta yachi ―kachi Jesús xiꞌin na.

San Lucas 11:26 Referans Kwoze

San Juan 5:14

Ra te ndiꞌi saa ndaniꞌi Jesús tiaa ra nduvaꞌa kan ini veꞌe ñuꞌu kaꞌnu, ra saa ndikaꞌan ra xiꞌin ra kachi ra saa: ―Kotoꞌni, chi vichin ra xa nduvaꞌa va kun, ra ña kan ke xä ka kun kuachi, chi tu köo ra iyo ini kixi tundoꞌo ña chee vaꞌa ka nuu kun ―kachi Jesús xiꞌin ra.

San Mateo 12:45

Ra saa ^ndakiꞌin tuku tachi ndivaꞌa kan kuaꞌan ña, ra ^nanduku ña inka uxa nuu tachi ndivaꞌa, ña kini ni ka nuu mii ña ^xaa xiꞌin ña, ra saa ^nandee takundiꞌi ña ini veꞌe kan, ña koo ña. Saa ra yuvi na ndoꞌo saa ña xindikaa tachi ndivaꞌa ini na, ra na ndiee ka ndasa va kuvi na, nuu ña ndixiyo na ta yachi. Ra suꞌva ke ndoꞌo tu yuvi ndivaꞌa, na ndee tiempo vichin va ―kachi Jesús xiꞌin ndia.

1 San Juan 5:16

Ra tu ndia ndo kundaa ini xaꞌa iin na ñani yo ña xa na iin kuachi ña kuëe kuchuun sandiꞌi vaꞌa xaꞌa na, saa ra na kaꞌan ndo xiꞌin Tata yo Ndioxi xaꞌa va na, ra sakaku va ra na. Ndi su tu kuachi ña kuvi sandiꞌi vaꞌa xaꞌa va na kuvi tu ña xa na, ra käꞌan vi yu xiꞌin ndo ña na kaꞌan ndo xiꞌin Tata yo Ndioxi ña sakaku ra na.

San Mateo 23:15

’Ndaꞌvi ni ndoꞌo, ndia maestro sañaꞌa ndiayu Ndioxi, xiꞌin ndoꞌo ndia fariseo, saa chi chiꞌña ni tuꞌun ndo, ra kee ndo kuaꞌan ndo iinii kuvi nuu ñuꞌu, ra ndia nuu tiañuꞌu va yaꞌa ndo kuaꞌan ndo ña nduku ndo na kundikun sata ndo, ra te niꞌi ndo na, ra na ndiee ka sandiꞌi ndo xaꞌa va kuvi na, saa chi na ndasa ñaꞌa va ndo kuvi na, ra ndiaya ke kuꞌun va na, xaꞌa ña xa ndo.

San Lucas 11:25

Saa ra kaꞌan ña xiꞌin mii ña kachi ña saa: “Vaꞌa ka va na nandiko yo veꞌe chi nuu kee yo”, kachi ña. Ra saa te nandiko ña ndaxaa ña nuu ndixiyo ña, ra ndia nii ka ñaꞌa köo veꞌe kan, ra vaꞌa ka vi ndatiꞌvi na, ra vii ka vi nduu veꞌe kan xa na.

San Lucas 11:27

Ra ta sakan sandiꞌi Jesús ndikaꞌan ra xiꞌin na, saa ra tuꞌva ndikaꞌan va iin ñaꞌa ña ndikaa tiañu yuvi kan kachi ña saa xiꞌin ra: ―Vaꞌa ni kee ñaꞌa ña sakaku yoꞌo, ra sakuaꞌnu ña yoꞌo ―kachi ña xiꞌin ra.