San Lucas 11:13 - Mixteco Metlatónoc

¹³ Saa chi ndoꞌo, ra vaꞌa ni yuvi kuachi kuvi va ndo, ndi su xini va ndo taxi ndo ña vaꞌa ndaꞌa seꞌe ndo. ¡Ra ña kuu Tata yo Ndioxi, ra vaꞌa, ra köo ndia nii kuachi, ña kan ke kundaa kaxi va ini yo ña taxi va ra ña vaꞌa ni ña kuu Tachi Yii ra ndaꞌa takundiꞌi yuvi na nduku ña nuu ra! ―kachi Jesús xiꞌin ndia itaꞌan xiꞌin ra.

San Lucas 11:13 Referans Kwoze

San Mateo 7:11

Saa chi ndoꞌo, ra vaꞌa ni na yuvi kuachi kuvi va ndo, ndi su xini va ndo ña taxi ndo ña vaꞌa ndaꞌa seꞌe ndo. Ra saa tu Tata ndo Ndioxi ra iyoo ndiví va, chi viꞌi ni ka va ña vaꞌa taxi ra kan ndaꞌa ndo.

San Juan 4:10

Ra saa ndakuiin Jesús kachi ra saa xiꞌin ñaꞌa kan: ―Tu na kundaa ini kun ña kaꞌnu ña taxi Ndioxi, ra kundaa tu ini kun yoo kuvi ra kaꞌan xiꞌin kun ña taxi kun tiakuii koꞌo ra, saa ra mii va kun kuvi ña nduku tiakuii nuu ra, ra ra kan ra tiakuii ra taxi ña kutiaku va kun kuvi ra taxi ra koꞌo kun ―kachi Jesús xiꞌin ña.

Romanos 8:32

Saa chi Ndioxi ra ndikuxïꞌndia vi ra seꞌe ra, chi xiꞌin ña kusii ini va ra taxi ra ra, ña ndixiꞌi ra xaꞌa takundiꞌi yo; ra tu saa xa ra, ra mii saa ke sa tu ra xiꞌin yo vichin va, saa chi taxi va ra takundiꞌi ñaꞌa ña xamani nuu yo.

Hechos 2:38

Saa ndikaꞌan ra Pedro xiꞌin na kachi ra saa: ―Nandiko ini ndo xaꞌa kuachi ndo, ra kuchi ndo tixi ndiee Jesucristo, ra saa ke koo káꞌnu ini Ndioxi xaꞌa kuachi ndo, ra taxi tu ra Tachi Yii ra ña koo ña xiꞌin va ndo.

San Mateo 6:14

’Ra na kundaa ini ndo, saa chi tu xakaꞌnu ini ndo xaꞌa kuachi ña xa inka yuvi xiꞌin ndo, saa ra koo kaꞌnu tu ini Tata yo Ndioxi ra iyoo ndivi xaꞌa kuachi tu ndoꞌo va.

San Mateo 6:32

Saa chi xaꞌa takundiꞌi ñaꞌa yoꞌo kuvi ña ndiꞌi ni ini yuvi na xïni ichi Ndioxi va. Ndi su ndoꞌo, ra na kundïꞌi ni ka ini ndo xaꞌa ña yoꞌo, saa chi Tata ndo Ndioxi ra xa xini mii va ra kan ni ñaꞌa ke xamani nuu ndo.

San Lucas 11:2

Saa ndakuiin Jesús, kachi ra saa xiꞌin ndia: ―Ta kaꞌan ndo xiꞌin Ndioxi, ra suꞌva ke na kachi ndo xiꞌin ra: Tata ndi, ra iyoo ndivi, yii ni na koo kivi kun. Ra na kixi kun kaꞌndia kun chiñu nuu ña yuuvi yoꞌo. Ra ta xa kun ndivi ke na sa kun nuu ñuꞌu yoꞌo va.

San Mateo 6:30

Ra tu nduvi ni sakundixi Ndioxi ita vali ña iyoo iku, ra vichin iyoo ña, ra tiaan xa ndachi va ña, saa ra ndakaya na ña ra xaꞌmi va na ña, ra kachi ka vi tu ndoꞌo, ¿a täxi ra ñaꞌa ña kumani nuu ndo ndaꞌa ndo tuvi ndo? ¿Nichuun ndiee ni ini ndo ña xïin ndo kandixa ndo Ndioxi?

San Mateo 5:45

Ra saa ke ndañaꞌa ndo mii ndo ña ndixa ke kuu ndo seꞌe Ndioxi ra iyoo ndivi, chi ra kan kuvi ra ^taxi kanata ñuꞌu ra tuun ña sata na vaꞌa xiꞌin na väꞌa va, ra ^taxi tu ra kuun savi sata na vaꞌa xiꞌin na väꞌa va.

San Mateo 5:16

Ra saa ke na koo tu ndoꞌo va, ña kuyeꞌe ndo nuu na yuuvi yoꞌo, ra kuni na takundiꞌi ña vaꞌa ña xa ndo, ra ndasakaꞌnu na Tata yo Ndioxi ra iyoo ndivi ―kachi Jesús xiꞌin na.

Romanos 7:18

Ra xa kundaa va ini yu, chi ini yu, ña kuu iki kuñu yu, ra köo mii ña vaꞌa iyoo vi, saa chi ña vaꞌa ke kuni yu sa va yu, ndi su köo mii ndiee iki kuñu yu, ña sa ña, ña vaꞌa vi.

Romanos 5:17

Ra tu xaꞌa kuachi ña xa indaa tiaa va ke ndakaꞌndia chiñu ña xaꞌni yuvi nuu ña yuuvi. Ra na kundaa ini ndo, saa chi tiaa ni ka va vaꞌa kee yoo, xaꞌa ña kaꞌnu ña xa indaa Jesucristo, saa chi xaꞌa ña xa ra kan va ke ndakiꞌin mani Ndioxi yoo, ña nduu yo ta kuꞌva iyoo yuvi na köo kuachi, ra ña tiaku yo vichin ra xa xiꞌin Jesucristo va ke kaꞌndia chiñu yo.

Tito 3:3

Saa chi te yachi, ra ta iyoo na kan ke ndixiyo tu yoo va, saa chi kiꞌvi ni ndixiyo yo, ra nii ndikandïxa tu yo Tata yo Ndioxi va; ra yo nindoñuꞌu va xikuu yo, ra xikuu tu yo na xachiñu ndaꞌvi nuu takundiꞌi chiñu kiꞌvi ña kutoo ni iki kuñu yo sa va ña. Ra niña chiñu kiꞌvi va ke xa yo, ra kuini ni tu ndixiyo va yo, ra takundiꞌi va yuvi ra kundasi va na yoo, ra kundasi tu yoo na kan va.

San Lucas 11:12

Ra tu ndivi tu na nduku na nuu ndo kaxi na, ¿ra ama taxi tu ndo tisuꞌma ndaꞌa na kaxi na, su täxi ndo ri?

San Lucas 18:7

Ra kachi ka vi tu Ndioxi, ¿a sandäku ra kuachi xiꞌin na ndikaxin ra tu na kaꞌan na xiꞌin ra ñuu kaꞌñu? ¿Ra a naꞌa ni vi sa ndakuiin ra tuvi ndo?