San Lucas 10:37 - Mixteco Metlatónoc

³⁷ Saa ndakuiin ra maestro xini ndiayu Ndioxi kan kachi ra saa: ―Ra kundaꞌvi ini xini ñaꞌa kuvi ra, tuvi yuꞌu ―kachi ra. Ra saa ndikaꞌan Jesús xiꞌin ra kachi ra saa: ―Vaꞌa ni va ndakuiin kun. Kuaꞌan, ra saa ke na sa tu yoꞌo va ―kachi Jesús xiꞌin ra.

San Lucas 10:37 Referans Kwoze

1 San Pedro 2:21

Ra tu ^sandoꞌo siki na ndoꞌo, ra na ndakaꞌan ndo, chi mii va Tata yo Ndioxi kuvi ra ndikaꞌan ña xiniñuꞌu sakuaꞌa ndo ña sa ndiee ini ndo te ndoꞌo ndo. Ra mii saa kuvi tu ña xa Tata yo Jesucristo va ña xiin ra ndoꞌo ra xaꞌa yo, ra xaꞌa ña kan ke na sa yo ta kuꞌva xa ra kan va.

2 Corintios 8:9

Ra xa kundaa va ini ndo chi Tata yo Jesucristo, ra tiayu ni ra, ra ndaꞌvi ni tu ini va ra. Saa chi vaꞌa ni ra kuika va kuvi ra, ndi su xiin va ra ña nduu ra ra ndaꞌvi xaꞌa ña ^kuꞌvi ni ini ra xini ra ndoꞌo, ña vaꞌa na ndukuika ndo xaꞌa ña nduu ra, ra ndaꞌvi.

San Mateo 23:23

’Ndavi ni ndoꞌo, ndia maestro sañaꞌa ndiayu Ndioxi, xiꞌin ndoꞌo ndia fariseo, saa chi chiꞌña ni tuꞌun ndo, chi ña xa ndo ke tava va ndo iin taꞌvi loꞌo ñaꞌa ña chiꞌi ndo tixi uxi taꞌvi takundiꞌi ñaꞌa, ña chiꞌi ndo, ra taxi ndo ña ndaꞌa Ndioxi, ndi su naa va ini ndo ña saxinu ndo ndiayu Ndioxi ña xiniñuꞌu vaꞌa ka, ña kaꞌan kachi saa: na satoꞌo ndo na taꞌan ndo, na kuꞌvi ini ndo kuni ndo na, ra na kandixa vaꞌa tu ndo Ndioxi va; ra na taxi tu ndo iin taꞌvi loꞌo nuu uxi taꞌvi ñaꞌa ña chiꞌi va ndo, ra na kukuïin vi ndo ña sa ndo ña kan.

Efesios 5:2

Ra ña tiaku ndo vichin, ra na kuꞌvi ni ini ndo kuni taꞌan ndo, ta kuꞌva xa Cristo ña kuꞌvi ini ra xini ra yoo, ra ndisoko ra mii ra xaꞌa yo, ta kuꞌva iyoo iin ndikachi loꞌo ri soko na nuu Ndioxi ña xixi ri, ra kuandaa xiko xaꞌan tami nuu ra.

Apocalipsis 1:5

Ra saa tu Iva yo Jesucristo na taxi ra ña vaꞌa kutaꞌvi ndo chi ra kan kuvi mii ra ndinuni ni ^ndakuiin xaꞌa ña ^xa Ndioxi, ra ra kan kuvi ra nuu vaꞌa ndatiaku nuu takundiꞌi na ndixiꞌi, ra ra kan kuvi tu ra chee ni ka nuu takundiꞌi na kunaꞌnu xaꞌndia chiñu iyoo nuu ña yuvi yoꞌo va. Ra na ndasakaꞌnu ni yo ra chi ^kuꞌvi ni ini ra xini ra yoo, ra ndakatia ra kuachi yo xiꞌin ni̱i̱ ra,

San Mateo 20:28

Ta kuꞌva iyoo yuꞌu, ra xaa yoꞌo, chi yuꞌu ra ndixäa yu ña kaꞌndia yu chiñu, chi ra xaa xachiñu nuu takundiꞌi va ndo kuvi yu, ra ndataxi yu mii yu xaꞌa takundiꞌi va na yuuvi yoꞌo, ra saa ke vaꞌa saña ndika na ―kachi Jesús xiꞌin ndia.

San Lucas 10:36

Saa nindakatuꞌun Jesús ra maestro xini ndiayu Ndioxi, kachi ra saa: ―¿Ndia iin ndia uni kan kuvi ndia kuu taꞌan tiaa ra takueꞌe xa ndia kuiꞌna kan tuvi yoꞌo? ―kachi ra xiꞌin ra.

San Lucas 10:38

Ra saa ndakiꞌin Jesús kuaꞌan ra xiꞌin ndia itaꞌan xiꞌin ra, ra ndixaa ndia iin ñuu loꞌo, nuu iyoo iin ñaꞌa ña nani Marta ra ndakiꞌin mani ña ndia veꞌe ña.