San Lucas 10:27 - Mixteco Metlatónoc

²⁷ Ra saa ndakuiin ra maestro kan kachi ra saa: ―Suꞌva va ke kachi ña: “Na kuꞌvi ini yo kuni yo Ndioxi xiꞌin ndinuni nima yo, xiꞌin takundiꞌi ña tiaku yo, xiꞌin takundiꞌi ndie̱e̱ yo, xiꞌin takundiꞌi ña xini tuni yo; ra ta kuꞌva kuꞌvi ini yo xini yo mii yo, saa na kuꞌvi tu ini yo kuni yo inka na taꞌan va yo”, kachi ña ―kachi ra xiꞌin Jesús.

San Lucas 10:27 Referans Kwoze

Romanos 13:9

Saa chi saa kachi tu mii ndiayu Ndioxi va: “Na kïꞌvi kun xiꞌin yasiꞌi inka tiaa, na käꞌni kun, na sakuïꞌna kun, na ndatüꞌun chiꞌña kun xaꞌa inka yuvi, na küni sii kun ñaꞌa inka yuvi”; ra takundiꞌi ña yoꞌo, xiꞌin sava ka ndiayu Ndioxi, ra iin kaꞌan va ña xiꞌin ndiayu Ndioxi ña kachi suꞌva: “Na kuꞌvi ini kun kuni kun yuvi taꞌan kun, ta kuꞌva kuꞌvi ini kun xini kun mii kun”, ^kachi ña.

Santiago 2:8

Ra tu ndixa na kandixa ndo ndiayu kaꞌnu ña taxi Tata Ndioxi, ña kaꞌan kachi suꞌva: “Na kuꞌvi ini kuni kun yuvi ta kuꞌva kuꞌvi ini kun xini kun mii kun”, kachi ña, saa ra vaꞌa ni va ^xa ndo.

1 San Juan 3:18

Ñani mii yu, na iyoo ta kuꞌva iyoo seꞌe yu, tu ndixa kuꞌvi ini yo xini taꞌan yo, ra na küu ña takua tuꞌun kuiti, chi ña xiniñuꞌu ke na ndañaꞌa yo ña kuꞌvi ini yo xini taꞌan yo xiꞌin chiñu ña xa yo xiꞌin taꞌan va yo.

Hebreos 8:10

Ra ndiayu xaa ña kindoo yu xiꞌin na ñuu Israel te xa na xaa kii, ra suꞌva ke koo ña, kachi Tata yo Ndioxi: Mii va yu chikaa ndiayu yu xini na, ra tiaa tu yu ña nima va na. Ra kuu yu Ndioxi na, ra na kan kuu na ñuu yu.

Gálatas 5:13

Ñani yo, ña kana Ndioxi ndoꞌo, ra xaꞌa ña vaꞌa na koo ndika va ndo kuvi ña. Ra süvi ña ndisaña ndika tu ra ndoꞌo, ra na sa ndo chiñu ña kuni mii ndo, chi ña xiniñuꞌu sa ndo ke na kuu ndo yuvi na chindiee taꞌan xiꞌin taꞌan xaꞌa ña kuꞌvi ini ndo xini taꞌan va ndo.

San Mateo 19:19

ra na satoꞌo kun iva kun xiꞌin siꞌi kun; ra na kuꞌvi ini kun kuni kun na taꞌan kun, ta kuꞌva kuꞌvi ini kun xini kun mii kun ―kachi Jesús xiꞌin ra.

San Lucas 10:26

Saa ndakuiin Jesús kachi ra saa: ―¿Ni ke kachi ndiayu Ndioxi ña tiaa ra Moisés xinaꞌa? Ra ni ke kachi ña ña kaꞌvi kun ña? ―kachi ra xiꞌin ra.