San Lucas 1:76 - Mixteco Metlatónoc

⁷⁶ Ra yoꞌo tu, ra loꞌo seꞌe mii yu, ra ra kaꞌan ndoso tuꞌun yuꞌu Ndioxi, ra kaꞌnu, va kuu kun. Ra kunuu kun nuu Tata yo kuꞌun kun ña ndasavii kun ichi ra.

San Lucas 1:76 Referans Kwoze

San Juan 1:23

Saa ndakuiin ra Juan kachi ra saa: ―Yuꞌu kuvi ra tiꞌvi Ndioxi vaxi iku iyu, ra ^kaꞌan yu xiꞌin ndo kachi yu saa: “Ndasandaku ndo nima ndo nuu Ndioxi”, ta kuꞌva kachi ra Isaías ra ndikaꞌan tuꞌun yuꞌu Ndioxi xinaꞌa ―*kachi ra xiꞌin ndia.

San Mateo 14:5

Ra xaꞌa ña kan ke kuni ra Herodes kan ña kaꞌni ra ra Juan, ndi su ndiyuꞌvi va ra nuu na ñuu; saa chi ^kandixa takundiꞌi va na ra Juan kan, ña kuu ra ra kaꞌan ndoso tuꞌun yuꞌu Ndioxi.

San Mateo 3:3

Ra xaꞌa ra Juan yoꞌo ke ndikaꞌan ra Isaías ra ndikaꞌan tuꞌun yuꞌu Ndioxi xinaꞌa, te ndikaꞌan ra kachi ra saa: ^Tiaku kaꞌan ndoso iin tiaa iku yuu ra kachi ra saa: “Ndasavii ndo ichi nuu kixi Tata yo, ra ndasandaku ndo ichi ndo nuu ra”, kachi ra kundikaa iku yuu kan, kachi ra Isaías.

Hechos 16:17

Ra saa ndakundikun ña sata ra Pablo, ra ndaꞌyu ña, ―Ndia tiaa yoꞌo, ra ndia xachiñu nuu Ndioxi ra kaꞌnu kuvi ndia, ra vaxi ndia kaꞌan ndoso ndia tuꞌun vaꞌa xaꞌa Jesús nuu ndo, ña vaꞌa kaku ndo ―kachi ña.

San Lucas 1:35

Saa ndakuiin ra, kachi ra saa: ―Ndïꞌi ini kun, chi mii va Tachi Yii Ndioxi ke xinu koo xiꞌin kun; ra suvi mii ndiee Ndioxi, ra kaꞌnu ke kusaꞌvi tu sata va kun. Ña kan ke ra Yii kuvi ra kaku yoꞌo, ra Seꞌe Ndioxi, ra kaꞌnu ke kunani ra.

San Lucas 1:32

Chi ra loꞌo yoꞌo, ra ra kaꞌnu ni kuu ra, ra “Seꞌe Ndioxi Ra Kaꞌnu kuvi ra” kachi na. Ra taxi Ndioxi ndie̱e̱ ndaꞌa ra, ña kuu ra rey, ta kuꞌva ndixiyo ra rey David, xii xikua ra, ra xaꞌndia chiñu nuu na Israel.

San Marcos 11:32

Ra tu na kachi tu yo: “Na yuvi yoꞌo va kuvi na taxi ndiayu ndaꞌa ra”, saa ra, iyo ni kaꞌni na yo ―kachi na kunaꞌnu kan xiꞌin taꞌan na. Saa chin iyuꞌvi ni na xikuaꞌa kan xini na na ñuu, chi takundiꞌi na ñuu ra ^kandixa va na ra Juan ña kuu ra, ra ndikaꞌan tuꞌun yuꞌu Ndioxi, chin Ndioxi ku ra tiꞌvi ra ña kixi va ra.

San Juan 3:28

Ra xa ta kachi yu xiꞌin ndo ta yachi ke iyoo va ña: “Chi süvi yuꞌu ku Cristo, chi ra inuu vaxi kaꞌan xiꞌin yuvi ña ndakoo nduvi va na kuvi yu.”

San Juan 1:27

Ra ra kan kuvi ra ndikun vaxi sata yuꞌu, ra xa ta yachi vi ke iyoo ra kan nuu yuꞌu. Ra yuꞌu, ra ndia nii ñii ndixan vi ra ke köo ndiayu yu ndaxi yu ―kachi ra xiꞌin ndia.

San Lucas 6:35

Kuꞌvi ini ndo kuni ndo na saa ini xini ndoꞌo, ra sa ndo ña vaꞌa xiꞌin na. Ra tu chindiee ndo xuꞌun na ra ndiätu ini ndo ña ndakiꞌin ndo ña ndaꞌa na. Saa ke niꞌi ndo ña vaꞌa nuu Ndioxi, ra kunani ndo seꞌe Ndioxi ra kaꞌnu. Chi vaꞌa ni ini Ndioxi xiꞌin takundiꞌi va yuvi, nii na köo ña toꞌo kuvi na, ra nii na yuvi ñaꞌa kuvi va na.

San Mateo 21:26

Ra tu na kachi tu yo: “Na yuuvi yoꞌo va kuvi na taxi ndiayu ndaꞌa ra”, saa ra iyo ni va xiꞌin yo, saa chi takundiꞌi na ñuu, ra kandixa va na ra Juan, ña kuu ra, ra ndikaꞌan ndoso tuꞌun Ndioxi ―*kachi ndia xiꞌin taꞌan ndia.

San Mateo 3:11

Ra ña ndixa ke yuꞌu, ra xiꞌin tiakuii va ^sakuchi yu ndoꞌo, ña na nandiko ini ndo xaꞌa kuachi ndo, ndi su chi sata vaxi inka ra chee vaꞌa ka nuu yuꞌu, ra ra kan, ra xiꞌin Tachi Yii Ndioxi xiꞌin ñuꞌu va ke sakuchi ra ndoꞌo; ra yuꞌu, ra nii chiñu loꞌo ke köo yaꞌvi ndiaa yu sa yu nuu vi ra, saa chi ndia nii ña kaniꞌi yu ndixan vi ra ke köo ndiayu yu, saa chi ra kaꞌnu ni kuvi ra.