San Lucas 1:28 - Mixteco Metlatónoc

²⁸ Ra te ndikiꞌvi ra tatun Ndioxi veꞌe nuu iyoo ña loꞌo María kan, ra ndikaꞌan ra xiꞌin ña, kachi ra saa: ―Kusii ni ini Ndioxi xiꞌin kun chi vaꞌa ni ^xa kun, ra iyoo ra xiꞌin kun vichin; ra kuaꞌa ni ña vaꞌa taxi Ndioxi ndaꞌa yoꞌo nuu takundiꞌi ka na siꞌi ―*kachi ra xiꞌin ña.

San Lucas 1:28 Referans Kwoze

San Lucas 1:30

Ra saa ndikaꞌan ra tatun Ndioxi xiꞌin ña, kachi ra saa: ―Kuayüꞌvi kun María, chi ña vaꞌa va kuni Ndioxi sa ra xiꞌin kun.

Efesios 1:6

Ra xaꞌa ña xa Tata yo Ndioxi ña yoꞌo va kuvi ña ^ndasakaꞌnu ni yo ra, saa chi kundaꞌvi ni ini ra xini ra yoo, ra xaꞌa ña kundaꞌvi ini ra xini ra yoo kuvi ña ndasa ra yoo iin xiꞌin seꞌe ra, ra ^kuꞌvi ni ini ra xini ra.

Hechos 18:10

Saa chi íin va yu xiꞌin kun, ra ndia nii na kuchüun tandiaa ndaꞌa yoꞌo, ña sa na ña väꞌa xiꞌin kun, ra na kundaa ini kun, chi iyoo kuaꞌa ni va na kuu kuenda yu ñuu chee yoꞌo ―kachi ra xiꞌin ra.

San Lucas 1:42

ra ndiee ni ndikaꞌan ña xiꞌin ña María, kachi ña saa: ―Vaꞌa ni kee kun nuu ndiꞌi ka na siꞌi, ra vaꞌa ni kee tu seꞌe kun, ra ndikaa tixi va kun.

San Mateo 12:48

Ra saa ndakuiin Jesús kachi ra saa: ―¿Yoo kuvi na kuu siꞌi yu, ra yoo kuvi na kuu tu ñani yu? ―kachi ra.

San Lucas 1:27

Ra ikan iyoo iin ñaꞌa loꞌo kuaan ña nani María. Ra xa ña iyoo nduvi va ke ña tandaꞌa ña xiꞌin iin tiaa ra nani José. Ra seꞌe xikua ra rey David kuvi ra.

San Lucas 1:29

Saa ra ndayuꞌvi ni ini ña, ra saa ndakani ini ña xaꞌa tuꞌun ña ndikaꞌan ndioxi ra xiꞌin ña ni ke kuni kachi ña.