San Lucas 1:19 - Mixteco Metlatónoc

¹⁹ Ra saa ndakuiin ra tatun Ndioxi kan, kachi ra saa: ―Yuꞌu kuvi ra nani Gabriel. Ra iin ndisaa kii va iyoo nduvi yu ña xika yu chiñu nuu Ndioxi. Ra suvi kuvi ra tiꞌvi yuꞌu ña vaxi yu ndatuꞌun yu xiꞌin kun xaꞌa ña vaꞌa yoꞌo va.

San Lucas 1:19 Referans Kwoze

San Lucas 1:26

Ra te ndixinu i̱ñu̱ yoo ña ñuꞌu seꞌe ña Elisabet, ra saa tiꞌvi Ndioxi tatun ra, ra nani Gabriel, kuaꞌan ra ñuu Nazaret ña ndikun ndiaa chi Galilea.

San Mateo 18:10

Ra saa ndikaꞌan ka Jesús xiꞌin ndia kachi ra saa: ―Kuenda ni koo ndo, ra na kundäsi ndo ndia nii yuvi na xa ninu xiꞌin mii, saa chi na tatun Ndioxi na kiꞌin kuenda xiꞌin na iin takundiꞌi kii, ra yachin ni va ndee na xiꞌin Tata yu Ndioxi ndivi ninu.

Hebreos 4:14

Ra Tata yo Jesús, ra kuu seꞌe Tata yo Ndioxi kuvi ra kuu sutu ra kuchee vaꞌa nuu yo, ra ra kan kuvi tu ra nandaa ndivi va, ra xaꞌa ña kan ke xiniñuꞌu ni, na kundikun yo ra xiꞌin ndinuni nima yo.

San Lucas 2:10

Ra saa ndikaꞌan ra tatun Ndioxi kan xiꞌin ndia, kachi ra saa: ―Kuayüꞌvi ndo, chi ña vaꞌa va vaxi yu ndatuꞌun yu xiꞌin ndo. Chi iin kusii ini takundiꞌi va na yuuvi yoꞌo xaꞌa ña ndatuꞌun yu xiꞌin ndo.

San Lucas 1:20

Ra xaꞌa ña ndikandïxa kun ña ndikaꞌan yu xiꞌin kun ke kumiꞌmi kun vichin. Ra küvi kaꞌan kun ndia na xinu ndiꞌi ña ndikaꞌan yu xiꞌin kun, saa chi xiniñuꞌu xinu va ña ndikaꞌan Ndioxi. Ra ndia te xa na kaku seꞌe vi ndo, kuvi ña ndakaꞌan kun ―kachi ra tatun Ndioxi xiꞌin ra.

San Lucas 21:36

Ña kan ke xiniñuꞌu na koo nduvi ni ndo, ra kaꞌan ni ndo xiꞌin Ndioxi iin takundiꞌi kii, ra saa ke kuvi kaku ndo nuu takundiꞌi ña kuu, ra kuchuun ndo xaa ndo nuu yuꞌu, ra xaa yoꞌo vichin ―kachi Jesús xiꞌin ndia itaꞌan xiꞌin ra.