San Lucas 1:13 - Mixteco Metlatónoc

¹³ Ra saa ndikaꞌan ra tatun Ndioxi kan xiꞌin ra, kachi ra saa: ―Kuayüꞌvi kun, Zacarías, saa chi xa xini va soꞌo Ndioxi ña ndikaꞌan kun xiꞌin ra. Ra vichin kaku iin tiaa loꞌo seꞌe yasiꞌi kun, ra Juan chinduꞌu kun kivi ra.

San Lucas 1:13 Referans Kwoze

Hechos 10:31

Ra ndikaꞌan ra xiꞌin yu kachi ra saa: “Cornelio, xa xini va soꞌo Ndioxi ña kaꞌan ni kun xiꞌin ra, ra xa kundaa tu ini ra ña chindiee taꞌan ni kun xiꞌin na ndaꞌvi va.

San Lucas 2:21

Ra te ndixinu una kii ña kaku ra loꞌo seꞌe ña María, ra saa xakin na tuni Ndioxi ra, ra chinduꞌu na kivi ra nani ra Jesús ta kuꞌva ndikaꞌan ra tatun Ndioxi xiꞌin ña María te kuni ka kee seꞌe ña.

San Mateo 14:27

Saa ra, ndikun ndikaꞌan va Jesús xiꞌin ndia kachi ra saa: ―¡Yayaa koo ndo! ra ¡Kuayüꞌvi ndo!, chi yuꞌu va kuvi ra ―kachi ra xiꞌin ndia.

San Mateo 28:5

Ra saa ndikaꞌan ra tatun Ndioxi kan xiꞌin na siꞌi kan, kachi ra saa: ―Kuayüꞌvi ndo, chi xa kundaa va ini yu ña nanduku ndo Jesús, ra xitakaa ndaꞌa cruz.

San Lucas 1:30

Ra saa ndikaꞌan ra tatun Ndioxi xiꞌin ña, kachi ra saa: ―Kuayüꞌvi kun María, chi ña vaꞌa va kuni Ndioxi sa ra xiꞌin kun.

San Marcos 16:6

Saa ndikaꞌan ra xiꞌin na kachi ra saa: ―Kuayüꞌvi ndoꞌo, na ndanduku Jesús ra ñuu Nazaret, ra tanii na ndaꞌa cruz, chi köo ka ra ndikaa yoꞌo, chi xa ndatiaku va ra. Toꞌni ndo nuu xindikaa ra ra kuni ndo.

San Mateo 1:21

Ra tiaa loꞌo kuu seꞌe ña ra kaku, ra JESÚS ke chinduꞌu kun kivi ra, ra saa ke kunani ra, saa chi ra yoꞌo kuvi ra sakaku na ñuu ra xaꞌa kuachi na ―*kachi ra tatun Ndioxi kan xiꞌin ra José.

San Lucas 1:14

Ra tiaa ni kusii ini kun na kaku ra. Ra kuaꞌa ni ka tu yuvi kusii ini xiꞌin va kun ña kaku ra.