San Juan 9:35 - Mixteco Metlatónoc

³⁵ Ra ta kundaa ini Jesús ña tava va ndia tiaa kan veꞌe ñuꞌu, ra saa ndixaꞌan Jesús nanduku ra ra, ra te ndaniꞌi ra ra, ra ndikaꞌan ra xiꞌin ra kachi ra saa: ―¿A kandixa kun ra kuu Seꞌe Ndioxi? ―kachi ra xiꞌin ra.

San Juan 9:35 Referans Kwoze

San Juan 20:31

Ndi su ndikaꞌyu va tu sava ña xituꞌun ña xa ra, nuu tutu yoꞌo, ña kan ke vaꞌa na kandixa ndo Jesús, ña kuu ra, ra ndikaxin Ndioxi sakaku na yuuvi yoꞌo, ra ra yoꞌo kuvi seꞌe Ndioxi va, ra na ^kandixa ñaꞌa, ra niꞌi va na ña kutiaku xiꞌin ra, ndia ndikaa ndikuꞌun.

1 San Juan 5:13

Ra tutu yoꞌo kuvi ña tiaa yu ña kuxaa ña nuu ndoꞌo na ñani yo, na xa kandixa ña kuu Tata yo Jesucristo seꞌe Tata yo Ndioxi, ña vaꞌa na kundaa kaxi ini ndo ña niꞌi va ndo ña kutiaku ndo ndia ndikaa ndikuꞌun.

San Juan 10:36

Ra Ndioxi va kuvi ra ndikaxin yuꞌu, ra tiꞌvi ra yuꞌu xaa yu ña yuuvi yoꞌo vichin, ra kaꞌan yu ña kuu yu seꞌe ra, ra ña kan ke kaꞌan ndo, ña ndaa yuꞌu yu ra.

1 San Juan 5:20

Ra xa kundaa tu ini yo ña kixi ra kuu Seꞌe Tata yo Ndioxi va, ra ra kan kuvi ra taxi ña xini tuni yo ña vaꞌa na tandiaa yo kutaꞌan yo xiꞌin Tata yo Ndioxi, ra ndaa. Ra vichin, ra itaꞌan va yo xiꞌin Tata yo Ndioxi, ra ndaa, saa chi itaꞌan tu yo xiꞌin Tata yo Jesucristo ra kuu seꞌe va ra. Ra Tata yo Jesucristo kuvi ra kuu Tata yo Ndioxi, ra ndaa va, ra ra kan kuvi tu ra taxi ña kutiaku yo ndia ndikaa ndikuꞌun va.

1 San Juan 5:10

Ra yuvi na kandixa ña kuu Tata yo Jesucristo seꞌe Tata yo Ndioxi, ra kundaa kaxi va ini na xaꞌa tuꞌun ña vaꞌa ña ndiñaꞌa Tata yo Ndioxi ña kuu ña ña ndaa. Ndi su yuvi na kuëe kandixa tuꞌun vaꞌa ña ndiñaꞌa ra nuu na, ra ña xa na kan ke kaꞌan na ña kuu ra ra chiꞌña tuꞌun va, saa chi xïin na kandixa na tuꞌun ña ndakani ra nuu na xaꞌa seꞌe ra.

1 San Juan 5:5

Ra takua yuvi na ndinuni ni kandixa ña kuu Tata yo Jesús seꞌe Tata yo Ndioxi va kuvi na ^kuchuun ^xa tiaa nuu ña väꞌa, ña iyoo nuu ña yuuvi yoꞌo.

1 San Juan 4:15

Ra takundiꞌi yuvi na ndakuni ña kuu Tata yo Jesucristo seꞌe Tata yo Ndioxi, saa ra itaꞌan va Tata yo Ndioxi xiꞌin na, ra itaꞌan tu na kan xiꞌin va ra.

Romanos 10:20

Ra iin kaxi kaxi va ndikaꞌan ra Isaías, tuꞌun ña ndikaꞌan Ndioxi xiꞌin ra, kachi ra suꞌva: Yuvi na kuëe ^nanduku yuꞌu ra ndaniꞌi va na yuꞌu; Ra ndañaꞌa tu yu mii yu, nuu yuvi na kuëe ndakatuꞌun xaꞌa va yu, kachi ra.

Romanos 1:4

Ra Tachi Yii Ndioxi ke ndañaꞌa ra, ña kuu ra seꞌe Ndioxi, ra kuu mii ra ndiee ña kaꞌnu, saa chi ndatiaku va ra nuu ña ndii.

Hechos 9:20

Ra saa ndiyaꞌa ndiaꞌvi kii ra saa xaꞌa ra Saulo xika ra ta veꞌe ñuꞌu, ta veꞌe ñuꞌu na judío ña iyoo ñuu Damasco ndakani ra xaꞌa Jesús ña kuu ra seꞌe Ndioxi

Hechos 8:36

Ra saa kuu ndia kuaꞌan ndia ichi kan, saa ra ndixaa va ndia iin nuu ndikaa tiakuii, ra saa ndikaꞌan tiaa kan kachi ra saa xiꞌin ra Felipe: ―Yoꞌo ndikaa tiakuii, ra a küvi tu ndikun na sakuchi va kun yuꞌu ―kachi ra xiꞌin ra.

San Juan 20:28

Saa ndikaꞌan ra Tomás, kachi ra saa: ―¡Tata mii yu, Ndioxi mii yu kuvi yoꞌo! ―kachi ra xiꞌin Jesús.

San Juan 11:27

Ra saa ndakuiin ña kachi ña saa: ―Kandixa va yu, Tata, ra kandixa tu yu, ña kuu kun Seꞌe Ndioxi va, ra ndikaxin tu ra yoꞌo ña sakaku kun na yuuvi yoꞌo va, ra xa iyoo tu tuꞌun xaꞌa kun ña kixi kun nuu ña yuuvi yoꞌo va ―kachi ña xiꞌin Jesús.

San Juan 6:69

Ra nduꞌu, ra xa kandixa va ndi, ra kundaa ini ndi ña kuu kun Cristo, Seꞌe Ndioxi ra tiaku va ―kachi ra xiꞌin Jesús.

San Juan 5:14

Ra te ndiꞌi saa ndaniꞌi Jesús tiaa ra nduvaꞌa kan ini veꞌe ñuꞌu kaꞌnu, ra saa ndikaꞌan ra xiꞌin ra kachi ra saa: ―Kotoꞌni, chi vichin ra xa nduvaꞌa va kun, ra ña kan ke xä ka kun kuachi, chi tu köo ra iyo ini kixi tundoꞌo ña chee vaꞌa ka nuu kun ―kachi Jesús xiꞌin ra.

San Juan 3:36

Ra na kandixa seꞌe Ndioxi, ra niꞌi va na kan ña kutiaku na ndia ndikaa ndikuꞌun; ndi su na xïin kandixa seꞌe Ndioxi, ra nïꞌi vi na kan ña kutiaku na xiꞌin ra, chi ña niꞌi na kan kuvi tundoꞌo ndiee ña taxi Ndioxi va.

San Juan 1:34

Ra xa xini va yu ra, ña kan ke ^ndakuiin yu xaꞌa ra ña ndixa ke kúú va ra Seꞌe Ndioxi ―*kachi ra Juan.

San Juan 1:18

Ndioxi ra ndia nii na täan kuni ñaꞌa ra seꞌe ra, ra mituꞌun, ra íin xiꞌin ra ndiꞌi kii va kuvi ra ^ndañaꞌa ra kuu iva ra nuu yo.

San Marcos 1:1

Suꞌva ke kuu te ndituvi tuꞌun vaꞌa xaꞌa Jesús, seꞌe Ndioxi, ra kixi sakaku yo.

San Mateo 16:16

Ra saa ndakuiin ra Simón Pedro kachi ra saa: ―Tata, yoꞌo kuvi seꞌe Ndioxi ra tiaku, ra xa̱à kun ña sakaku na yuuvi yoꞌo ―kachi ra xiꞌin Jesús.

San Mateo 14:33

Saa ra ndia ñuꞌu ini barca loꞌo kan, ra ndikun ndakusiti va ndia nuu Jesús, ra xaꞌa ndia ^ndasakaꞌnu ndia ra kachi ndia saa: ―Seꞌe Ndioxi ku ndixa va yoꞌo ―kachi ndia xiꞌin Jesús.

San Mateo 4:3

Saa ra kuyachin va timiaꞌa nuu ra ña ixtondoso ri ra, ra ndikaꞌan ri xiꞌin ra kachi ri saa: ―Tu ndixa seꞌe Ndioxi kuvi kun, ra kaꞌan xiꞌin yuu yoꞌo ra na nduu ña ixta kuxi kun ―kachi ri xiꞌin ra.

San Juan 9:22

Ra xaꞌa ña ndiyuꞌvi va na iva siꞌi ra nuu ndia judío kan ke kachi na saa, saa chi xa ndikataꞌan va ndia judío kan ña tava ndia ndia ndia ka yuvi ini veꞌe ñuꞌu, tu na kaꞌan na ña kuu Jesús ra tiꞌvi Ndioxi xaa sakaku na yuuvi.

San Juan 9:34

Ra saa ndikaꞌan ndia kachi ndia saa xiꞌin ra: ―¿A yoꞌo, ra kaku xiꞌin kuachi vi kuvi ra xaa sañaꞌa nduꞌu? ―kachi ndia xiꞌin ra. Ra saa tava ndia ra ini veꞌe ñuꞌu kan, kuaꞌan va ra.

3 San Juan 1:10

Ra xaꞌa ña kan ke, te xa na xaa vi yu ñuu xaan ke ndaꞌyu yu nuu ra Diótrefes nuu takundiꞌi na veꞌe ñuꞌu xaꞌa chiñu kiꞌvi ña ^xa ra, saa chi takundiꞌi ña ^ndatuꞌun ra xaꞌa yu xika ra, ra niña tuꞌun chiꞌña va kuvi ña. Ra süvi takua ña yoꞌo ke ^xa ra, chi xïin tu ra ndakiꞌin mani ra na ñani yo na kee inka ñuu xika kaꞌan ndoso tuꞌun vaꞌa xaꞌa Tata yo Jesucristo va, ra tu ndia tu na ^kuni ndakiꞌin mani na, ra ña ^xa ke kaꞌan ra xiꞌin na ña na ndakïꞌin mani va na na, ra tu xïin na kandixa na ña kaꞌan ra, saa ra ^tava ra na veꞌe ñuꞌu va.

Hechos 8:37

Saa ndakuiin ra Felipe kachi ra saa xiꞌin ra: ―Tu ndinuni vaꞌa kandixa kun saa ra kuvi va ―kachi ra. Ra saa ndakuiin tiaa kan kachi ra saa: ―Kandixa va yu Jesucristo ña kuu ra seꞌe Ndioxi ―kachi ra.