San Juan 9:24 - Mixteco Metlatónoc

²⁴ Saa ndakana tuku va ndia judío ra ndixiyo kuaa kan, ra ndikaꞌan ndia xiꞌin ra kachi ndia saa: ―Chunaꞌa Ndioxi tu ndixa ña ndaa kuvi ña ndatuꞌun kun xiꞌin ndi; saa chi nduꞌu, ra kundaa va ini ndi ña kuu ra iin tiaa ra iyoo kuachi ―kachi ndia xiꞌin ra.

San Juan 9:24 Referans Kwoze

San Juan 9:16

Ra saa ndikaꞌan sava ndia fariseo kan kachi ndia saa: ―Tiaa ra xa saa kan ra süvi kuenda Ndioxi kuvi ra, saa chi xä toꞌo ra kii yii ña ndakindiee yo ―kachi ndia. Ndi su inka tu na kaꞌan kachi suꞌva va: ―¿Ni ke sa ra, ña vaꞌa sa ra ña xituꞌun, tu iin tiaa ra iyoo kuachi va kuvi ra? ―kachi na. Saa ra iin sana suꞌva va ini ndia saa chi nii nindakitäꞌan tuꞌun ndia.

San Juan 19:6

Saa ra te xini ndia kunaꞌnu nuu ndia sutu xiꞌin ndia kuu kumisio ndiaa veꞌe ñuꞌu kaꞌnu kan Jesús, ra saa xaꞌa ndia iin kokoꞌo ndaꞌyu ndia, kachi ndia saa: ―¡Takaa ra ndaꞌa cruz! ¡Takaa ra ndaꞌa cruz! ―^kachi ndia. Ra saa ndikaꞌan ra Pilato xiꞌin ndia kachi ra saa: ―Ndakiꞌin ndoꞌo ra, ra takaa ndo ra ndaꞌa cruz, saa chi köo kuachi ra ndaniꞌi yu ―*kachi ra.

2 Corintios 5:21

Ra Cristo, ra ndia nii kuachi ra ndixïyo; ndi su xaꞌa kuachi ña xa yoo, ra ta iyoo ra xa kuachi va ndasa Ndioxi ra, ra xaꞌa ña kan ke vichin ña nduu yo iin xiꞌin Cristo, ra ña vaꞌa na nduu yo yuvi na köo kuachi nuu Ndioxi va kuvi ña.

Romanos 8:3

Saa chi ndixïyo vi ndiee ndiayu Ndioxi ña ndakoo ra Moisés ña chindiee taꞌan ña xiꞌin yo, ña ndatava ña yoo ndaꞌa kuachi, saa chi ndikuchüun vi yo saxinu yo ña xaꞌndia ña, ndi su Ndioxi ra kuchuun va ra xa ra ña ndikuchüun ña kan sa ña. Saa chi tiꞌvi va ra seꞌe ra ña kixi ra nuu ña yuuvi yoꞌo xaꞌa yo, ra nduu ra ta kuꞌva iyoo yuvi na iyoo kuachi, ra ndisoko ra mii ra xaꞌa yo, ra sandiꞌi va ra xaꞌa ndiee ña kuu mii kuachi yo.

San Juan 18:30

Ra saa ndakuiin na kachi na saa xiꞌin ra: ―Tu köo kuachi tiaa yoꞌo, saa ra käꞌan vi ndi xiꞌin kun ña sayukun kun kuachi xiꞌin ra ―kachi na.

San Juan 16:2

Saa chi vaxi kii, ra tava va na ndoꞌo veꞌe ñuꞌu nuu ndakitaꞌan ndo, ra ndia kaꞌni va na ndoꞌo, ra ta xa na ^sa na saa, ra ña vaꞌa kuni Ndioxi va ke ^xa na kàꞌàn na.

San Juan 14:30

’Ra käꞌan kuaꞌa ni ka yu xiꞌin ndo; saa chi xa kuyachin va ri ñaꞌa, ri xaꞌndia chiñu nuu ña yuuvi yoꞌo vaxi ri. Ra köo vaꞌa mii ndiee vi ri kan nuu yuꞌu,

San Juan 8:49

Ra saa ndakuiin Jesús kachi ra saa xiꞌin na: ―Köo tachi ndivaꞌa ndikaa ini yu, chi Tata yu Ndioxi va kuvi ra xa toꞌo yu, ña kan ke kaꞌan ñaꞌa ndo xiꞌin yu.

San Juan 8:46

¿Ra ndia iin ndoꞌo kuvi ndo kuvi kaꞌan xiꞌin yu, ña iyoo kuachi yu? Ra tu ña ndaa va ke kaꞌan yu xiꞌin ndo, saa ra, ¿nichuun ke xïin ndo kandixa ndo yuꞌu tu saa?

San Juan 5:23

Saa ke vaꞌa na satoꞌo na ra ta kuꞌva xa na ña xatoꞌo na Iva ra. Chi yuvi na xïin satoꞌo ra kuu seꞌe Ndioxi, saa ra, xätoꞌo tu na Iva va ra, chi Iva ra kuvi ra tiꞌvi ñaꞌa vaxi va ra.

San Lucas 19:7

Ra ta xini yuvi kan ña ndakiꞌin Jesús kuaꞌan ra xiꞌin ra Zaqueo, saa ra xaꞌa na kañaꞌa na xaꞌa ra kachi na saa: ―¿Nichuun kuaꞌan Jesús veꞌe ra Zaqueo? Saa chi süvi ra vaꞌa kuvi ra ―kachi na.

San Lucas 15:2

Ra xaꞌa ña kuyachin na yoꞌo nuu Jesús ke xaꞌa ndiaa fariseo xiꞌin ndiaa maestro sañaꞌa ndiayu Ndioxi, ndikaꞌan ñaꞌa ndia xaꞌa Jesús kachi ndia saa: ―Tiaa yoꞌo, ra itaꞌan va ra xiꞌin yuvi, na iyoo ni kuachi, ra xixi tu ra xiꞌin va na ―kachi ndia.

San Lucas 7:39

Ra ta xini ra Simón ña xa ñaꞌa kan, saa xaꞌa ra ndakani ini ra, kaꞌan ra saa: “Süvi ndixa vi ra kaꞌan tuꞌun yuꞌu Ndioxi kuvi ra yoꞌo, saa chi tu ndixa suvi ra, saa ra xa kundaa va ini ra ndia ñaꞌa kuvi ña yoꞌo, saa chi süvi ña vaꞌa kuvi ña”, kaꞌan ra.

San Marcos 15:27

Ra takaa tu ndia uvi ra kuiꞌna va ndaꞌa cruz, ra iin ra takaa ndia ndaꞌa nu iin chi kuaꞌa, ra inka ra takaa ndia ndaꞌa nu iin chi ichin va.

San Juan 9:25

Ra saa ndakuiin ra kachi ra saa xiꞌin ndia: ―Kundäa ini yu a iyoo kuachi ra, a köo va tu ña, chi ña kundaa ini yu ke xikuu yu ra kuaa va, ndi su vichin ra xa vaꞌa ndakutoꞌni yu ―kachi ra xiꞌin ndia.

Apocalipsis 11:13

Ra mii hora kan, ra ndiee ka vi taan, ra xiꞌin ña ndiee ni taan kan ra ndiꞌi va xaꞌa iin taꞌvi loꞌo ñuu na, ra kuvi uxa mil yuvi. Ra na ndoo, küvi, ra yuꞌvi ka vi na, ra xaꞌa na ndasakaꞌnu na Ndioxi, ra nduꞌu ndivi.