San Juan 8:39 - Mixteco Metlatónoc

³⁹ Ra saa ndakuiin na kachi na saa xiꞌin ra. ―Nduꞌu ra ra Abraham va kuvi Tata ndi ―kachi na. Ra saa ndikaꞌan Jesús kachi ra saa xiꞌin na: ―Tu ndixa seꞌe ra Abraham kuvi ndo, saa ra chiñu ña xa ra kan ke sa tu ndoꞌo va.

San Juan 8:39 Referans Kwoze

Gálatas 3:7

Ña kan ke na kundaa ini ndo vichin, chi takundiꞌi yuvi na ndiaa ini Ndioxi va kuvi na kuu ndiseꞌe ra Abraham.

Romanos 9:7

Ra nii na kuu tu ndiseꞌe ra Abraham, ra küni kachi ña saa, ña kuu iin takundiꞌi na seꞌe ra, chi suꞌva va ke kachi Ndioxi xiꞌin ra: “Seꞌe ra Isaac va kuvi na kuu ndiseꞌe kun”, kachi ra.

San Juan 8:37

Ra xa kundaa va ini yu ña kuu ndo ndiseꞌe ra Abraham, ndi su kuni va ndo kaꞌni ndo yuꞌu, saa chi xïin ndo kandixa ndo ña kaꞌan yu xiꞌin ndo.

San Mateo 5:45

Ra saa ke ndañaꞌa ndo mii ndo ña ndixa ke kuu ndo seꞌe Ndioxi ra iyoo ndivi, chi ra kan kuvi ra ^taxi kanata ñuꞌu ra tuun ña sata na vaꞌa xiꞌin na väꞌa va, ra ^taxi tu ra kuun savi sata na vaꞌa xiꞌin na väꞌa va.

San Mateo 3:9

Ra ndakäni ini ndo ña kachi ndo saa xiꞌin mii ndo: “Koo kaꞌnu va ini Ndioxi xaꞌa kuachi yo, chi seꞌe xikua ra Abraham va kuvi yo”, na kachi ndo, ña kutiaa ini ndo xiꞌin mii ndo. Saa chi köo yaꞌvi ndiaa vi ña kan nuu Ndioxi, chi ndia yuu ña ndee yoꞌo ra kuvi va nduu ña yuvi sa Ndioxi, ra nduu na seꞌe ra Abraham va.

Gálatas 3:29

Ra ña xa kuu yo kuenda Cristo vichin, saa ra ^kuu tu yo ndiseꞌe ra Abraham va, ra ndakiꞌin tu yo ña kindoo Ndioxi taxi va ra.

Romanos 4:16

Ra na kundaa ini ndo, chi ña ndiaa ini yuvi Ndioxi va ke ^ndakiꞌin na ña ^kindoo ra taxi ra ndaꞌa na, ra ña niꞌi uun va na kuvi ña. Ra yuvi na kuu ndiseꞌe ra Abraham, ra ña ndixa ke ndakiꞌin va na ña kindoo Ndioxi taxi ra ndaꞌa na. Ra süvi takua yuvi na iyoo ndiayu Ndioxi ña ndakoo ra Moisés ndaꞌa kuvi na ndakiꞌin ña, chi ndakiꞌin tu yuvi na ndiaa ini Ndioxi va ña, na ^xa ta kuꞌva xa mii ra Abraham. Ra ra kan, kuvi iva takundiꞌi va yuvi na ndiaa ini Ndioxi.

Romanos 4:12

Ra seꞌe ra Abraham kuvi tu na judío na kuu mii tuni Ndioxi, ra ndiaa tu ini na mii Ndioxi va. Ra na kundaa ini yo, chi yuvi na ^xa ña yoꞌo, ra ta kuꞌva xa mii ra Abraham ña xindiaa ni ini ra Ndioxi, ta kumani ka koo tuni Ndioxi ra xinaꞌa va ke ^xa na.

San Juan 8:33

Ra saa ndakuiin na kachi na saa xiꞌin ra: ―Nduꞌu ra ndiseꞌe ra Abraham va kuvi ndi, ra ndia nii ichi täan kuꞌun ndi sa chiñu ndaꞌvi ndi nuu inka yuvi. ¿Ra nichuun ke kaꞌan yoꞌo ña saña ndika ndi? ―kachi na xiꞌin ra.

San Juan 8:43

Ndoꞌo, ra küvi kundaa ini ndo xiꞌin tuꞌun ña kaꞌan yu xiꞌin ndo, saa chi xïin ndo kuni soꞌo ndo ña kaꞌan yu xiꞌin ndo.

San Juan 8:56

Ra ra Abraham xii xikua ndo ra xitiaku ta yachi, ra kusii ni va ini ra te kundaa ini ra ña kixi yu; ra xini ndixa va ra ña xaa yu, saa ra tiaa ni ka va kusii ini ra ―kachi Jesús xiꞌin na.