San Juan 8:33 - Mixteco Metlatónoc

³³ Ra saa ndakuiin na kachi na saa xiꞌin ra: ―Nduꞌu ra ndiseꞌe ra Abraham va kuvi ndi, ra ndia nii ichi täan kuꞌun ndi sa chiñu ndaꞌvi ndi nuu inka yuvi. ¿Ra nichuun ke kaꞌan yoꞌo ña saña ndika ndi? ―kachi na xiꞌin ra.

San Juan 8:33 Referans Kwoze

San Mateo 3:9

Ra ndakäni ini ndo ña kachi ndo saa xiꞌin mii ndo: “Koo kaꞌnu va ini Ndioxi xaꞌa kuachi yo, chi seꞌe xikua ra Abraham va kuvi yo”, na kachi ndo, ña kutiaa ini ndo xiꞌin mii ndo. Saa chi köo yaꞌvi ndiaa vi ña kan nuu Ndioxi, chi ndia yuu ña ndee yoꞌo ra kuvi va nduu ña yuvi sa Ndioxi, ra nduu na seꞌe ra Abraham va.

San Juan 8:39

Ra saa ndakuiin na kachi na saa xiꞌin ra. ―Nduꞌu ra ra Abraham va kuvi Tata ndi ―kachi na. Ra saa ndikaꞌan Jesús kachi ra saa xiꞌin na: ―Tu ndixa seꞌe ra Abraham kuvi ndo, saa ra chiñu ña xa ra kan ke sa tu ndoꞌo va.

San Juan 8:37

Ra xa kundaa va ini yu ña kuu ndo ndiseꞌe ra Abraham, ndi su kuni va ndo kaꞌni ndo yuꞌu, saa chi xïin ndo kandixa ndo ña kaꞌan yu xiꞌin ndo.

San Juan 19:25

Ra yachin nuu iin cruz, nuu takaa Jesús ndichi siꞌi ra xiꞌin kuꞌvi ña, ra saa tu ña María yasiꞌi ra Cleofas, xiꞌin ña María Magdalena va.

San Lucas 3:8

Ña xiniñuꞌu sa ndo ke xiꞌna ka na nandiko ini va ndo xaꞌa kuachi ndo, ra sa ndo ña vaꞌa. Ra saa ke kixi ndo kuchi ndo. Ra tu ndakani ini ndo ña: “Koo kaꞌnu va ini Ndioxi xaꞌa kuachi yo, saa chi seꞌe xikua ra Abraham va kuvi yo”, kaꞌan ndo, ra na kundaa ini ndo, chi köo yaꞌvi ndiaa vi ña nuu Ndioxi. Chi ndia yuu ndee ñaa ra kuvi ndasama Ndioxi ña ra nduu ña yuvi va, ra nduu na seꞌe xikua ra Abraham.

San Juan 8:43

Ndoꞌo, ra küvi kundaa ini ndo xiꞌin tuꞌun ña kaꞌan yu xiꞌin ndo, saa chi xïin ndo kuni soꞌo ndo ña kaꞌan yu xiꞌin ndo.

Romanos 9:7

Ra nii na kuu tu ndiseꞌe ra Abraham, ra küni kachi ña saa, ña kuu iin takundiꞌi na seꞌe ra, chi suꞌva va ke kachi Ndioxi xiꞌin ra: “Seꞌe ra Isaac va kuvi na kuu ndiseꞌe kun”, kachi ra.