San Juan 8:32 - Mixteco Metlatónoc

³² Ra ta xa na kundaa ini ndo ña ndaa, ra ña ndaa kan ke saña ndika ndoꞌo va ―kachi ra xiꞌin na.

San Juan 8:32 Referans Kwoze

Romanos 8:2

Saa chi ndiee ña kuu mii Tachi Yii va kuvi ña sakaku yoo nuu ndiee kuachi ña chikuꞌni yoo, ra saa tu nuu ndiee ña xaꞌni yoo va, xaꞌa ña xa nduu yo iin xiꞌin Cristo Jesús.

San Juan 8:36

Ña kan ke, tu mii ra kuu Seꞌe Ndioxi kuvi ra na saña ndika ndoꞌo, saa ra ña ndixa ke saña ndika va ndo.

San Juan 17:17

Ra xiꞌin ña ndaa ña kuu mii kun ke, na ndakaxin kun na, ña sachiñu na nuu kun, saa chi tuꞌun kun ra ña ndaa va kuvi ña.

1 San Pedro 2:16

Saa chi ndoꞌo, ra xa iyoo ndika va ndo, ndi su na kuniñüꞌu ndo ña iyoo ndika ndo ña sa ndo chiñu kiꞌvi, chi ña xiniñuꞌu sa ndo ke na kuu ndo na xachiñu nuu Tata yo Ndioxi va.

San Juan 14:6

Ra saa ndakuiin Jesús kachi ra saa xiꞌin ra: ―Yuꞌu ku ra kuu ichi, ra yuꞌu ku ra kuu ña ndaa, ra yuꞌu ku ra kuu mii ña tiaku va. Ra ndia nii yuvi küvi xaa nuu Tata yu, tu na kïxi na nuu yuꞌu.

Romanos 6:22

Ndi su vichin, ra xa sa̱ñá ndika va Ndioxi ndoꞌo, ña kan ke xäꞌndia chiñu ka kuachi nuu ndo, chi xa Ndioxi va kuvi ra xaꞌndia chiñu nuu ndo, ña vaꞌa na koo ndo, ta kuꞌva kuni mii ra. Ra ña xa ndakaꞌndia chiñu Ndioxi nuu ndo vichin, ra vaꞌa ni va ^kee ndo, saa chi ña kuu ndo yuvi na yii nuu va ra kuvi ña, ra niꞌi tu ndo ña kutiaku ndo xiꞌin ra ndia ndikaa ndikuꞌun va.

Santiago 1:25

Ndi su yuvi na kuëe naa ini xaꞌa tuꞌun Tata yo Ndioxi ña xini soꞌo na, ra xa na ña kaꞌan ña, saa ra vaꞌa ni va kee na. Saa chi tuꞌun Tata yo Ndioxi, ra ña ndaa va kuvi ña, ra saña ndika tu ña ndoꞌo nuu kuachi va.

Gálatas 5:1

Ra ña xa saña ndika Cristo yoo, ra ña vaꞌa na koo ndika yo iin takundiꞌi tiempo va kuvi ña; ra na ndaköo yo ña xa saña ndika Cristo yoo, ra ndiꞌvi tuku yo tixi yuku ña kuu ndiayu Ndioxi ña ndakoo ra Moisés, ña ndasachiñu ndaꞌvi tuku yo.

Santiago 2:12

Xaꞌa ña kan ke, ndoꞌo, ñani yo, ra vivii va na sa ndo, ra vivii tu na kaꞌan va ndo; ra na ndakaꞌan ndo: chi mii va Tata yo Ndioxi kuvi ra sandaku kuachi ndo xiꞌin ndiayu ña saña ndika ndoꞌo.

Gálatas 5:13

Ñani yo, ña kana Ndioxi ndoꞌo, ra xaꞌa ña vaꞌa na koo ndika va ndo kuvi ña. Ra süvi ña ndisaña ndika tu ra ndoꞌo, ra na sa ndo chiñu ña kuni mii ndo, chi ña xiniñuꞌu sa ndo ke na kuu ndo yuvi na chindiee taꞌan xiꞌin taꞌan xaꞌa ña kuꞌvi ini ndo xini taꞌan va ndo.

San Juan 7:17

Ra na kuni sa ña kaꞌan Ndioxi, ra ndakuni va na a ndixa Ndioxi ku ra taxi ña sañaꞌa yu, a ña sandaku ini mii va yu kuvi ña.

Romanos 8:15

Saa chi süvi tachi ña sandoꞌo yuvi ke nindakiꞌin ndo, ra ña kan yuꞌvi ndo, chi Tachi Yii Ndioxi va ke ndakiꞌin ndo, ra Tachi Yii kan ke ndakiꞌin ndaꞌvi ndoꞌo va, ra nduu ndo seꞌe Ndioxi va. Ra suvi mii Tachi Yii kuvi tu ña ^sakaꞌan yoo, ña vaꞌa ^kaꞌan yo xiꞌin Ndioxi kachi yo suꞌva va: “¡Tata mii yu!”

San Juan 16:13

Ra te xa na xa̱a̱ Tachi Yii Ndioxi ña ndixa, ra ña kan va ke sañaꞌa ndoꞌo xaꞌa takundiꞌi ña ndaa; saa chi süvi ña kuni mii ña ke kaꞌan ña xiꞌin ndo, chi ña kuni soꞌo ña kaꞌan Ndioxi va ke kaꞌan ña xiꞌin ndo, ra taxi ña xini ndo, ra kundaa va ini ndo xaꞌa takundiꞌi ña kuu kii ña vaxi.

2 Timoteo 3:7

Ra iin takundiꞌi kii ke kuni na sakuaꞌa na ña xaa va, ndi su xa saa küvi tandiaa na ña kundaa ini na xaꞌa ña ndaa vi.

San Juan 6:45

Ta kuꞌva kachi tuꞌun Ndioxi ña tiaa na ndikaꞌan tuꞌun ra xinaꞌa, ña kachi suꞌva: “Mii va Ndioxi kuvi ra sañaꞌa takundiꞌi yuvi.” Ra takundiꞌi na xini soꞌo ña kaꞌan Tata yo Ndioxi, ra kutuꞌva na ña kaꞌan ra, ra na kan kuvi na vaxi nuu yu vichin va.

San Mateo 11:29

Ra na kandixa ndo chiñu ña taxi yu ndaꞌa ndo, ña kaꞌan yu kuu iin íku yu, ra na sakuaꞌa ndo nuu yu, chi yuꞌu ra kaꞌnu ni va ini yu, ra ndaꞌvi ni tu ini va yu; ra saa ke kuvi niꞌi ndo ña ndakindiee nima ndo.

San Juan 1:14

Ra ña kuu tuꞌun kan ke nduu iin tiaa va, ra ra kan kuvi ra kixi ndixiyo nuu ña yuuvi yoꞌo va. Ra xini nuu va ndi ndiee ña taxi iva ra ndaꞌa ra, ña kuu ra ra mituꞌun, ra ndañaꞌa ra mii ra nuu ndi ña kuu ra ra ndaa, ra kuꞌvi ni ini ra xini ra yoo.

San Juan 1:17

Ra ña kuu ndiayu mii Ndioxi, ra ndaꞌa ra Moisés va ke taxi ra ña, ra ra kan kuvi ra ndañaꞌa ña nuu yoo va, ndi su ña ndaa, ña ku mii Ndioxi xiꞌin ña kuꞌvi ni ini ra xini ra yoo, ra Jesucristo va kuvi ra ndañaꞌa ña kan nuu yo.

1 Corintios 7:22

Saa chi na xachiñu ndaꞌvi köo yaꞌvi, ta kana Tata yo Jesús na ña kundikun na ra, ra xa na ndisaña ndika va kuvi na ña xachiñu na nuu ra vichin; ra na ndixika ndika tu ta kana Tata yo Jesús na ña kundikun na ra, ra na kan kuvi na nduu na xachiñu ndaꞌvi köo yaꞌvi nuu Tata yo Jesucristo vichin va.

2 San Juan 1:1

Yuꞌu, ra Juan, ra kuu ra xikuaꞌa nuu na veꞌe ñuꞌu kuvi ra tiaa tutu yoꞌo kuxaa ña nuu ndoꞌo na ñani yo, na veꞌe ñuꞌu na ndikaxin Tata yo Ndioxi, ra saa tu nuu na xa ndatuꞌun ndo xiꞌin va, saa chi ndinuni ni kuꞌvi ini yu xini yu ndoꞌo, ra süvi takua yuꞌu kuvi ra kuꞌvi ini xini ndoꞌo, chi kuꞌvi tu ini takundiꞌi na xa kundaa ini xaꞌa ña ndaa ña ndañaꞌa Tata yo Ndioxi va ndoꞌo.