Biblia Todo Logo
Bib sou entènèt

- Piblisite -




San Juan 7:33 - Mixteco Metlatónoc

33 Ra saa ndikaꞌan Jesús xiꞌin yuvi kan kachi ra saa: ―Saloꞌo ni va tiempo íin yu xiꞌin ndo, saa ra nandiko yu kuꞌun yu nuu ra tiꞌvi yuꞌu vaxi va yu.

Gade chapit la Kopi




San Juan 7:33
16 Referans Kwoze  

Ndi su vichin, ra xa nandiko va yu kunuꞌu yu nuu Tata yu Ndioxi ra tiꞌvi yuꞌu vaxi yu, ra ndia nii tu ndo xïin ndakatuꞌun yuꞌu ndia mii ku nuu kuꞌun va yu.


Ndoꞌo, ndia kuu seꞌe mii yu, ra na kundaa ini ndo, saa chi saloꞌo ni va kii íin yu xiꞌin ndo, ra xa ta kachi yu xiꞌin na judío ke ^kachi tu yu xiꞌin ndoꞌo va: Saa chi nanduku ni va ndo yuꞌu, ndi su kuchüun vi ndo xaa ndo nuu kuꞌun yu.


’Ra vichin, ke nandiko yu xaa yu nuu iyoo kun, ra ña íin ka yu xiꞌin na nuu ña yuuvi yoꞌo vichin, ke kaꞌan ka yu tuꞌun yoꞌo xiꞌin va na, ña vaꞌa na kusii ini na ta kuꞌva kusii ini yuꞌu.


’Yuꞌu, ra köo ka yu nuu ña yuuvi yoꞌo, ndi su na yoꞌo, ra kundee va na, ra yuꞌu tu xa xaa koo xiꞌin yoꞌo va Tata Ndioxi, ra yii. Ra na taxi kun ndaꞌa yu, ra na kondiaa kun na xiꞌin kivi kun, ña kuu mii ndiee, ra iin tuꞌun na kuu na xiꞌin taꞌan na, ta kuꞌva iyoo yoꞌo xiꞌin yuꞌu.


Ra nuu iyoo Tata yu Ndioxi ke kee yu ña xaa yu ña yuuvi yoꞌo va, ra vichin ndakoo yu ña yuuvi yoꞌo, ra nandiko yu kunuꞌu tuku yu nuu Tata yu Ndioxi va ―kachi Jesús.


ra kaꞌan ña xiꞌin na ra kundaa va ini na xaꞌa ichi Ndioxi ña ndaku, saa chi yuꞌu, ra xa kunuꞌu va yu nuu Tata yu Ndioxi, ra ndoꞌo, ra küni ka vi ndo yuꞌu;


Ra saloꞌo ni va kumani, saa ra küni ka vi na yuuvi yoꞌo yuꞌu, ndi su ndoꞌo ra kuni va ndo yuꞌu; saa chi kutiaku va ndo, chi yuꞌu ra tiaku va yu.


Ndi su xa ^kundaa va ini Jesús ña taxi Iva ra Ndioxi takundiꞌi ndiayu ndaꞌa ra, saa chi nuu mii Ndioxi ke kee va ra, ra nuu mii Ndioxi ke nandiko tu ra kunuꞌu va ra.


Ra ndia saloꞌo ni va kumani ña koo viko pascua, ra xa ^kundaa va ini Jesús ña xa ndixaa kii ña ndakoo ra ña yuuvi yoꞌo, ra nandiko ra kunuꞌu ra chi nuu nduꞌu Iva ra. Ra kuꞌvi ka vi ini ra xini ra na ndikun sata ra, na iyoo nuu ña yuuvi yoꞌo, ra ña kuꞌvi ni ini ra xini ra na, ra ndiakua ndataxi ra mii ra ña ndixiꞌi ra xaꞌa na.


Ra te ndiꞌi ndikaꞌan Iva yo Jesús takundiꞌi ña yoꞌo xiꞌin ndia, saa ra ndakuita ra kuanuꞌu ra ndivi va, ra ndakunduꞌu ra chi xitia kuaꞌa Ndioxi.


Ra yoo, ra xiniñuꞌu sa va yo chiñu ra tiꞌvi yuꞌu vaxi yu, ña kuu ka ña kaꞌñu, saa chi ta xa na kuu ñuu ra ndia nii ka yuvi küvi sachiñu vi.


Ra ña ndaa kaꞌan yu xiꞌin ndo, chi yuvi na kandixa yuꞌu, ra taꞌan chiñu ña ^xa yuꞌu ke sa tu na kan va; ra tu na kuvi, ra ña naꞌnu ka va sa na, saa chi yuꞌu ra xa kunuꞌu va yu nuu Tata yo Ndioxi.


Ra xa xini va soꞌo ndo, ña ndikaꞌan yu xiꞌin ndo ña kuꞌun yu, ndi su nandiko va tu yu sata ndo. Ra tu ndixa ke kuꞌvi ini ndo xini ndo yuꞌu, saa ra ndo kusii ka ini va kuvi ndo, ña ^kundaa ini ndo ña kuꞌun yu nuu Tata yu, saa chi kaꞌnu ni ka va ra kan nuu yuꞌu.


Ra saa ndikaꞌan Jesús xiꞌin ña kachi ra saa: ―Saña yuꞌu, ra ndïꞌi ini kun chi íin ka va yu xiꞌin ndo, saa chi kuni ka va kunuꞌu yu nu Tata yu. Ra ña xiniñuꞌu sa kun ke, na kuꞌun kun ndatuꞌun kun xiꞌin ndia ñani yu, saa chi kuꞌun va yu nuu Tata yu, ra Tata tu ndoꞌo va kuvi ra, ra kuu ra Ndioxi yu, ra Ndioxi tu ndoꞌo va kuvi ra ―*kachi ra.


Swiv nou:

Piblisite


Piblisite