San Juan 6:52 - Mixteco Metlatónoc

⁵² Ra saa xaꞌa na judío kan ndatuꞌun kuachi na xiꞌin taꞌan na kachi na saa: ―¿Ni ke sa ra yoꞌo ña taxi ra kuñu ra kaxi yo? ―kachi na.

San Juan 6:52 Referans Kwoze

San Juan 10:19

Ra te xini soꞌo na judío ña kachi Jesús saa, saa ra nindakitäꞌan tuku va tuꞌun na, saa chi xa siin xa siin kaꞌan va na.

San Juan 9:16

Ra saa ndikaꞌan sava ndia fariseo kan kachi ndia saa: ―Tiaa ra xa saa kan ra süvi kuenda Ndioxi kuvi ra, saa chi xä toꞌo ra kii yii ña ndakindiee yo ―kachi ndia. Ndi su inka tu na kaꞌan kachi suꞌva va: ―¿Ni ke sa ra, ña vaꞌa sa ra ña xituꞌun, tu iin tiaa ra iyoo kuachi va kuvi ra? ―kachi na. Saa ra iin sana suꞌva va ini ndia saa chi nii nindakitäꞌan tuꞌun ndia.

San Juan 6:41

Ra saa xaꞌa na judío kañaꞌa na xaꞌa Jesús, chi ndikaꞌan ra kachi ra saa: “Yuꞌu ku ra kuu ixta ña kee ndivi” ―kachi ra.

1 Corintios 2:14

Ra yuvi na köo Tachi Yii Ndioxi iyoo xiꞌin, ra xïin vi na kan ndakiꞌin na ñaꞌa ña taxi Tachi Yii Ndioxi, saa chi nuu na kan, ra ñaꞌa ña köo yaꞌvi ndiaa va kuvi ña, ra küvi tu kundaa ini na xaꞌa ñaꞌa ña kaꞌan Tachi Yii xaꞌa va.

Hechos 17:32

Ra ta xini soꞌo na ña ndikaꞌan ra Pablo xaꞌa ña ndatiaku na ndii, ra saa xaꞌa sava na xasiki na ra, ra saa ndikaꞌan tu sava na, kachi na saa: ―Inka ichi saa kuni soꞌo ndi xaꞌa ña kaꞌan kun xaan ―kachi na xiꞌin ra.

San Juan 4:11

Saa ndakuiin ñaꞌa kan kachi ña saa xiꞌin ra: ―Tata, tiaa ni kunu ndikaa tiakuii yoꞌo, ra nii ñaꞌa köo niꞌi kun ña tava kun ra. ¿Ra ndia mii kuꞌun kiꞌin kun tiakuii ra taxi ña kutiaku yuvi, ra kaꞌan kun xaꞌa taxi kun koꞌo yu?

San Juan 3:9

Ra saa ndindakatuꞌun tuku ra Nicodemo Jesús kachi ra saa: ―¿Ndia va kuꞌva ke kuu ña yoꞌo? ―kachi ra.

San Juan 3:4

Ra saa ndindakatuꞌun ra Nicodemo Jesús kachi ra saa: ―¿Ni ke sa iin yuvi ña ndakaku tuku na ta xa chee na? ¿Ama kuvi ndita tuku na tixi siꞌi na ra ndakaku tuku na? ―kachi ra.

San Juan 1:19

Ra saa kuu iin kii, ra ndakutaꞌan ndia sutu kunaꞌnu nuu na judío na ndee ñuu Jerusalén ra tiꞌvi ndia sava ndia sutu xiꞌin ndia levita ña ndixaꞌan ndia nindakatuꞌun ndia ra Juan ra sakuchi yuvi, kachi ndia saa: ―¿Ndia chiñu ke ^xa kun nuu Ndioxi? ―*kachi ndia xiꞌin ra.

San Juan 6:60

Ra te xini soꞌo na itaꞌan xiꞌin Jesús tuꞌun ña ndikaꞌan ra, ra saa ndikaꞌan na kachi na saa: ―Tiaa ni ndaku tuꞌun ña kaꞌan ra yoꞌo, ¿ra yoo ku na kundiee saxinu nuu ña? ―kachi na.