San Juan 6:24 - Mixteco Metlatónoc

²⁴ Saa te kundaa ini yuvi na xa ndee ndiatu kan, xiꞌin na kee ñuu Tiberias ña köo Jesús, ra nii ndia itaꞌan xiꞌin ra kuvi ndia köo, ra saa nandaa takundiꞌi na ini barca tu ndixaa xiꞌin na kee ñuu Tiberias, ra ndakiꞌin na kuaꞌan na chi ñuu Capernaum ña nanduku na Jesús va.

San Juan 6:24 Referans Kwoze

San Juan 6:17

Ra ikan ndandaa ndia ini iin itun xika nuu mini ra ndakiꞌin ndia kuaꞌan ndia xiꞌin nu chi ñuu Capernaum va. Ra saa xa kuaꞌan kuñuu vaꞌa va, ra köo Jesús xaa niꞌi taꞌan xiꞌin ndia.

San Marcos 1:37

Ra te ndaniꞌi ndia ra, saa ndikaꞌan ndia xiꞌin ra kachi ndia saa: ―Tata, iin takundiꞌi yuvi xika ndanduku yoꞌo ―kachi ndia xiꞌin ra.

San Juan 20:15

Ra saa nindakatuꞌun Jesús ña kachi ra saa: ―¿Nichuun xaku kun, Nana? ¿Ra yoo kuvi na nanduku kun? ―*kachi ra xiꞌin ña. Ra vaꞌa ra ndiaa itun kuiꞌi kan va kuvi ra ndikaꞌan xiꞌin ña káꞌán ña, ra saa ndikaꞌan ña kachi ña saa xiꞌin ra: ―Tata, tu yoꞌo va kuvi ra kuaꞌan ra xiꞌin, ra na ndatuꞌun va kun xiꞌin yu ndia mii ku nuu chikaa kun ra, ra vaꞌa kuꞌun yu ndakiꞌin yu ra kuꞌun ra xiꞌin yu ―*kachi ña.

San Juan 7:11

Ra ndanduku ni va na judío ra viko kan, ra ndikaꞌan na kachi na saa: ―¿Ndia chi xika tiaa kan? ―kachi na.

San Juan 6:59

Ra takundiꞌi ña yoꞌo ke sañaꞌa Jesús yuvi ini veꞌe ñuꞌu ña íin ñuu Capernaum.

San Juan 6:23

Ra saa kuu na ndita na, saa ra xaa va sava barca tu kee chi ñuu Tiberias, suvi mii kan va, ra ikan kuu nuu ndataxi Jesús tixaꞌvi ndaꞌa Ndioxi xaꞌa xita ña taxi ra xixi na.

San Lucas 8:40

Ta ndiko Jesús ndaxaa ra inka xiyo yuꞌu mini nuu ke̱e ra ta kuaꞌan ra, ra xa iin chitu ndaa va yuvi ndee na ndiatu na ra. Ra ^kusii ka vi ini na ndakiꞌin na ra.

San Marcos 6:53

Ra saa te ndakoyo ndia yuꞌu tiakuii kan, ra katun ndia barca ndia yuꞌu mini kan, ra saa ndixaa ndia ñuu Genesaret.

San Mateo 14:34

Ra te ndakoyo ndia yuꞌu mini kan, ra saa ndixaa ndia ñuu Genesaret.

San Juan 6:26

Ra saa ndakuiin ra kachi ra saa xiꞌin na: ―Ña ndixa kaꞌan yu xiꞌin ndo, chi xaꞌa ña taxi yu ixta xixi ndo ra ndiakua nditiandiaa ini va ndo ke nanduku ndo yuꞌu, chi süvi vi ndixa xaꞌa ña xituꞌun ña xa yu xini ndo ke nanduku ndo yuꞌu.