San Juan 6:14 - Mixteco Metlatónoc

¹⁴ Ra te xini yuvi kan ña xituꞌun xa Jesús, ra saa ndikaꞌan na kachi na saa: ―Ña ndixa ke ra kaꞌan tuꞌun yuꞌu Ndioxi, ra iyoo tuꞌun kixi nuu ña yuuvi yoꞌo kuvi ndixa va ra yoꞌo ―*kachi na.

San Juan 6:14 Referans Kwoze

San Mateo 21:11

Saa ndakuiin na kuaꞌan xiꞌin Jesús kachi na saa xiꞌin na: ―Ra yoꞌo kuvi Jesús ra kaꞌan tuꞌun yuꞌu Ndioxi, ra kee ñuu Nazaret ña ndikun ndiaa Galilea ―kachi na xiꞌin na.

Hechos 7:37

Ra suvi mii ra Moisés kan kuvi tu ra ndikaꞌan xiꞌin na xii xikua yo kachi ra suꞌva va: “Tiꞌvi Ndioxi iin mii ra ñuu Israel ña kixi ra kaꞌan ndoso ra tuꞌun yuꞌu ra, ta kuꞌva iyoo yuꞌu, ra na kandixa ndo ra”, kachi ra.

San Mateo 11:3

ña ndakatuꞌun ndia ra. Ra te ndixaa ndia nuu Jesús ra saa ndikaꞌan ndia kachi ndia saa xiꞌin ra: ―¿A ndixa yoꞌo kuvi ra xa iyoo tuꞌun xaꞌa kixi ña sakaku kun na yuuvi yoꞌo? ¿A xiniñuꞌu kundiatu ndi inka va ra? ―kachi ndia xiꞌin ra.

San Juan 7:40

Ra saa te xini soꞌo sava na ndita tiañu yuvi kan, tuꞌun ña ndikaꞌan Jesús, ra saa ndikaꞌan na kachi na saa: ―Tiaa yoꞌo kuvi ndixa va ra vaxi kaꞌan ndoso tuꞌun yuꞌu Ndioxi ―kachi na.

San Juan 1:21

Ra saa ndindakatuꞌun tuku va ndia ra kachi ndia saa: ―¿Yoo kuvi yoꞌo, tu saa? ¿A ra Elías, ra ndikaꞌan tuꞌun yuꞌu Ndioxi xinaꞌa kuvi kun? ―kachi ndia xiꞌin ra. Ra saa ndakuiin ra Juan kachi ra saa: ―Süvi yu ―kachi ra. Ra saa ndindakatuꞌun tuku va ndia ra kachi ndia saa: ―¿A yoꞌo kuvi ra iyoo tuꞌun xaꞌa kixi kaꞌan ndoso tuꞌun yuꞌu Ndioxi? ―kachi ndia xiꞌin ra. Ra saa ndakuiin ra kachi ra saa: ―Süvi yuꞌu kuvi ra ―kachi tuku va ra.

San Juan 4:19

Saa ndikaꞌan ña xiꞌin Jesús kachi ña saa: ―Tata, ña tuvi yu, ra ra kaꞌan tuꞌun yuꞌu Ndioxi va kuvi kun.

San Juan 4:42

Ra saa ndikaꞌan na kachi na saa xiꞌin ñaꞌa kan: ―Vichin ra kandixa va ndi, ndi su süvi takua xaꞌa tuꞌun ña ndikaꞌan yoꞌo xiꞌin ndi ke kandixa ndi, chi xini tu mii va ndi ña ndikaꞌan ra ña kan ke kundaa ini ndi ña ndixa ra yoꞌo kuvi va ra kuu Cristo, ra xaa sakaku na ñuu yuuvi yoꞌo ―kachi na.

San Juan 4:25

Ra saa ndikaꞌan ñaꞌa kan kachi ña saa: ―Xa kundaa va ini yu ña tiꞌvi Ndioxi iin tiaa ña kixi ra sakaku ra yoo, ra ra kan kuvi ra kaꞌan yo kuu Cristo. Ra te na xaa ra kan, ra ra kan kuvi ra ndakani nuu yo xaꞌa takundiꞌi va ña iyoo ―kachi ña xiꞌin Jesús.

San Lucas 24:19

Ra saa nindakatuꞌun Jesús ndia, kachi ra saa: ―¿Ni ke kuu? ―kachi ra xiꞌin ndia. Saa ndakuiin ndia, kachi ndia saa: ―Xaꞌa Jesús, ra ke̱e ñuu Nazaret, ke ndatuꞌun ndi, chi iin ra ndikaꞌan tuꞌun yuꞌu Ndioxi kuvi ra. Ra ndixiyo ni ndiee Ndioxi xiꞌin ra. Ra kuaꞌa ni ña vaꞌa xa ra xiꞌin na ñuu Israel.

San Lucas 7:16

Ra te xini yuvi kan ña ndatiaku ra, ra ndiyuꞌvi ni na. Ra xaꞌa na ^ndasakaꞌnu na Ndioxi, kachi na saa: ―Iin ra kaꞌnu, ra kaꞌan ndoso tuꞌun yuꞌu Ndioxi kuvi ra xaa nuu yo. Chi Ndioxi kuvi ra xaa chindiee taꞌan xiꞌin yo ―*kachi na.

San Juan 2:11

Ña yoꞌo ku ña xituꞌun ña nuu vaꞌa xa Jesús ñuu Caná, ña ndikun ndiaa chi Galilea, ña ndañaꞌa ra ndiee ña iyoo xiꞌin ra, saa ra kandixa va ndia itaꞌan xiꞌin ra ra.

San Juan 6:2

Ra iin tiaꞌndia chee yuvi ndikun kuaꞌan sata ra, saa chi xini na ^xa ra ña xituꞌun ña sandaꞌa ra na xiꞌi.

San Juan 6:26

Ra saa ndakuiin ra kachi ra saa xiꞌin na: ―Ña ndixa kaꞌan yu xiꞌin ndo, chi xaꞌa ña taxi yu ixta xixi ndo ra ndiakua nditiandiaa ini va ndo ke nanduku ndo yuꞌu, chi süvi vi ndixa xaꞌa ña xituꞌun ña xa yu xini ndo ke nanduku ndo yuꞌu.

San Juan 6:30

Saa ndakuiin na kachi na saa xiꞌin ra: ―¿Ndia ña ku iin ña xituꞌun sa kun kuni ndi, ra vaꞌa kandixa ndi yoꞌo? ¿Ra a väꞌa ndikun na sa kun ña kuni va ndi? ―kachi na xiꞌin ra.

San Juan 11:27

Ra saa ndakuiin ña kachi ña saa: ―Kandixa va yu, Tata, ra kandixa tu yu, ña kuu kun Seꞌe Ndioxi va, ra ndikaxin tu ra yoꞌo ña sakaku kun na yuuvi yoꞌo va, ra xa iyoo tu tuꞌun xaꞌa kun ña kixi kun nuu ña yuuvi yoꞌo va ―kachi ña xiꞌin Jesús.